Godigo Nogi Ugwaba Sabo Tęąbi Po Wabo Buku Dabe 66:10 - Godigo dwagi yai po buku

¹⁰ God, nago da usu siyu, te bidi dabego te wiegi yai kapa silva te siago ulama, tama te hogomu kakali sela sąbo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 66:10 Referans Kwoze

Aisaia 48:10

Eno dage wiegi yai pedalumainu homu yali, tialima eno dage te siaba me ulusiąma, te bidi dabego silvade ebo tiwai eyu, te aga meda yali sela sąwainu ebo tiwai ebeo. Menio. Eno dageba te haniani sęgę pedalumainu ilali, te dagego dwai kolesaga ebo tagalomainu yai dao.

Godigo Nogi Ugwaba Sabo Tęąbi Po Wabo Buku Dabe 17:3

Nago eno homude koneai. Nago ena hulide me suagasai, tama nago ena usu sai, tama nago eno homu kolesaga dwai elalubo nago me subeo.

Bugagia Bidibo Kolesagade Po Asęai Buku 17:3

Genuai Bidigo te tiwai sulama koneainu yai, da te wiegi yai bidi ma dwai bidi, tama agai te dago haliga usu sula soyu, te gol me silva te siade usu sela subo tiwai ebo dao.

Jopgo Po Asęani Elalubo Buku 23:10

Tiali goli, Godigo ena bilibo dabe tigidali mu koneanio. Ma, aga ena usu siyu da, teda agai ena tonobo da wiegi yai gol masigi tonobo tiwai yaibao.

Sekaraia 13:9

Tama te me badu bugai elalubo te dwagi yai pedalabo sę usu sabo sę ilaibao, te bidi mebago te gol me silva te dwai hogomu sela sąmainogo te isiba ulubo tiwai yaibao. Tama augwaligo gedu haluasa po enaba obaso da, teda eno augwaligo gedu haluasa po wabo odaibao. Tama eno te tama po augwaliba walaibao, ‘Dage da, eno we bidi dabe da’ obaso, teda augwaligo te tama po waibao, ‘Nage God, dago Genuai Bidi dao,’ po waibao,” Genuai Bidigo te po wai dao.

Bomai Po 13:3

Dagego agai po me odamuo. Dago God Genuai Bidigo dage agai pode tulalubowe olama usu somainogo tiaibao. Dagego dago Genuai Bidi dagego homudu, me dagego kolesagadu sese tama aga mu godolo ebowe weyu, ma meniwe olama, tama tiaibao.

Bomai Po 8:2

Dagego bugagia mu kone paliąo, God dago Genuai Bidi aga polasa peyu, tama agai dage te bobobage sunumidu asali tau sai dao. Dage te nai meni yai kemi sane bulude dage te kibu be bidi sese si 40, te tama te bulude bilai dao. Tama Godigo haniani sęgę taga palai dao, te dage usu sela suyu, te dagego te tigidali bomai po wali pogowe ma meniwe elama suainogo tiai dao.

Bomai Po 8:16

Tama me te bulude agai dage mana mawai dao, dage tumainogo. Te da, te gasa nai me deli dagego wąį dabego polobadu me tusiąma yai nai dao. Tama agai sęgę dabe tagala palai dao, te dage usu siyu. Tama tialima, agai wiegi yai sę dageba nosali pedalomainogo tama yai dao.

Bugagia Bidibo Kolesagade Po Asęai Buku 25:4

Te augwaligo silva kakali sela sąbaso da, teda te silva wiegi yai pedelama, tama bidigo te wiegi yai pou plet nigibo dao.

Malakai 3:3

Aga asobo te tigidali we bidigo kolesaga dagalainu asaibao, bidigo te silva siaba ulama, te dwai hogomu sela sąbo tiwai yaibao. Te tiwai te Genuai Bidigo sę bidigo te pris dabego dwai meda yai kolesaga sela sąnama, tama augwa te Genuai Bidiba wiegi yai ofa igi peyu selasa paibao wali.