Godigo Nogi Ugwaba Sabo Tęąbi Po Wabo Buku Dabe 64:4 - Godigo dwagi yai po buku

⁴ Augwali te geme duala selama, tama te wiegi yai bidiba enego enani. Augwaligo te gagamua siyu, te wi me isiąma, tama augwaligo polo eneyu ebo dao.

Godigo Nogi Ugwaba Sabo Tęąbi Po Wabo Buku Dabe 64:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 55:19

Polobadu mu God king bidali, tama megi me aga te king bidibao. Te aga digi eno gedu haluasa po wabo odama, tama agai te boi bidi dabe te hwįbode aiyaba elaluaibao. Augwali te agade wi me isąwai, tama tiyu, augwaligo te dwai sę ebo kolesaga tagalogobeo.

Godigo Nogi Ugwaba Sabo Tęąbi Po Wabo Buku Dabe 11:2

Magi baso meni, dwai bidi dabe augwaligo ene selama, te balibiba tulama, nage enainu, te kegebao. Augwali te hulia sai bulude geme dualama, tama te dwagi yai bidi dabe enainu te ebao.

Dwagi Yai Gesi Po Jongo Asęani 19:6

Te tama tialima, te pris tobolu bidi dabe dali, te enesigi bidi dali augwaligo Jisas sulama, tama augwaligo po dagą weyu, te po wai, “Te bidi ni pedaide elao, te bidi ni pedaide elao,” te Juda bage augwaligo te po wai. Tama Pailatgo augwali dali te po wai, “Duga digi aga selama, ni pedaide elao,” te po wai. “Eno agade magi sęgę me subeo,” te Pailatgo Juda bage dali te po wai.

Habakuk 3:14

Te boi bidi dabe, augwali te genuai wali asobo tiwai yali, te da gasaba tedela palainogo tiali. Augwaligo da aiyaba elalualide wiegi yai homu pemene yali, te dwai sę ebo bidi dabe geme duala selama, te magi nai meni yai we bidi augwaliba dwai sę yainu tonalubo tiwai ebao. Tiali goli, nago te boi bidi dabego ami tobolu bidi kepten te aga ene dabego digi ma enanio.

Godigo Nogi Ugwaba Sabo Tęąbi Po Wabo Buku Dabe 64:7

Tiali goli, te Godigo augwali te agai enego enebaso da, tama polo mu tama, te genuai keni pedelaibao.

Nehemia 4:11

Te da boi bidi dabego augwa haside digi te tiwai po obao, “Te da geme geme naga duala sesa pelama, te Juda dabeba pedelaibao. Tama te augwaligo da me sugobeo. Tialima, polo tama te dago augwali tigidali ela munama, tama te augwaligo augwa yali sę me simanogobeo,” wali.

2 Samuel 15:14

Devitgo te odolama, tama agai te aga dali Jerusalemde bidibo ofisa dabe te sisinama, tama augwaliba te tama po wai, “Dago te Jerusalem polo tagalama, tama polo wi pinao. Tiyu, Apsalomgo da tigidali elabuo. Da polo asesa pinao. Te tama tisąyu da, teda te Apsalomgo hani polo asiyu, te hanu dolama, tama te hanude we bidi tigidali elaibao,” Devitgo te po wali.

1 Samuel 19:10

Tialima, Solgo sesemone ene te Devitba sąnama, tama aga ela mumainu yai. Tiali goli, Devitgo te enani ene geda muani, tama te enego te be paiali dagade naga dolali. Tama Devit aga wi palio.

1 Samuel 18:11

tama te tiwai homu yali, ‘Megi da, te eno Devit te sesemone enego enama, tama aga ela muaibao,’ homu yai. Tialima, agai te sesemone ene te Devitba sąnama enani, tiali goli Devitgo te sesemone ene geda munama, ela soali. Tama Solgo te tiwai si sogo yali.

Godigo Nogi Ugwaba Sabo Tęąbi Po Wabo Buku Dabe 55:22

Tigidali sęgę nago tolobao, te nago Genuai Bidiba mao. Te agai tolama, tama te agai nage dąų walaibao. Te agai te magi nai me deligo te doloba pai bidi dabe dolomainu me iligobeo.

Godigo Nogi Ugwaba Sabo Tęąbi Po Wabo Buku Dabe 57:5

God, nago magi sę me deli te dagalude te tigidali we bidiba te tiwai ola mao, naga digi te polalubo bidi mu da olama, tama nage te augwali daide ugwadu bidibao. Te nago bomo te tigidali bulu tǫ pedaide pepeli diliba hanilama, pedalumainu yao.