Godigo Nogi Ugwaba Sabo Tęąbi Po Wabo Buku Dabe 63:1 - Godigo dwagi yai po buku

¹ O God, nage eno God dao. Eno nage gegebo sę bomo ebao. Te eno homu ogwa waigo te nage dali bidabo homu godolo mu ebao. Eno tigigo me, te nage dali bidabo homu godolo yali, te bidi te wę meni yai wa pai bulude te wę nogonego sabo tiwai gilama yai.

Godigo Nogi Ugwaba Sabo Tęąbi Po Wabo Buku Dabe 63:1 Referans Kwoze

Godigo Nogi Ugwaba Sabo Tęąbi Po Wabo Buku Dabe 143:6

Eno nogo si ugwaba siyu, gedu haluasa po nageba weyu, tama eno homu noma ogwa waigo te nage wei mu elama, te bidigo dogoni wa selama, tama aga te wę nogone mu ebo tiwai ebao.

Godigo Nogi Ugwaba Sabo Tęąbi Po Wabo Buku Dabe 84:2

Ena tede bidabo homu wei mu ebao. Te eno homu kolesaga tigidaligo te nago be wei mu ebao. Te tigigo, me homu tigidaligo, eno te wiegi yai pemene ebo tęąbi po nageba obao, God te bidabo ula elalubo God dao.

Matyu 6:33

Tama tibaso, te naide moni homu isiąma, tama dagego hasia bolo te Godigo we bidi tonalubo sę dali, me te wiegi yai doloba pai kolesaga sabo sę bolo wali piduama sao. Dagego te tama kolesaga ebaso da, te nosali agai gasa nai dabe tigidali me dagebolo mawaibao.

Godigo Nogi Ugwaba Sabo Tęąbi Po Wabo Buku Dabe 91:2

Te bidigo te tama po Genuai Bidiba waibao, “Nago ena bagualu, tama nago ena bugagia seselalubo dao. Nage eno God dao. Eno konealubo homu nageba muai dao.”

Ma Dobola Sali 15:2

Genuai Bidigo digi ena bomo ilali, tama eno tęąbigo aga nogi ugwaba saibao. Agai ena ma dobola sali, aga da te eno God mu dao, tama eno aga nogi ugwaba sobao. Tama aga te eno ayago God, tama agai genuai nogide eno tęąbi po waibao.

Godigo Nogi Ugwaba Sabo Tęąbi Po Wabo Buku Dabe 5:3

Genuai Bidi, te tigidali sogo kigamude nago te eno gedu haluasa po odobo dao. Te giliga pedalubode eno nageba bomonama, gedu haluasa po obao, te ena ofa ebo tiwai. Tama eno te gedu haluasa po wali wei ponobo te nageba tonalubo dao.

Aisaia 41:18

Eno te wa pai bulu du dabede te ąį pedalumainu ilaibao, te ulu ąį te odogo malu tǫde pedelaibao. Tama eno te sigi ąį te wa pai pesagede pedalumainu ilaibao. Tama te ąį meni yai pesagede, te ąį hauwa elalueibao wali.

Dwagi Yai Gesi Po Jongo Asęani 7:37

Te olo bidibo si silibo side, te genuai side dao, wai. Te tebo side Jisas dolaluyu, bomo olama, i wai, “Bidi me deli ąį nogone ebaso da, te bidi ena pageba aselama, ąį tuagasao.

Godigo Nogi Ugwaba Sabo Tęąbi Po Wabo Buku Dabe 118:28

Nage eno God da weyu, tama eno nageba puba hwi waibao. Nage eno God, tama te eno nage nogi ugwaba saibao.

Bugagia Bidibo Kolesagade Po Asęai Buku 8:17

Tama mena we bidi dabego ena gegebo sę bomo eyu da, teda augwaligo ena sueibao. Mena we bidigo ena wei yali da, eno me te eno augwali wei mu yaibao.

Godigo Nogi Ugwaba Sabo Tęąbi Po Wabo Buku Dabe 143:10

Nage eno God da, eno homugo te nago ena bugagia ola momainu homu eyu, te eno nago homu wali pabo homu ebao. Eno homugo te nago homu mobo bidigo ena bugagia wiegi yai ilimainu homu elama, tama ena te wiegi yai sunumiba pabo dodolumainu ebo dao.

Sekaraia 13:9

Tama te me badu bugai elalubo te dwagi yai pedalabo sę usu sabo sę ilaibao, te bidi mebago te gol me silva te dwai hogomu sela sąmainogo te isiba ulubo tiwai yaibao. Tama augwaligo gedu haluasa po enaba obaso da, teda eno augwaligo gedu haluasa po wabo odaibao. Tama eno te tama po augwaliba walaibao, ‘Dage da, eno we bidi dabe da’ obaso, teda augwaligo te tama po waibao, ‘Nage God, dago Genuai Bidi dao,’ po waibao,” Genuai Bidigo te po wai dao.

Hosea 5:15

“Te ena te ena buluba ma pelama, te ena we bidi tagaligi pelama da, tama te augwali te augwa yali dwai sęgęde te dene me sęgę sabo sogoba usu somainu yaibao. Tiali goli, nosali te augwali enaba ma asaibao. Te augwali dwai dene siyu bolo elama, te augwali enaba ma asaibao,” wai dao.

