Godigo Nogi Ugwaba Sabo Tęąbi Po Wabo Buku Dabe 6:6 - Godigo dwagi yai po buku

⁶ Ena i udu udubadi genama, tama ena bomo tigidali sia salio. Tigidali sogo hulide te gedu gela giguai ąįgo te eno bet te gologo yai. Eno gela umabo mu udali digi, te eno tobolo ni het pilo te gela giguaigo gologo mu yai dao.

Godigo Nogi Ugwaba Sabo Tęąbi Po Wabo Buku Dabe 6:6 Referans Kwoze

Godigo Nogi Ugwaba Sabo Tęąbi Po Wabo Buku Dabe 69:3

God, eno nageba te i wedu wedu gebo sę edubadi, tama eno bomo te silalio. Tama eno dogoni wa pelama, tama eno gedu dene yai, magi baso meni, eno te sesabi elama gana nago ena tau sabo tonaluai.

Godigo Nogi Ugwaba Sabo Tęąbi Po Wabo Buku Dabe 42:3

Sesemane sogo te bidi dabego enaba te tama po wali, “Te nago God mena bidibawe?” Tama tibaso, ena sesemane sogo gela udubo sę yali. Te eno gedu ąį te eno siade me hulide nai tubo tiwai gilama yali.

Godigo Nogi Ugwaba Sabo Tęąbi Po Wabo Buku Dabe 38:9

Genuai Bidi, nago te eno bomai homu wei ebo koneani. Eno haligago dwai gela wabo, tama nagede tebo te geme me dualalubeo.

Te We Bidi Dabego Jerusalem Hagede Gela Wali 2:11

Eno te Jerusalemde pedelali nai dabe homu kone palama, tama ena gela waligo eno gedu dene mu ebao. Eno te hobedai we bidi dolama elalubo sulama, ena gasa homu dwai mu ebo dao. Eno homu dene dwai mu yalio. Magi baso meni, eno suali, te nai tusiąwai wai puluba dali, wai bǫų dabe dali suali. Augwaligo bomo kimi meniama, tama didibili elama, te Jerusalem sunumi dabede tuloluama, munalua pabo sualio.

Te We Bidi Dabego Jerusalem Hagede Gela Wali 1:16

Te tialigo eno gela uga selama, aiyaba dulumainu ilali. Tama ena dali hobede elama, tama ena ma dili ilabo bidi menio. Te boi bidi dabego ena aiyaba polo elaluai madi. Tama tibaso, eno wai puluba augwali dodolama mu bidibao,” Jerusalemgo te po obao.

Te We Bidi Dabego Jerusalem Hagede Gela Wali 1:2

Polobadu da, tigidali kantri dabego aga abagi wai dao, tiali goli megi da, te gasa kantri mego agade hobede me ebeo. Te abagi dabego aga dali ili po olama, tama augwali agai boi bidi pedelali. Tialima, tigidali sogo hulide Jerusalemgo gela dwai mu weyu idubo, mu tama agai gela gųgai nabogedu aiyaba tulalubo dao.

Jopgo Po Asęani Elalubo Buku 23:2

“Odao. Megi me eno homu dwai elalubo. Tama eno homugo te dwai nai dabego ena dolobo te po hauwa mu waibao. Ena gela wabo togolainu sinabao goli, eno usu munu me ebeo.

Jopgo Po Asęani Elalubo Buku 16:20

Te eno abagi dedego ena godolo isąmaiyu, ena dolobo. Tiali goli, eno Godibolo gela geninama wabo dao.

Jopgo Po Asęani Elalubo Buku 7:3

Godigo bodolu te polua hauwa mu mani, ena dwai tiwai bidimainu. Tama tigidali hulide ena homu dwai idubao.

Dwagi Yai Gesi Po Lukgo Asęani 7:38

Jisasgo sągą pagede tudi badu dolaludu, gela weyu, aga gela guago Jisas sągą sawali nadugwali. Tama te we aga bobobage tobolu nisigo Jisasgo sągą sawali holama, sągą sawali si nono nenama, te denami wel aga sągąde pilali.

Jeremaia 14:17

“Tama Jeremaia, eno homugo te nago naga po digi te we bidi dabeba pusao. Nago te tama po wao, ‘Ena Jeremaia, te ena gela umabo mu udubadi gęyu, te eno gedudu gela guwa gealudaibao. Eno te tebo kolesaga te ulade me, hulide me, tagalogobeo, magi baso meni, te boi bidi dabego eno we bidi dabe dwagilama mu eliyu, te we bidi hobedagia mu dolali.

Godigo Nogi Ugwaba Sabo Tęąbi Po Wabo Buku Dabe 88:9

Ena dene tolu, tama eno gedu dolama, tama eno bugagia suabo usu isąwai. Tama tigidali sogo eno gedu haluasa po nageba weyu, te nago ena tau somainu yali.

Godigo Nogi Ugwaba Sabo Tęąbi Po Wabo Buku Dabe 39:12

Genuai Bidi, nago eno gedu haluasa po odao. Nago te eno i waboba olo bugagia muao. Te eno nageba i wabo sogo, nago olo pania selamuo. Nago koneani, ena te dwasianu sogo nage dali te tǫde bidaibao. Ena te ena wąį nǫų dabe tobage tiwai dao, augwali me te pęwadage sogo naga te tǫde bidai dao.

Jopgo Po Asęani Elalubo Buku 10:1

Tama Jop agai po genina ma weyu, e tama wali, “Ena bidibo ena hagela mu polo yali. Ena isabo goli da. Tama tibaso, eno te moni sęgę hanilaibao. Awe, eno homu ha mu eyu, tama eno te Godide elalubo po dolo pusaibao.

Godigo Nogi Ugwaba Sabo Tęąbi Po Wabo Buku Dabe 30:10

Genuai Bidi God, nago eno wabo po odao, tama te olo tau sabo wiegi yai kolesaga enaba yao. Genuai Bidi nago ena tau sao.

Godigo Nogi Ugwaba Sabo Tęąbi Po Wabo Buku Dabe 88:11

Te gų pagede te isali bidi dabego nage dali po miyu, te nago augwali sesemane wei mu ebo da po wabo da, agawe? Te dolabo bulude augwaligo nageba po weyu, te nago augwali bugagia tonaluai dao po wabo dawe?

Godigo Nogi Ugwaba Sabo Tęąbi Po Wabo Buku Dabe 115:17

Te isibo bidi dabe te augwa isali bidi dabego pesageba pobao, augwaligo te Genuai Bidigo nogi ugwaba me sogobeo.

Aisaia 38:18

“Te isali bidi dabego pesagede bidibo hani dabe, augwaligo te nago nogi ugwaba me sogobeo. Te nago naga we bidi dabe tau sabo wiegi yai sę ebo te augwaligo me sugobeo.