Godigo Nogi Ugwaba Sabo Tęąbi Po Wabo Buku Dabe 66:6 - Godigo dwagi yai po buku

⁶ Agai te tamu ąįgo pesage te wa pai pedalumainu ilama, tama dago wąį nǫų dabe tedu pelayu, tama te wę nogegi pai. Tede te augwaligo Godiba wiegi yai homu pemene yai dao.

Godigo Nogi Ugwaba Sabo Tęąbi Po Wabo Buku Dabe 66:6 Referans Kwoze

Josua 3:16

te wę togoyu, mu dąų olama, tama te wę ma soabeo. Te wę ugwadu te bobobage bulu du tiwai gilama, te bulu Adamba usu nigi pelama, te wę pesage holai tiwai elaluai, te Saretan hanu me deli pąde yali. Tama te sigi ąį Det Si teba dulubo wę te tigidali sula sai elaluai. Tama te we bidi augwali te wę tomodu pelama, te Jeriko hanu pąba u badu sabolai.

Godigo Nogi Ugwaba Sabo Tęąbi Po Wabo Buku Dabe 78:13

Godigo te tamu ąį togolama, tama tamu ąį te me badu buga siyu, me badu buga siyu elama, dolaluali, tama agai te Israel dabe tomodu odasa palio.

Josua 3:14

Tialima, te we bidi augwali te bidali pesage tagalama, te wę Jordan nogoainu yali. Tama te pris dabego te dąų wali po muani halobage tolama, tama augwali polasa pai.

Ma Dobola Sali 14:29

Tiali goli, te sę pedalisiąbadi, te Israel dabe augwali te tǫ wai digi pali, tama te wę te be daga u badu me e badu elalubo tiwai yai, tama augwali pelama, te wę u badu hasia sabolai dao.

Josua 3:17

Te Israel dabe augwali te tǫ wa pai madi naga pai. Tama te Genuai Bidigo te dąų wali po muani halobage tolali te pris bidi dabe, augwali te wę Jordan sula sali digi te tǫ dolo tomode dolaluali, te we bidi tigidali te wę nogelama, gasaba u badu sabola silibo usu nigi pomainu yai.

Josua 4:22

teda augwaligo augwalibolo te po waiąo, ‘Te Israel dabego te Jordan wę te wę sula sai digi nogali te dąį ilali te dao,’ te po wao.