Godigo Nogi Ugwaba Sabo Tęąbi Po Wabo Buku Dabe 65:8 - Godigo dwagi yai po buku

⁸ Te tigidali tǫde bidibo we bidi dabego nago te ebo sę dabe sulama, tama tigidali te nagede wi ebao. Te giliga pedalubo badu, me te giliga dega sigilubo badu bidibo we bidi augwaligo te nago ebo sę tigidalide homu kone palama, tama augwaligo te wiegi yai homu pemene elama, te nageba i wabo dao.

Godigo Nogi Ugwaba Sabo Tęąbi Po Wabo Buku Dabe 65:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 148:3

Giliga me polua, dage sigo me te aga nogi ugwaba sao. Tama te ula mu ebo hǫ tigidaligo te agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 136:8

Agai te be posobo sogo te ulade te giligago tonalumainu ilali. Agai da sesemane bidada pabo sogo wei mu ebao.

Godigo Nogi Ugwaba Sabo Tęąbi Po Wabo Buku Dabe 126:2

Tama dago gisugu kisu selama mu wali, tama dago pemene umabo mu ebo tęąbi wali. Tama te Genuai Bidigo po konesiąbo bidi dabego te tiwai po wali, “Genuai Bidigo te genuai sę mu ebogo te Israel dabe tau sabo dao,” wali.

Godigo Nogi Ugwaba Sabo Tęąbi Po Wabo Buku Dabe 74:16

Nago te be posobo me be hulibo nigali, tama nago te giliga me polua te ugwadu muai elalubao.

Kraisgo Geme Dualali Sę Pedelabo Po Jonbolo Ola Mani 11:13

Tama te sogo naga, genuai tǫ mali eyu, tama te moni hanu me badu dolali, tama a naga olama me si me si habu badu naga elaluai. Tama we bidi hauwa mu te bidi sese umabo te 7,000 bidi dabe te te mali yali digi isai. Tama te isisąwai we bidi augwali wi mu eyu, tama augwaligo te dagalude bidibo God nogi ugwaba sai.

Godigo Nogi Ugwaba Sabo Tęąbi Po Wabo Buku Dabe 135:9

Tama te Isipde agai te bidigo me isiąwai bomai sę dabe te kingba me, aga ofisa dabeba dali, te dene mawai dao.

Godigo Nogi Ugwaba Sabo Tęąbi Po Wabo Buku Dabe 19:5

Siago buluba teda soai, te bidi we siyu, dwagi yai ebo gilama, tama aga bidibo be tagalama, buluba teda soai. Giligago aga dwagi yai homu eyu, aga pabo tų wali pabo dao, te bidi udawainogo sisi elama, dolalubo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 2:8

Enaba hanalubaso, tama te tigidali hani we bidi nageba mayu, tama te tigidali tǫ pedai te naga saibao.

Bomai Po 4:19

Tiyu dagego dagalude elalubo subo nai dabeba lotu po waidalio, te giliga, me polua, me hǫ dabeba lotu olamuo. Menio. God dago Genuai Bidigo te gasa we bidi dabego te nai dabeba lotu omainu sula tagalai dao.

Godigo Nogi Ugwaba Sabo Tęąbi Po Wabo Buku Dabe 66:3

Dago te tama po Godiba wainao, “Te nago ebo sę tigidali te wiegi yai mu ebao. Te nago bomo genuai ugwanu mu igulai elalubao, tama nago boi bidi dabe te wi mu elama, tama augwali te nago gesabidiba pibia sagaselama, te kidu sugunagasobo dao.” Te tobage po wainao.

Godigo Nogi Ugwaba Sabo Tęąbi Po Wabo Buku Dabe 65:13

Te sipsip hauwa mu te nosa elalubo pesagede mu pągąnalubao. Te bulu dabe odogo tomode te wit nai mu pągąnalubao. Tama tigidali nai te wiegi yai pemene ebo dao.

Jopgo Po Asęani Elalubo Buku 38:12

“Jop, mena tama tiali. Nago olo pogo obadi yaide, te be posoyu, ula me yai me elalubawe? Tama nago te be posobo sę kigamu naga emainu bodolu muai dawe?

Tigidali Nai Gagalama Nigali Side 8:22

Tama tiyu, te nai bulabo sogo me, te nai sabo sogo me elaluaibao. Tama te giliga nanobo sogo me, te tulubage sogo me elaluaibao. Te giliga me te be hulibo tama elaluaibao. Te e tǫ elalua pobadi, tama te tigidali nai me sia sogobeo,” Yawego te po wai.

Godigo Nogi Ugwaba Sabo Tęąbi Po Wabo Buku Dabe 89:10

Nago te Isip dabego genuai bomo togolama, tigidali mu dolalio. Tama nago nogogo genuai bomogo, nago naga boi bidi dabe aiyaba elalualio.

Godigo Nogi Ugwaba Sabo Tęąbi Po Wabo Buku Dabe 107:29

Agai te moni wali me biksi silimainu elama, tama te tamu ąį ma hogodalugobeo.

Aisaia 17:13

Te boi bidi dabe asali, te tamu wę aluasa asobo tiwai yali. Tiali goli, Godigo augwali sesanobaso, tama augwali augwa buluba ma wi pela wali. Te Godigo augwali sela sąyani, te waligo ni yabe dabe subigila sela sąbo tiwai eyu, me te hogabo waligo te hogomu dabe pobele bage ugwaba sela holobo tiwai yaibao.