Godigo Nogi Ugwaba Sabo Tęąbi Po Wabo Buku Dabe 68:16 - Godigo dwagi yai po buku

¹⁶ Nage te sau pado hauwa dalubo bulu du da, magi baso nago te God aga dugulaluainu ebo bulu du sulama, tama nago homugo te olo nai tiwai da homu ebawe? Genuai Bidi da, te bulu dude bidada pidu, bidada paibao.

Godigo Nogi Ugwaba Sabo Tęąbi Po Wabo Buku Dabe 68:16 Referans Kwoze

Bomai Po 12:5

Genuai Bidigo dage lotu po wabo pesage me deli dage hanigo tǫde sa muaibao. Tama te pesagede naga te we bidi augwali pąba aselama, tama augwali agaba lotu po omainao.

Aisaia 2:2

Te me sogo nosali, te Genuai Bidigo be dolalubo te bulu du, te genuai ugwanu ma dolaluyu, tama gasa bulu du dabe aiyaba elaluai elaluaibao. Tama tigidali we bidi hani teba sisinagasaibao.

Godigo Nogi Ugwaba Sabo Tęąbi Po Wabo Buku Dabe 114:6

Te bulu du dabe, magi baso dage te meme sasa mano pelabo tiwai ebawe? Te dwasianu bulu du dabe, magi baso dage te sipsip sasa mano pelabo tiwai ebawe?

Godigo Nogi Ugwaba Sabo Tęąbi Po Wabo Buku Dabe 114:4

Te genuai bulu du dabe te meme sasa mano pelabo tiwai eyu, tama te dwasianu bulu du dabe te sipsip dabe sasa mano pelabo tiwai yalio.

Te Israel me Juda Hani Sigo Tuni Bidigo Po Elalubo Buku Deli 9:3

Tama Genuai Bidigo agabolo te tama po wai, “Eno te nago te enaba wali gedu haluasa po dali, te nago bomonama hanalu wali po me, te odali. Tama eno nago te sę yani be sa muyu, te be te eno be elalueibao, tama sesemane sogo te we bidi augwali te ena pąba te beba asiyu yao po wai. Tama sesemane sogo eno te beba tonaludu, tama teba homu kone yaibao.

Bomai Po 12:11

Genuai Bidigo agaba lotu wabo pesage deli aga sa muaibao. Tama te pesagede da, dagego eno megi dagebolo wali te nai dabe sesiąo. Tama te ofa da, te isigo sese dela silibo ofa, me te meba ofa dabe me, te tigidali nai bugwai me badu te ofa me, te me gasa nai dabe dagego Genuai Bidibolo mawainogo yali, te ofa me te wiegi wiegi yai nai dabe te dąų wali te po usu nabo, te nai dabe tama sesao, te eno hasia polo wali.