Godigo Nogi Ugwaba Sabo Tęąbi Po Wabo Buku Dabe 60:1 - Godigo dwagi yai po buku

¹ God, nago da tagalama, tama da te hwįbode aiyaba elalumainu sula tagalalio. Nago dade wado homu elalu, tama nago te tiwai yali. Tiali goli, megi te nage ma asiyu, te da ma tau sagasao.

Godigo Nogi Ugwaba Sabo Tęąbi Po Wabo Buku Dabe 60:1 Referans Kwoze

2 Samuel 8:3

Tama nosali, Devit dali, te aga ami bidi dali, augwa te Soba tǫ kingba boi hwįgi pali, aga te Hadateser, te Rehopgo ogwa dao. Soba bulu tǫ te Siria hani bage me deligo tǫ pedai elaluai. Te sogo Hadatesergo aga ami bidi dabe selama, tama te wę Yufretis pedai badu pidubo sę elama, te boi bidi dali hwįainu yali, te aga tǫ pedai ma sainu yali. Tama Devitgo hanigo augwali sisinama,

Godigo Nogi Ugwaba Sabo Tęąbi Po Wabo Buku Dabe 44:9

Tiali goli, megi da, magi yaliwe? Nago da tudiba munama, tama nago dago nogi aiyaba muani. Tama nage te dago ami bidi dabe dali te hwįboba me pabeo.

Tuni Bidi Dabego Po Elalubo Buku Deli 18:3

Tama nosali, Devit aga ami bidi dabe dali augwa te Hadateser dali boi hwįgi pali, aga te Soba king bidi da. Soba te Siria hani dabego tǫ kantri me deli da, tama te tǫ kanrti Hamat pąde elaluai. Te sogo Hadatesergo aga ami bidi dabe selama, te wę Yufretis u badu pedai badu pabo sę yali, te boi hwįnama te tǫ sai hagede yali. Tama Devitgo hanigo augwali dali deliba gesabi unulama,

2 Samuel 5:20

Tialima, Devitgo te Filistia dabe augwaliba hwįgi pelama, tama augwali aiyaba elaluai. Tama agai te tama po wai, “Genuai Bidi te wę bomo asobo tiwai elama, tama eno boi bidi hani dabe pedelama togolali.” Tama tiyu, augwaligo te bulu nogi te tiwai nogi yali, Te Genuai Bidigo Te Hani Togolai Dao.

Godigo Nogi Ugwaba Sabo Tęąbi Po Wabo Buku Dabe 90:13

Genuai Bidi, nisu naga nago haliga sębę ebo me elaludaibawe? Nago naga sę bidi da homu dene yao.

Godigo Nogi Ugwaba Sabo Tęąbi Po Wabo Buku Dabe 85:4

God, nago da ma selama, megi da, nago da te nagaba odasa ma pao. Ya, nago dabolo wado ma igio.

Te Israel me Juda Hani Sigo Tuni Bidigo Po Elalubo Buku Si 14:7

Tama me sogo deli te king Amasia dali, te aga ami soldia bidi dabe dali, augwaligo te Idom hani te 10,000 ami bidi dabe dali boi hwįgi pali, te Idom bulu odogo malu te umabo tamu elalubo madi hwįani. Tama augwaligo te Idom hani aiyaba elaluama, tama augwaligo te taun Sela sali. Tama te king Amasiago te taun nogi poali, te taun nogi Joktel. Tama te megi tama e po asębo sogo me, te augwaligo te king Amasiago te gesi nogi poali te nogi naga wabo dao.

Godigo Nogi Ugwaba Sabo Tęąbi Po Wabo Buku Dabe 89:19

Te ugwadu sogo polobadu, nago te nage wali pabo bidi dabe muba te na menama, tama nago augwaliba te tama po wali, “Eno te polaluabo ami bidi me deli sa munama, tama eno agaba te kingo hat madi muai. Eno aga te we bidi dabe tomode selama, tama aga te king munama bidai.

Godigo Nogi Ugwaba Sabo Tęąbi Po Wabo Buku Dabe 89:3

Nago te tama po wali, “Eno te bidi me deli sa muai da,” wali, “tama eno dąų wabo po me deli aga dali wai dao,” po wai. “Eno ena sę bidi Devitba po dąų walalio,” po wai.

Godigo Nogi Ugwaba Sabo Tęąbi Po Wabo Buku Dabe 80:3

God, nago da selasa, te nagaba ma pao. Nago te olo tau sabo wiegi yai kolesaga dabolo eyu, tama da tau sobaso da, teda da munu me hagagobeo.

Godigo Nogi Ugwaba Sabo Tęąbi Po Wabo Buku Dabe 79:5

Genuai Bidio, nisu naga sogo nago dade wado po wabo me elalu, elaibawe? Te nago wado po wabo te sesemane elaluabo homu eba, agawe? Te nago wado ebo me elalu, tama te sia bogoli elalubo tiwai eyu, tama me sula sogobe da, agawe?

Godigo Nogi Ugwaba Sabo Tęąbi Po Wabo Buku Dabe 74:1

God, magi baso nago da tudiba mubawe? Te nago wado po sesemane te naga we bidi daba ududa, agawe?

Godigo Nogi Ugwaba Sabo Tęąbi Po Wabo Buku Dabe 60:10

God, te nago da te tudiba muani homu eba, agawe? Nage te dago ami dabe dali pisąma eba, agawe?

