Godigo Nogi Ugwaba Sabo Tęąbi Po Wabo Buku Dabe 71:6 - Godigo dwagi yai po buku

⁶ Sesemane sogo ena nago nogode naga bidiyu bilali. Idago ena ame nabode, te nago ena tonalua asali, te megiba usu nagasobao. Tama tialima, te eno sesemane sogo nago nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 71:6 Referans Kwoze

Jeremaia 1:5

“Te eno nage naga idago haligade ame nisąbo sogo, eno nage koneai. Te nage naga idago ame nisąbadi, eno nage sa munama, te gasa bulu tǫ kantri dabe tomode te profet sę ela bilabo bidi da homu yai dao,” wali.

Galesia 1:15

Tiali digi, polobadu eno idago ena ame nesiąbadi, tama Godigo ena te sogo sa muai dao. Tama tiyu, agai ena dali aga dwagi yai homu eyu, olo tau siyu, tama ena ame nenama, tama aga bidi mu pedalumainu ilama, tama agai ena i wai, eno agai sę emainogo yai.

Aisaia 49:5

Genuai Bidigo ena te idago haligade sa munama, te ena agai sę bidi bidimainu yali. Te agai te po enaba weyu, te Israel dabe sisinama, te augwali agaba odasa asomainu yali, magi baso meni, God eno Genuai Bidigo enaba te genuai nogi menama, te aga digi ena bomo mawai. Te megi da, Genuai Bidigo enaba te tiwai po walio,

Aisaia 49:1

Dage te bulu tǫ kantri pąde, me digibulu bidalubo we bidi dabe, dagego eno po odiąo. Te idago ena ame nisąbadi, te Genuai Bidigo ena sa muyu, dąį ilama, enaba te nogi mawai dao.

Godigo Nogi Ugwaba Sabo Tęąbi Po Wabo Buku Dabe 34:1

Te eno Godiba usu da weyu, gedu haluasa po weyu, tama eno aga nogi sesemane sogo ugwaba sobao.

Jeremaia 3:4

Megi tama nago enaba i weyu, te tiwai po wali, ‘Genuai Bidio, nage eno Aya dao, te nago ena gesi ogwa wegi elalubadi godolo elama, tama megi e sogoba usu nani,’ wali.

Bugagia Bidibo Kolesagade Po Asęai Buku 8:17

Tama mena we bidi dabego ena gegebo sę bomo eyu da, teda augwaligo ena sueibao. Mena we bidigo ena wei yali da, eno me te eno augwali wei mu yaibao.

Godigo Nogi Ugwaba Sabo Tęąbi Po Wabo Buku Dabe 71:14

Tiali goli, eno sesemane konealubo homu nageba dąų olalu, tama eno nago ena tau sabo tonalubao. Te eno nago nogi ugwaba mu saibao.

Efesus 5:20

Tama te tigidali sogo te dageba pedalobo tigidali sęde te dagego God Aya dali usu da po wao. Te dage te dago Genuai Bidi Jisas Kraisde wadolobaso, God dali usu da po wao.

Godigo Nogi Ugwaba Sabo Tęąbi Po Wabo Buku Dabe 22:11

Te sęgę enaba megi pedalubao, tama tiyu, nago ena me tagaligio. Ena tau sabo bidi deli me menio.

Godigo Nogi Ugwaba Sabo Tęąbi Po Wabo Buku Dabe 40:4

Bidigo konealubo homu te Genuai Bidiba dąų wabo bidi da, te aga wiegi yai homu pemene yao. Te hagoma ebo bidi dabe wali pisąbo bidi tiwai, tama te Genuai Bidi me tagalisiąma, tama te tibo god dabeba lotu po me wagobeo. Mu menio.