Godigo Nogi Ugwaba Sabo Tęąbi Po Wabo Buku Dabe 69:19 - Godigo dwagi yai po buku

¹⁹ Te bidi dabego enaba po dwai wabo te nago koneanio. Tama augwaligo te ena hale emainu eyu, tama ena nogi aiyaba elalubo me, te nago koneai dao.

Godigo Nogi Ugwaba Sabo Tęąbi Po Wabo Buku Dabe 69:19 Referans Kwoze

Hibru 12:2

Tama tiyu dago gedugo Jisasba naga tonono iyąo, aga te dago agade konealubo po dąų wabo kolesaga page bidi, tama nosali agai dago agade tią pabo kolesaga ebo mu usu naibao. Polobadu Jisas aga homugo te wiegi yai homu pemene yabo sę te nosali sabo homu elama, tama aga bomo elama bidali, tama aga dene bugagia tolama aga ni pedaide isai. Agai homugo te ni pedaide hale sabo te olo nai tiwai da, te homu yai. Tama megi da agai genuai nogi elalubaso, aga te God dulalubo sia saide te dolo nogo badude megi dulaluyu bidibo dao.

1 Pita 2:23

Augwaligo aga dali dwai dwai po wabo si agai augwali dali dwai po wei ponobe, sagia sai. Tama augwaligo aga dene maidu gebo si, agai te boi bidi homu eyu, po wei munu me ponobeo. Woo. Te menio. Aga te homu yali, ‘God agai te augwaligo ena dali yali sęde te po tų dolo mu yaibao,’ te homu yai. Tama te homu eyu, agai te po tų yabo sę Godigo nogoba maidu geai.

Aisaia 53:3

Te bidi dabego aga tudi ola menama, te aga begela dolama, te aga godolo mu me isąwai. Sesemane sogo agade te homu dene me haniani sęgę pągąnaluali. Augwaligo aga tudiba mu muanio. Te dago aga te olo bidi me tonobo tiwai yai dao.”

Dwagi Yai Gesi Po Jongo Asęani 8:49

Jisasgo po wei ponoyu, te po wai, “Enade dwai haubo mobo bidi me bidibeo. Eno ena Ayago nogi ugwaba sabo dao. Tiali digi, dagego eno nogi posobo dao.

Godigo Nogi Ugwaba Sabo Tęąbi Po Wabo Buku Dabe 38:9

Genuai Bidi, nago te eno bomai homu wei ebo koneani. Eno haligago dwai gela wabo, tama nagede tebo te geme me dualalubeo.

Godigo Nogi Ugwaba Sabo Tęąbi Po Wabo Buku Dabe 5:9

Te eno boi bidi dabego te mu po dwasianu me wagobeo. Augwaligo te gasa bidi dolabo homu naga ebao. Te augwaligo pedauwali te gų page tǫ dedage dalalubo tiwai elalubao. Augwaligo te homu bega sabo po hauwade te bidi dabe dwai madiba kekebo dao.