Godigo Nogi Ugwaba Sabo Tęąbi Po Wabo Buku Dabe 59:11

God, te nago augwali ela mugio. Magi baso meni, te eno hani bage augwaligo te naide homu kone ebo tagalidalio. Genuai Bidi, nage da tonalubo bidi dao. Te nago bomogo naga, nago te boi bidi dabe sela sąnama, te augwali tedela pomainao.

Godigo Nogi Ugwaba Sabo Tęąbi Po Wabo Buku Dabe 59:1

Eno God, nago ena te boi bidi dabego nogode ma dobola sao. Nago ena bugagia seselalubaso, te augwaligo ena me dolisiąwaibao.

Tuni Bidi Dabego Po Elalubo Buku Si 25:11

Tialima nosali Amasia aga homu dąų olama, tama agai aga ami dabe te bulu te Tamu Hauwa Elalubo buluba odasa pali, te Idom dabe dali hwįainogo. Tama augwaligo Idom dabego ami bidi 10,000 ela isilali.

Tuni Bidi Dabego Po Elalubo Buku Deli 28:9

“Tialima nage Solomon, eno ogwa da, eno te tiwai bomai po nageba obao. Nago homu kolesaga deli naga elaluao, te naga ayago God dologode bidao. Te nago agai homu wali pabo sę bomo mu yao. Nago te tiwai yao, magi baso meni, Genuai Bidigo dago homude magi homu te tigidali agai koneaibao. Te nago agai godolo yabo kolesaga wali pabo sę bomo ebo kolesaga sobaso da, teda te nago aga bugagia konemainu yaibao. Tiali goli nago aga tudiba mubaso da, teda agai nage sela sąnama, te sesemane sogo agai nage tudiba mueibao.

1 Samuel 13:11

Tiali goli, Samuelgo Solbolo te tiwai po wai, “Nago magi sę yaliwe?” Tama Solgo te po wai, “Eno suali, te we bidi dabego ena tagalama, tama tedela pobaso, tama eno nage tonaluali te po wali gilama tama nage sabalubeo. Tama eno subadi, te Filistia dabego bidabo pesage te Mikmas buluba nigagasobo sualio.

1 Samuel 4:17

Tama te bidigo po wei ponoyu, te tiwai po wai, “Te Filistia dabego da aiyaba elaluama, tama ami bidi dabe hauwa mu elali. Tama da augwalide wi soali. Tama me augwaligo nago ogwa si me elali, Hopni me Finias. Tama augwaligo te Genuai Bidigo Dąų Wali Bomai Po Munalubo Halobage me dobola sai dao,” wali.

Godigo Nogi Ugwaba Sabo Tęąbi Po Wabo Buku Dabe 108:11

God, nago da tudiba muani da, agawe? Te nago dago ami dabe te tau sogobe da homu ebo da, agawe?

Godigo Nogi Ugwaba Sabo Tęąbi Po Wabo Buku Dabe 79:9

God, nage te da ma sabo God dao. Nago te naga genuai nogi sabode koneama, te da tau sao. Nago da ma siyu, tama dago dwai sęgę tigidali te sela sąyao, tama dago te nago nogi ugwaba saibao.

2 Samuel 10:16

Tama te Soba bulu king bidi Hadatesergo te bidi meba tagala palama, te giliga pedalubo madi, te wę Yufretis elalubo badu bidalubo, te Siria bulu bidi dabe sigi pomainu elama, tama augwali sisinagasali. Tigidali te bulu Helamba sisinama, tama Sobak, te king Hadatesergo polalubo ofisa bidigo, te augwali tonalualio.

Sekaraia 10:6

“Te eno Juda we bidi augwali te bomai we bidi pedalumainu ilama, tama eno te Israel we bidi dabe ma dobola somainu yaibao. Eno augwali hobede mu ebaso, tama eno te tigidali we bidi ma selama, te augwa page buluba ma odasa asaibao. Te eno augwali sela sąsiąwai we bidi bidibo tiwai elama, te augwali bugagia bidalueibao. Magi baso meni, ena God te augwaligo Genuai Bidi dao. Tama tiyu, eno augwaligo gedu haluasa po wabo odaibao.

Godigo Nogi Ugwaba Sabo Tęąbi Po Wabo Buku Dabe 89:38

Genuai Bidi, nago te po Devit dali polobadu dąų walai goli, megi nago te sa muani kingba nago wado po wali. Nago aga tagalama, aga tudiba muani.

Godigo Nogi Ugwaba Sabo Tęąbi Po Wabo Buku Dabe 89:7

Te ensel dabe augwa polalubo dabe te po miting ebo sogo augwali te nagede wi ebo dao. Tama te nage bagualubo gasa ensel tigidali, augwali te nagede wi mu ebo dao.

2 Samuel 8:14

Tama Devitgo te aga ami hani bidi meba te Idom bulu tǫ pedaide munama, te Idom dabe tonalumainu yali. Tama te Idom dabe aga dologode bidai. Te Devit pelama, hwįgi pabo bulu tǫ pedai tigidalide, te Genuai Bidigo aga tau siyu, tama aga ugwaba dįą holali.

Godigo Nogi Ugwaba Sabo Tęąbi Po Wabo Buku Dabe 80:1

Te Israel dabe tonalubo bidi, nago te naga sipsip dabe da bilibo dodolobo dao. Te dago gela wabo odao. Nage te ensel dabe daide ugwadu king bidibo dao.