Godigo Nogi Ugwaba Sabo Tęąbi Po Wabo Buku Dabe 65:13 - Godigo dwagi yai po buku

¹³ Te sipsip hauwa mu te nosa elalubo pesagede mu pągąnalubao. Te bulu dabe odogo tomode te wit nai mu pągąnalubao. Tama tigidali nai te wiegi yai pemene ebo dao.

Godigo Nogi Ugwaba Sabo Tęąbi Po Wabo Buku Dabe 65:13 Referans Kwoze

Aisaia 55:12

“Te dage wiegi yai pemene elama, Babilon taga somainu elama, te dage eno odasa asiyu, te dage wi ilabo magi sę deli me pedalugobeo. Te bulu du dabego wiegi yai pemene ebo tęąbi po weyu, te ni dabego pemene homu elama, augwa nogo elaibao.

Godigo Sęba Tagala Palai Bidigo Po 14:17

Tiali goli, agai tigidali sogo tigidali we bidi augwaligo aga bidibo konemainu, dwagi yai nai dabe we bidi tomode mubo dao. Agai te dagaludu tulubage me, giliga nanobo sogo me, agai dąį ilibo dao. Tama agai nai pedalama, tama dage bugai homu emainogo te sę ebo dao,” augwali sigo te po wai.

Aisaia 44:23

Dagalu, nage wiegi yai pemene elama, i wao, tama te tǫ dologode aiyadu elalubo nai dabe, dagego i waiąo. Dage bulu du dabe me, dage te genuai ni silide elalubo tigidali ni dabe, dagego wiegi yai pemene elama, i wao. Tigidali nai i wao, magi baso meni, Genuai Bidigo bomo me genuai nogi te dage Israel dabe ma sali sogo ola mawai dao.

Aisaia 30:23

Tama Godigo tulubage te dagego bulali nai wai dabeba mawaibao. Tama te węgo dagego nai wai dabe bugagia mu holaibao. Tama dagego nai dabe hauwa mu elaluaibao. Tama te sogo dagego kau kibu dabego tuabo nosai dabe hauwa me elaluaibao.

Sekaraia 9:17

Te tǫ da, wiegi yai mu elalueibao. Tama te gesi wegi ogwa dabego te wit nai me wain hauwa elalueibao, tama augwali te genuai hani te bomai we bidi mu pedelaibao.

Jeremaia 48:33

Te Moapgo tǫde wiegi yai nai hauwa pedalubaso, te bidi dabego te nai siyu, wiegi yai pemene yai. Tiali goli, te wiegi yai pemene elama, gisugu wabo kolesaga te silaibao. Eno te tama tilama, te wain du agabo masigi poude te wain augwaligo munu ma nigigobeo. Augwa te i olama, pemene eyu, te wain agabo sę yali me egobeo. Mu tama, te augwa i weyu da yaibao, tiali goli, te augwa pemene elama, i me wagobeo.”

Aisaia 52:9

Dage te Jerusalem badu dolalio, dagego te pemene elama, i waiąo, magi baso meni, Genuai Bidigo te Jerusalem ma selama, te agai aga we bidi dabego sęgę silalio.

Aisaia 35:10

Te Genuai Bidigo ma dobola sali we bidi dabe, te augwali wiegi yai pemene dali te Jerusalemba ma asaibao. Te augwa genuai po dagą weyu, balia weyu, te sunumidu aselawaibao. Te augwa wiegi yai bugagia mu dugulalu, te augwa pemene umabo mu yaibao. Augwa te wiegi yai pemene ebo munu me sia sogobeo. Te dene, me haliga sęgę, te augwalide munu ma me elalugobeo.

Godigo Nogi Ugwaba Sabo Tęąbi Po Wabo Buku Dabe 144:13

Dago homugo te gi dabede te nai hauwa walomai homu elama, tama te nai mubo be mu pągąmainu homu ebao. Tama te sipsip dabego te wai dabe umabo umabo mu ame nomainu homu ebo dao.

Godigo Nogi Ugwaba Sabo Tęąbi Po Wabo Buku Dabe 72:16

Te yuyu me wit hauwa te we bidi dabego gide pedalumainu yao, te Lebanonde pedalubo usu tiwai. Tama te we bidi dabe te taunde hauwa pedalumainu yao, te nosa hauwa te tigidali pedaide pedalubo tiwai emainao.

Jopgo Po Asęani Elalubo Buku 36:31

Godigo tulubage dali, pǫ dali si tonalubo sę eyu, tama te kolesagago naga tigidali we bidi tonalubo dao. Tama agai tigidali tubo nai dabe bugagia tǫde holomainu ebo dao. Tama te we bidigo nai hauwa mu elalubo dao.

Aisaia 49:13

Dagalu, nago te wiegi yai homu pemene eyu, i wao. Te tǫ, nage pemene elama, genuai po dągą wao. Dage bulu du dabe, dagego me te pemene ebo balia wao. Magi baso meni, Genuai Bidigo olo mu tau mabo wiegi yai kolesaga aga we bidiba ebo dao. Augwa te sęgę hauwa tolali, tiali goli, megi da, Genuai Bidigo augwaliba wiegi yai sę elama, te augwa haliga dua tamugulama ma bidaibao.

Joel 2:22

Te kibu hasa sibi dabe, dage wi me igimio. Magi baso meni, te nosai ma pedelali. Te ni dabego nai ma walali, te ni kaya fik me, ni wain me, te du hauwa walama elaluali.”