Godigo Nogi Ugwaba Sabo Tęąbi Po Wabo Buku Dabe 64:6 - Godigo dwagi yai po buku

⁶ Augwaligo te dwai kolesaga meba yabo po mia selama, tama augwa te po wai. “Dago yabo te dwai kolesaga me deli te homugo koneanio, tama te dago yainu ebo sę te bidi me deli gegeyu, koneainu ebaso, usu egobeo,” te po wai. Dago te bidi dabego haligade elalubo homu kolesaga te koneabo usu egobeo, te geme mu dualalubao.

Godigo Nogi Ugwaba Sabo Tęąbi Po Wabo Buku Dabe 64:6 Referans Kwoze

Matyu 26:59

Te pris tobolu bidi dabe dali, te tigidali kaunsil dabe dali, augwaligo te Jisasde tibo po omainogo yabo bidi dabe gegebo sę yali, tama augwaligo aga ela muabo po dąų wabo tų gegemainogo yalio.

Godigo Nogi Ugwaba Sabo Tęąbi Po Wabo Buku Dabe 5:9

Te eno boi bidi dabego te mu po dwasianu me wagobeo. Augwaligo te gasa bidi dolabo homu naga ebao. Te augwaligo pedauwali te gų page tǫ dedage dalalubo tiwai elalubao. Augwaligo te homu bega sabo po hauwade te bidi dabe dwai madiba kekebo dao.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Aisaia 29:15

Te we bidi dabego augwa dwai kolesaga dabe Genuai Bidigo gedude dualainu usu sabo dao. Te augwali da, mu dolaibao. Augwaligo te kolesaga dabe augwaligo sesąwai madi, me hulia sai pesagede augwaligo te kolesaga dabe ebo dao. Tama augwaligo te po wabo dao, “Dego mu da sulama, dego mu koneaibawe?”

Bugagia Bidibo Kolesagade Po Asęai Buku 20:5

Te bidigo homu kolesaga te wę ulu aiyaba mu odoga sigulai tiwai ebo dao. Tiali goli, te wiegi yai kolesaga koneani bidigo, agai te homu kolesaga ugwaba ma kekasa holobaso usu yaibao.

Godigo Nogi Ugwaba Sabo Tęąbi Po Wabo Buku Dabe 35:11

Te tibo po wabo bidi dabego enaba te eno isiąwani dwai sę meba po enaba kisilama wali.

1 Samuel 25:10

Tama Nabalgo te tama po wei augwaliba ponoyu, te tiwai po wai, “Te Devit, te Jesigo ogwa, te de dawe? Eno aga me konebeo. Megi e sogo te sę tonalubo bidide te olo sę bidi hauwa wi peyu ebo sogo elalubao. Te aga me te olo sę ebo bidi naga homu ebao.

1 Samuel 24:9

Tama Devitgo Solba te tiwai po wali, “Magi baso nago olo te bidi dabego wabo poba muyu, te eno nage dolaibao homu ebo dawe?

Godigo Nogi Ugwaba Sabo Tęąbi Po Wabo Buku Dabe 49:11

Hasia te bidi dabe augwaligo tǫ me elaluai, tialima megi te gų page augwaligo tǫ tiwai elama, augwali tede sesemane sogo bidada peyu, bidada pabo dao.

1 Samuel 22:9

Te sogo te Doek, te Idom bulu bidi, te Solgo ofisa bage dali dolaluali. Tama agai Solba te tiwai wai, “Ena te Nop taunde bidali sogo tama eno suali, Devit te Ahimelek pris bidiboba pali, te Ahitupgo ogwa dao.

Dwagi Yai Gesi Po Jongo Asęani 19:7

Juda bage augwaligo te gavman tuni bidi Pailat agai po wei ponoyu, te po wai, “Dago bomo yai po me deli tama telalubo. Niwai bidi agai ‘Ena da Godigo Ogwa dao’ obaso da, te bidi ela muao. Te bomo yai po agai bolobaso, aga isao,” augwaligo te po wai.

Tigidali Nai Gagalama Nigali Side 39:15

Tialima, agai te eno hai wabo odama, tama agai ugwa te eno pagede taga peyu, tama aga te bedu buluba wi pai,” te wego te po wai.

Godigo Nogi Ugwaba Sabo Tęąbi Po Wabo Buku Dabe 10:11

Te dwai sę ebo bidigo te tama homu ebao, “Godigo te sę ebode magi sę me egobe da,” homu ebao. “Agai ena me sugobeo. Agai te aga gedu panianio,” dwai bidigo te tama homu ebo dao.