Godigo Nogi Ugwaba Sabo Tęąbi Po Wabo Buku Dabe 68:18 - Godigo dwagi yai po buku

¹⁸ God te ugwanu mu yai bulu duba holama, tama agai te kalabus bidi hauwa sela pai. Agai te hagoma ebo bidi dabego te aga dali hwįani bagego nogode te haniani wiegi yai nai sela peyu, aga dali pali. God, Genuai Bidi, te bulu dude bidaibao.

Godigo Nogi Ugwaba Sabo Tęąbi Po Wabo Buku Dabe 68:18 Referans Kwoze

Kraisgo Geme Dualali Sę Pedelabo Po Jonbolo Ola Mani 21:3

Tama eno odali, po me deli te tuni bidi dulalubo digi pedauwalidu pedalama, tama i bomonama e tama wai, “Odao! Megi te God agai bidibo digi te bidi dabe augwali dali elalubao. Tama aga augwali tomode bidiyu, tama augwali agai we bidi bideibao. Awe, God aga digi te augwali dali bideibao.

2 Korin 6:16

Mena tama dago te Godigo wiegi yai be dali, te bulu haubo bidigo dali si te deli madi sisinaibawe? Te tiwai me egobeo. Dagego koneani, da digi, da te bidibo ula elalubo Godigo bidabo be tiwai dao, te polobadu Godigo te tiwai po wai, “Te ena augwali dali bidiyu, tama augwali tomode bilaibao. Tama ena augwaligo God bidiyu, tama augwali eno we bidi bidaibao.”

Te Israel Tobolu Bidi Dabe 5:12

‘Nage poligi pao, Debora, nage poligi pao! Nage poligi pao! Nago tęąbi po me deli wao! Tama nage poligi pao! Barak te Abinoamgo ogwa, nage hogodama pao! Nago te naga aiyaba elaluali kalabus bidi dabe sela pao!’”

1 Pita 3:22

Tama te Jisas Krais aga te gų pagede ma hodolama, tama Godigo dagalude bidibo madiba sabolama tama genuai nogi sobaso, aga te Godigo dolo nogo badu megi bidibao. Tama aga tede bidiyu, tama ensel mobo bidi dabe tigidali dali, te noma bidi tuni bidi dabe dali, te bomo yai noma bidi dabe dali, augwali tigidali Krais aga dologode bidibo dao.

Godigo Sęba Tagala Palai Bidigo Po 2:4

Tama Godigo Dwagi Yai Mobogo augwali sali, te tigidali agada weyu, tama augwali tigidaligo gasagi yai gasagi yai konesiąwai po dabe wabo gagalali, te me bidigo me po weyu, tama me bidigo gasa po me weyu yali. Tama Godigo Mobogo augwali te po dabe omainu te sę ilali, augwaligo pedauwalidu.

Dwagi Yai Gesi Po Jongo Asęani 16:7

Tiali goli, eno mu po dage dali obao. Dage tau somainogo, dage eno taga peyu, ena pobao. Ena pisąyu da, te Tau Mabo Bidi dageba asogobeo. Tialima, ena peyu da, te bidi eno dage bidibo digi tagala palaibao.

Dwagi Yai Gesi Po Jongo Asęani 14:23

Jisasgo aga dali po wei ponoyu, te po wai, “Ena godolo mu ebo bidi, te bidi agai eno ola mabo po bugagia wali paibao. Tama eno Aya agai me te bidi godolo yaibao. Tama da si talua si aga dali bidagaselama, bidada peyu, bidada paibao.

Godigo Nogi Ugwaba Sabo Tęąbi Po Wabo Buku Dabe 110:1

Yawe Genuai Bidigo eno genuai bidiba te tama po wali, “Nago eno dolo nogode dugulalu, te nago boi bidi dabe te eno nage dologoba mubo sogoba usu naibao.”

Godigo Nogi Ugwaba Sabo Tęąbi Po Wabo Buku Dabe 47:5

God te dagaluba pali. Te Genuai Bidi ugwaba holali sogo, te we bidi dabe wiegi yai homu pemene elama, tama bomonama i weyu, tama biugel bu weyu dali yai.

