Biblia Todo Logo
Bib sou entènèt

- Piblisite -




Godigo Nogi Ugwaba Sabo Tęąbi Po Wabo Buku Dabe 63:8 - Godigo dwagi yai po buku

8 Ena nage dali bilibaso, tama nago ena bugagia tonalubo dao.

Gade chapit la Kopi




Godigo Nogi Ugwaba Sabo Tęąbi Po Wabo Buku Dabe 63:8
19 Referans Kwoze  

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.


Genuai Bidi, nago ena tonaluama, tama ena ma dobola sabo dao. Awe, nago dolo nogogo bomogo ena tau sabo dao. Nago ena tau selama, tama ena te we bidi dabego gedude genuai nogi elalubao.


Tiali goli, ena nage dali sesemane bidibaso, tama nago ena nogo tolalubo dao.


Eno abagi wali bidigo agai pobase nogo eno tobolu dologoba aiyadu muani. Tama agai dolo nogogo, agai eno tigi tola salio.


Tama te bidi tulalubaso, tagalao, aga te mu dologobeo. Magi baso meni, Genuai Bidigo te aga nogo tola selama, tama aga ma dolugulumainu ebo dao.


Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.


Eno te homu yai, “Eno sągą kikila peyu, ena tula muaibao,” wai. Tiali goli, menio. Genuai Bidi nago ena godolo mu eyu, tama nago ena nogo tola selama, ena te dwai sęgę ebo digi tulalubeo.


Te gasa de te dagalude bidiyu, tama ena tonalubo dawe? Te gasa bidi me meni, naga deli naga dao. Tialima, God, eno nage godolo mu ebao. Eno te tigidali tǫde nai wei ebo tiwai gilama me ebeo.


Nago suali, te ena dolo bilibaso, tama nago ena tonaluali, tama nago ena te naga pąde sesemane dolaluaibao.


Tama te sę emainogo eno bomo eyu tama ena sę dene mu ebo dao. Kraisgo enabolo aga genuai bomo menama, tama te bomogo naga eno bomo eyu te sę ebo dao.


Tama te baptais mani bidi Jon agai aga sę ebo gagalali sogo dąį elama, tama aga sę edubadi megi asama, te Godigo we bidi tonalubo sę te bomonama tama pąba yagasai dao, tama te sesena pai bomai bidi dabe augwali tola sainogo ebo dao.


Te hulide eno homu nage delide naga elalubo dao. Tama kigamude ena nage dali bidibo godolo mu ebo. Magi baso meni. Nago te tǫde we bidi po tų ela mabo dao, te augwali nago doloba pai kolesaga ola mawainogo.


Te king Hesekiago yali sę tigidali te Godigo tempel bede sę dabe tigidali ma hodolobo sę iyu, me Godigo bomai po me wali bugagia peyu yabo sę hodolali, Hesekiago aga homu kolesaga tomode Godigo homu kolesaga wali pabo homu bomo mu yali. Tama tiyu, agai ebo sę dabe tigidali wiegi yai mu pedelali.


Te Jisasgo te we bidibolo te po wali, “Te be tų dwasianu goli, dage bomo elama, te sunumi tomoba piąo. Magi baso meni. Eno dagebolo obao. We bidi hauwa Godigo we bidi tonalubo madigi tomoba pai hagede, ebadi, tiali goli te augwali usu egobeo.


Te nade ena hodaluama, te ena taun tomode biliyu, te eno aga gegeyu ebo dao. Ena te taun pedai habu tigidali badu bilibo dao. Tama eno te godolo mu ebo abagi gegebo sę ebo dao, tiali goli, eno aga dali deliba gesabidi me unulubeo.


Swiv nou:

Piblisite


Piblisite