Godigo Nogi Ugwaba Sabo Tęąbi Po Wabo Buku Dabe 78:34

Te Godigo meba ela mubo sogo, te gasa bage ge neyu, augwa homu begelama, tama agaba ma begasa aselama, tama agaba gedu haluasa po bomonama walio.

Godigo Nogi Ugwaba Sabo Tęąbi Po Wabo Buku Dabe 42:11

Magi baso ena haliga sęgę sesemane sogo ebawe? Magi baso eno haliga midigi ebawe? Ena te Godiba konealubo homu dąų olama, tama agai ena tau sabo tonalueibao. Aga te eno God da, tama ena tau sabo dao. Tama tiyu, eno aga nogi ugwaba ma saibao.

Godigo Nogi Ugwaba Sabo Tęąbi Po Wabo Buku Dabe 31:14

Tiali goli, tagalao. Genuai Bidi, eno konealubo homu nageba dąų wabo da. Eno te tama wali, nage eno God da po wai.

Jopgo Po Asęani Elalubo Buku 8:5

Tiali goli, naga Godibolo gedu haluasa po wao. Agai tigidali bomo elalubo, tama nago agabolo nage hobede emainu ya.

1 Samuel 22:5

Nosali te profet Gat te Devitba aselama, tama agaba te po walali, “Nage te bulu munu me ma bidamuo. Nage megi tama hogodama, tama te Juda tǫba pao,” wali. Tialima, Devitgo te bulu tagalama, tama te Judaba pelama, tama te genuai busi bulu me nogi augwaligo te Heret wali, tede bidai.

Jeremaia 31:33

Tialima, eno te Israel we bidi dali dąų wainu ebo bomo yai po e tiwai elalubao. Te eno bomo yai po augwaligo homude munama, te augwaligo haligade te bomo yai po asębo tiwai yaibao. Te ena augwaligo God bidiyu, te augwali eno we bidi hani dabe bidalueibao.

Jeremaia 31:1

Genuai Bidigo te tama po wai, “Te eno bodolu muani sogo yagasobode, teda ena te Israel hani tigidali augwa God bidaibao, te augwali eno we bidi hani mu pedelaibao.

Aisaia 35:7

Te olo kemi tǫ bulude te sigi ąį tiwai pedelaibao. Te wa pali tǫ dologode me wę ulu pedelaibao. Te polobadu te uni yowi dabe naga te wa pali tǫde bidali. Tiali goli, te sogo te nosai, me awi hauwa tede pedelaibao.

Ma Dobola Sali 17:3

Tiali goli, te we bidi augwali te wę nogonego mu isabo ąǫ ebaso, tama augwaligo po hauwa Moses dali wai. Augwaligo te po wali, “Magi baso nago da Isipde selama, da odasa asai dawe? Nago homugo da dali, te dago wai dabe me, te dago kibu dabe me, da wę menia selama, tama da isimainogo ebawe?”

Dwagi Yai Gesi Po Jongo Asęani 20:17

Jisasgo Maria dali te po wai, “Nago ena diągio. Ena eno Aya God bidibo digi dagaluba me pabeo. Tama tibaso, nago ena dąų ola sigio. Tialima, nage eno ama dabe bidibo digi pelama, augwali dali te po tama wagibao, ‘Ena eno Aya bidibo madigi dagaluba holobao, tama te aga dagego Aya me dao. Tama eno ena God bidibo digi pobao, tama te God dagego God me dao,’ te po eno ama dabebolo pusigi pao,” Jisasgo Maria dali te po wai.

Godigo Nogi Ugwaba Sabo Tęąbi Po Wabo Buku Dabe 119:81

Nago ena ma sogowe weyu tonalu, te ena haliga sęgę mu ebao, tama eno bomo tigidali silibao. Tiali goli, eno nago pode konealubo homu dąų wai mu elalubo dao.

Matyu 12:43

Jisasgo te po ma gagaliyu, te po wali, “Te dwai noma haubogo bidi me tagalama, te dwai tulubage meni yai buluba toma nabo pesage gegegi pabo dao.

Aisaia 32:2

Te deli deli genuai bidi dabego te we bidi dabe augwali tau somainu asali bidi dabe, augwaligo tau saibao. Augwali da, te we bidi augwali te genuai wali dali tulubage dabe ebo side, augwali te duala sabo pesage tiwai dao. Tama me, augwali te wę te hogomua pai pesageba pabo tiwai, me te moni masigigo te hogomua pai pesage te masigigo seselalubo tiwai dao. Tama te bidi dabe te tįwai madi duala selama, toma tubo tiwai dao, te boma pai giligade.

Solomon 5:8

Te Jerusalem we dabe, te dagego eno abagi wali bidi subaso da, dagego te tiwai po dąų walama, agabolo wao, eno aga homu godolo mu elama, te eno nogo sągą dili kimi meni yai elalubo po walao.

2 Samuel 15:28

“Ena te kemi tǫ wa pai buluba pelama, ena te wę nogebo pesageba sabalubo sogo da, teda te Jerusalemde pedelali sę po te dagego ola tolobo po odainu, te dage tonalu te sogoba usu naibao,” wali.

Tuni Bidi Dabego Po Elalubo Buku Deli 16:14

Genuai Bidi aga dago God tama da. Agai e tǫde we bidi tigidali tonalubao.