Godigo Nogi Ugwaba Sabo Tęąbi Po Wabo Buku Dabe 24:3

Niwai bidi te Genuai Bidi Godigo bulu duba holobo usugowe? Niwai bidi agai dwagi yai be tomoba pogowe?

Kolosi 2:9

Magi baso meni. God aga digi sese mu te Kraisgo tigi tomode bidibo dao, tama Krais aga tiwai mu bidibo dao.

Godigo Nogi Ugwaba Sabo Tęąbi Po Wabo Buku Dabe 78:60

Tama agai te aga Silode elaluali ugwa be tagalalio. Te bede aga te we bidi dabe tomode bidali.

Kolosi 2:3

Aga da te Godigo wiegi yai homu kolesaga dali konebo homu dali si dabolo waselai bidi dao. Te homu kolesaga dali konebo homu dali si polobadu dualalubadi bidai dao, te bidigo umabo wiegi yai doado bage geme dualali tiwai elaluali.

Polgo Po Pas Rom Dabeba Asęani 5:8

Tiali goli, Godigo kolesaga e tiwai dao. Da dwai sę ebo we bidi naga bidai digi, Kraisgo da tau somainogo homu eyu aga isali. Te kolesagade Godigo da ola mani, te God aga digi agai da dali dwagi yai homu eyu godolo mu ebo dao.

Tuni Bidi Dabego Po Elalubo Buku Si 6:18

“Tiali goli God, nage te da tǫde we bidi dali bidagasainu ebo te mu da, agawe? Dagalu te genuai bulu mu dao. Tiali goli nage tede bidabo usu meni yali bogo. Tama tialima, eno te sę yani bego nage mena tama tilama usu egowe?

Kraisgo Geme Dualali Sę Pedelabo Po Jonbolo Ola Mani 1:20

Tama nago eno dolo nogode te hǫ a naga olama me badu nogo si elalubo suali. Te lam sole gol a naga badi me si tama te me nago suai. Tama te nai dabe geme dualali page e dao: te hǫ a naga olama me badu nogo si wali, te Godigo po wali pabo bulu a naga olama me badu si te bulude bidibo we bidi tau sabo ensel mobo bidi dabe dao. Tama me te a naga olama me nogo si te lam sole po wali, te a naga olama me badu nogo si Godigo po wali pabo we bidi hani dabede po begelama weyu,” agai te po wai dao.

Hibru 8:1

Te dago te wabo po page mu, te po e dao: dago te tobage polalubo pris bidi elalubao, tama aga genuai nogi elalubaso, aga te dagalude te Polalubo Tuni Bidi Godigo dolo nogode dualaluyu megi bidibo dao.

Hibru 6:20

Tama da tobade Jisas aga digi polasa peyu, te be habu tomoba pali, te da tau sainogo yali. Aga te genuai pris tobolu bidi pedalali, te bidi Melkisedek tiwai pedalali, tama aga sesemane sogo bidada peyu, bidada paibao.

Hibru 4:14

Te God aga te dago ebo kolesaga dagalabo bidi bidibaso, dago te Kraisde homugo konealubo po, te gasa we bidi dabebolo pusabo po, dago te pode dago homugo mu kęą pao. Magi baso meni, dago genuai pris tobolu bidi te bidibao, tama aga te dagaluba holama tama Godigo bidibo digi tomoba mu pai. Aga te bidi Jisas, te Godigo Ogwa dao.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

Godigo Sęba Tagala Palai Bidigo Po 9:17

Tama te po obaso, Ananaias pelama, te beba sabolali. Tomoba pelama, agai nogo te Sol toboluba muani. Agai te po wai, “Sol, nage da eno ama dao. Tama Genuai Bidi Jisas aga digi ena nage pageba tagala palai dao. Nage te pabo tųdu edaba asobadi, Jisas aga digi nagebolo sabolali. Agai ena tagala palali, nago gedu ma dwagi yai ilimainu yai. Tama agai homugo Godigo Dwagi Yai Mobo nage tomode bidimai hagede, te sę yai,” Ananaiasgo te po wai.

Godigo Sęba Tagala Palai Bidigo Po 2:23

Tama Godigo polobadu mu koneama tiaibao homu elama, agaduba homugo po polo dąų waluyu homude tiwai, te Jisas augwaligo dagego nogode muaibao. Tama dagego dwai bidi dabego Jisas elemainu ola mobaso, tama augwaligo aga ela muani.

