Godigo Nogi Ugwaba Sabo Tęąbi Po Wabo Buku Dabe 60:6 - Godigo dwagi yai po buku

⁶ God te aga wiegi yai bulude bidiyu, tama aga te po wai dao, “Te eno hwįbo boi bidi dabe aiyaba elaluama, tama eno wiegi yai pemene mu yaibao. Megi da, eno te Sekem bulu tǫ pedaibao, tama te Sukot tǫ malu bulu pesagede me, tama eno te ena we bidi dabeba dobawaibao.

Godigo Nogi Ugwaba Sabo Tęąbi Po Wabo Buku Dabe 60:6 Referans Kwoze

Josua 13:27

Te Jordan wę tǫ malude elaluali bulu te Betharam, me Betnimra, me Sukot, me Safon, te gavman tuni bidi Sihongo tonaluali tǫ pedai badu, te Hesbon tǫ pedai badu, te Jordan wę te badu gagalasa, te giliga pedalu badu sabolama, tama te sigi ąį Galili tǫ badu dąį igi pelama sai.

Tigidali Nai Gagalama Nigali Side 12:6

tama Abram te tǫ tomodu ma pelama, tama aga te gasa pesage te hanu nogi Sekem teba saboligi pai. Tama te bulude te gasa moni ni mu deli nogi More te elaluali. Tama te sogo te Kenan hani bidi dabe te bulude bidibadi dao, tama augwaligo augwa tibo god dabebolo te moni ni pagede te augwa lotu po weyu, bidaluali.

Godigo Nogi Ugwaba Sabo Tęąbi Po Wabo Buku Dabe 89:35

“Eno dąų walubo po te deli sogo naga weyu, tama eno ena digi tedali wiegi yai nogi nogilama weyu, te po dąų walali, tama te sesemane sogo me elalua pidu, elalua paibao. Eno te tama wai. Eno te tibo po Devitba me wagobeo wai.

Amos 4:2

Genuai Bidi Tigidali Bomo Elalubo Bidi aga te wiegi yai doloba pai kolesaga ebo God dao, tama tibaso agai te tama bomai po dąų walali, “Mu tama, me sogo deli pedalubo si da, te boi bidi augwaligo dage te gąų yai bisigigo kekelama, dage sela paibao. Awe, dage tigidali te pis sųgų daboasa holobo gąų yai nai hukgo sųgų sabo tiwai yaibao.

Godigo Nogi Ugwaba Sabo Tęąbi Po Wabo Buku Dabe 119:162

Eno te nago dąų wali pode homu dąų weyu, wiegi yai pemene homu umagi mu ebao, te bidi me deligo te gol mone hauwa sobaso, pemene ebo tiwai ebao.

Godigo Nogi Ugwaba Sabo Tęąbi Po Wabo Buku Dabe 56:4

Eno konealubo homu Godiba kęą pelama, tama eno agai mu poba homu konealubao. Tama tiyu, eno agai nogi ugwaba sobao. Eno konealubo homu Godiba munama, tama ena te magi nai mede wi me egobeo. Te bidi dabego mena sę enaba yaibawe? Menio.

Josua 17:7

Te Manasego tǫ sali te Aserdu gagalasa pelama, te Mikmetat buluba sabolama, tama te Sekem bulu pąba te giliga pedalubo madi sabolali. Tama te dąį te saut te badu te Entapua buluba sabaligi pali.

Josua 1:6

Nage bomo elama dolaluyu, tama nage wi me elamuo. Magi baso meni. Te nago te we bidi dabe augwali te eno augwalibolo mawaibao wali te tǫ pedaiba odasa pomainu yaibao, te tiwai eno te po augwa wąįbolo dąų wai dao.

Jeremaia 23:9

Jeremaiago te tiwai po wali, “Eno te Genuai Bidigo wiegi yai doloba pai po eno koneai, tama eno te profet dabede homu kone palobo sogo, eno homu doloyu, te ena wi elama, te eno dili dabe didibili mu ebo dao. Ena te bomai ąį wain hauwa tuai bidi tiwai pedelama, te gęǫ elama, te wabo pabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 132:11

Polobadu nago Devitba bomai po me deli dąų walali, tama nago te naga po me hasegeligobeo. Nago te tama po wai, “Te eno nago ogwa me deli te king pedalumainu yaibao,” wali, “tama agai te nage hasegelaibao.

Godigo Nogi Ugwaba Sabo Tęąbi Po Wabo Buku Dabe 89:19

Te ugwadu sogo polobadu, nago te nage wali pabo bidi dabe muba te na menama, tama nago augwaliba te tama po wali, “Eno te polaluabo ami bidi me deli sa munama, tama eno agaba te kingo hat madi muai. Eno aga te we bidi dabe tomode selama, tama aga te king munama bidai.

2 Samuel 3:18

Tialima, megi da, te aga king pedalumainu ebo sogo dao. Dagego te Genuai Bidigo wali po homu kone palao. Agai te tama po wai, ‘Devit te eno sę bidi, tama te eno agabolo te eno we bidi, Israel dabe, te Filistia dabego nogode me, te gasa boi bidi dabe nogode dali, te ma dobola sabo sę mawaiba,’ po wai dao,” Apnergo augwalibolo te po wali.

Josua 24:32

Te Josepgo dili te we bidigo Isipdu tolasa asali, te augwaligo te Sekemde pubulali, augwaligo te Jekopgo te mone 100 silvago te Hamorgo ogwa dabe dali polobadu abelali, te tǫde pubulali. Hamor te Sekemgo aya dao. Tama Josepgo hani augwaligo te tǫ sali.

Josua 24:1

Josuago te Israel hani tigidali te Sekemba sisinani, tama nosali agai te tobolu bidi dabe me, te genuai bidi dabe me, te tonalubo bidi dabe me, te augwali tigidali i olama, sisinama, tama augwali te God gedude doligi pali.

Josua 20:7

Tama po obaso, te we bidi augwaligo te Kedes hanu te Galili badu, te Naptaligo bulu du elalubo badu dąį ilali, tama te Efraimgo bulu du badu te Sekem hanu dąį ilibadi, tama te hanu Kiriat Arba, te gasa nogi Hebron tama, te Judago bulu du badu elaluai.