Godigo Nogi Ugwaba Sabo Tęąbi Po Wabo Buku Dabe 7:5 - Godigo dwagi yai po buku

⁵ teda, nago te boi bidi dabego ena pobelama, tama ena tola somainu yagameo. Tama augwa ena ela muyu, tama ena mu dolomainu yaibao. Awe, eno tigi te tǫ daide olo elalumainao.

Godigo Nogi Ugwaba Sabo Tęąbi Po Wabo Buku Dabe 7:5 Referans Kwoze

Malakai 4:3

Eno te sę dabe ebo sogo te dwai sę ebo bidi dabe dagego aiyaba elalueibao, tama augwali te tǫ hogomu agabo tiwai yaibao,” wai dao.

Sekaraia 10:5

Tama tibaso, te Juda dabego te boi bidi dabe aiyaba elalubo sę eyu, te ami bidi dabego te taun sunumi dabede te tǫ pude te boi bidi aiyaba agabo tiwai yaibao. Te Genuai Bidi augwali dali bidibaso, te augwaligo hwįbo bomo eyu, te hos kibude dugayali boi bidi dabe me augwali aiyaba elaluboba usu naibao,” wali

Habakuk 3:13

Nago tama tiali, te naga we bidi dabe ma sainogo yali, te nago sa muani king dali sainogo yali. Nago te dwai sę ebo bidi dabego tobolu bidi bomonama elama, tama nago te agai bidi hani mu dolai dao.

Jeremaia 17:13

Genuai Bidio, sesemane sogo da Israelgo konealubo po nageba dąų olama, te nago da tau sabo tonalubao. Te bidi dabego nage tudiba muani, augwali hale dwai mu yaibao. Polo tama te bidi dabego augwali homu kone palubo tagalu, te nogi me deli homu kone gegeda pabo tiwai eyu, bidigo te tǫ hogomude asęai po polo hola pabo tiwai yaibao. Genuai Bidi, nage te ąį ulu tiwai dabolo ula mabo tiwai ąį elalubao. Tiali goli, te bidi dabego nage tagalobo dao.

Aisaia 63:3

“Eno bulu tǫ kantri dabe agawali, te bidigo wain du wai te masigi pou tomode agabo tiwai yali, te gasa tǫ kantri bidi me deligo ena tau me sabeo. Eno augwaliba haliga sębę eyu, wado dwai mu olama, te eno augwali bomonama mu agawali madi te augwa kaneme gela tagalu, te eno gudali ugwa dabede kaneme dagana salio.

Aisaia 10:6

Te we bidi dabego ena tagalama, tama God dologode bidisąbo bidi gagawali. Tama augwaligo ena sębę ilali. Tama tibaso, eno Asiria bage taga palama, augwali elama, tama augwaligo nai dabe selama, tama augwali aiyaba elaluama, agalama, tagalomainu yai dao, te bidi dabe tǫ nagamea pai pudu pabo tiwai emainu yai dao.”

Godigo Nogi Ugwaba Sabo Tęąbi Po Wabo Buku Dabe 60:12

Tiali goli, te God da dali bidibaso da, teda dago te hwįbode te boi bidi dabe elaibao. Mu tama, Godigo te dago boi bidi dabe aiyaba elaluaibao.

Godigo Nogi Ugwaba Sabo Tęąbi Po Wabo Buku Dabe 49:12

Dago genuai nogi sabo tego dago te isibo tų dąų wagobeo. Menio. Da te hasa dabe isibo tiwai yaibao.

Godigo Nogi Ugwaba Sabo Tęąbi Po Wabo Buku Dabe 44:5

Te nago bomogo naga dago te boi bidi dabe sela sąyu ebo dao. Mu tama, nage da dali bidiyu, tama dago te da dali hwįbo bidi dabe aiyaba elaluyu, sągągo agabo dao.

Godigo Nogi Ugwaba Sabo Tęąbi Po Wabo Buku Dabe 3:2

Mu tama, te augwa hasi augwaligo enade te tama wabo, “Te Godigo aga me tau sogobeo,” wabo.

Jopgo Po Asęani Elalubo Buku 16:15

Polobadu da, ena genuai nogi elaluai dao. Tiali goli, megi da, ena nai meniama, dolama mu bidiba. Tama ena hale mu ebao. Tama au dodobage sela sąnama, hobede ebo ugwa gudama bidibao.

1 Samuel 24:11

Eno aya, suao, nago eno e tolalubo ugwa dage pedai bugagia suao. Eno te nago ugwade togwa sali, tiali goli eno nage me elibeo. Tama teyu, nago bugagia koneao, eno nageba dwai sę yabo homu me, te nage dolabo homu me elalubeo. Eno nagede hagoma eyu, nage dologode bidibo hagela homu ebeo. Eno tede sęgę sabeo. Eno dwai sę me deli nageba me ebe, tiali goli, nago ena gegebo sę eyu, te ena ela muainu ebao.

1 Samuel 24:18

Tama megi tama nago ena pusali, nago wiegi yai kolesaga enaba elama, tama ena nago nogoba te Genuai Bidigo muani sogo, nago ena me ela mubeo.

1 Samuel 24:20

Odao, eno mu koneani, te nage Israelde bomai king pedelaibao.