Dwagi Yai Gesi Po Lukgo Asęani 24:51

Tama agai te bidi dabebolo te po madubadi, tama Jisasgo augwali taga pai, tama Godigo Jisas dagaluba sela holai.

Dwagi Yai Gesi Po Lukgo Asęani 24:49

Te nai polobadu eno Aya God agai dagebolo mawaiba wali nai, te eno megi dagebolo tagala palaibao. Tialima, dage te Jerusalem hanude bidiąo. Dage bidibadi, tama te dagaludu bomo dageba dulaibao,” Jisasgo augwalibolo te po wai.

Dwagi Yai Gesi Po Lukgo Asęani 24:47

tama hodaluama, tama aga nogigo bomogo aga sę ebo bidi dabe augwaligo agai po tigidali bidi hanibolo ola mawaibao, te we bidi augwaligo homu begelemainogo yaibao. Augwaligo homu begelama, tama Godigo augwaligo yali dwai dwai sę sela sąwaibao. Te Godigo sa muani bidi agai sę ebo bidi dabego te tobage po tigidali bidi hanibolo wagi paibao, te sę augwaligo Jerusalem bulude gagalaibao.’

Dwagi Yai Gesi Po Makgo Asęani 16:9

[Jisas te kigamu mu te sę polasa gagalobo sogo tede hodaluali. Tama aga hasia te Makdala bulu we Mariaba pedelai. Te we polobadu Jisasgo te dwai haubo noma bidi te nogo a naga olama me badu si elalubadi sela sąwani te we dao.

Matyu 9:13

Tama dage pao, te Godigo po bukude asęani po me deli nedama, tama te po page bugagia koneiąo. Te po e dao: ‘Dagego te hasa elama tama enabolo olo mabo kolesaga, te tobage tebo ofa sę eno godolo menio. Te dagego gasa we bidide homu dene eyu tau sabo kolesaga te eno godolo ebo dao,’ te po asęani. Tama ena asali, eno te we bidi augwa digi augwa homugo da doloba pai we bidi dao wabo we bidi i wainogo asobeo. Menio. Ena asali te eno dwai sęgę sai bidi dabe i wainogo asai dao,” Jisasgo te po wai.

Esekiel 48:35

Tialima, te taun sese bagua sali obo te bobobage dąį te 9,000 mita usu nama dao. Tigidali sogo augwaligo te taun nogi e tama nogi eyu yaibao, ‘Genuai Bidi ede bidibao,’ te nogi waibao,” Genuai Bidigo te po wai.

Aisaia 57:15

“Ena digi ena God, te ena sesemane sogo bidibao. Eno nogide te magi meda mu meni yai elalubao, ena te Wiegi Yai Doloba Pai Kolesaga Mu Ebo God dao. Ena te ena wiegi yai bulude digi ugwadu bidibao. Tiali, ena te augwa digi augwa aiyaba elaluama bidiyu, te augwa yali dwai sęde homu dene ebo we bidi dali bidibao. Te eno augwa haliga dąų waliyu, te augwa bidibo ula te wiegi yai ma pedalumainu ebo dao.

Aisaia 55:7

Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.

Godigo Nogi Ugwaba Sabo Tęąbi Po Wabo Buku Dabe 7:7

Te tigidali we bidi nage pąba naga sisinama, tama nago augwali tonalumainu yao.

Bomai Po 33:2

Agai te po wali, “Genuai Bidi Sainai bulu dude bidama asali. Aga te Idom bulu ugwadu te giliga tiwai asali, tama agai ula te Paran bulu dude elaluali, tama te ula aga we bidiba ula yali. Te ensel sibi tausen hauwa aga dali bidali, tama agai dolo nogo badu isi bogoli genuai mu iduali.

Joel 2:11

Genuai Bidigo te aga ami bidi dabeba i bomonama wali, te agai pedauwalide te dagalu kulukulu wabo tiwai yali. Te agai po wali pabo bomai ami hauwa elaluali. Idaya, tegobao! Te Genuai Bidigo bodolu side te dwai mu dao. Tialima, de aga te bugagia bidiyu, te aga me dologobe dawe?