Godigo Nogi Ugwaba Sabo Tęąbi Po Wabo Buku Dabe 57:3 - Godigo dwagi yai po buku

³ Aga te dagalude bidiyu, tama agai eno gedu haluasa po wabo odama, tama ena ma dobola saibao. Agai te ena dolainu ebo bidi dabe te aiyaba elalueibao. Godigo te sesemane sogo ena wei mu eyu, godolo elama, tama agai ena munu me tagalugobeo. Mu menio.

Godigo Nogi Ugwaba Sabo Tęąbi Po Wabo Buku Dabe 57:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 40:11

Genuai Bidi, eno koneani, te nago homu dene eyu, tau sabo sę ebo te palia sogobeo. Menio, nago ena sesemane sogo homu ebo dao. Nago ena wei eyu, tama naga mu po te wali peyu, tama tebo kolesagade te nago ena sesemane sogo tonalubo dao.

Godigo Nogi Ugwaba Sabo Tęąbi Po Wabo Buku Dabe 43:3

Nago te naga mu po ola toliyu, tama nago ula me asiyu, tama enabolo sunumi ola mobaso da, teda ena te naga tedali bulu du dolo te Saionba pelama digi, tama te nage bidibo lotu be tempelba paibao.

Godigo Sęba Tagala Palai Bidigo Po 12:11

Tama Pita agai homugo ‘Te yali sę te nade ebeo homu eyu, te eno mu koneanio,’ wali, ‘Genuai Bidi agai ensel bidi tagala palama, tama agai ena Herotgo nogode ma sali. Te Juda bidi hani augwaligo ena dali dwai sę yai hagede yali, tiali goli te Genuai Bidigo augwaligo homu dolai,’ Pitago te homu yai.

Godigo Nogi Ugwaba Sabo Tęąbi Po Wabo Buku Dabe 61:7

God, nago gedude te aga sesemane sogo te king bidimainu ilao. Nago aga sesemane godolo mu ebaso, tama te nago aga sesemane sogo bugagia tonaluao.

Israel Hanigo Namba 23:24

Israel dabe te boma pai uni yowi laion tiwai dao. Aga toma polo tubo menio. Agai te hasa elama, mi pepedama tuyu ebo dao, tama te hasa dabego kaneme me tubo dao, tama nosali aga toma tubo dao.”

Dwagi Yai Gesi Po Jongo Asęani 1:17

Te bidi nogi Moses agai da Juda dabego wąį mu augwalibolo agai Godigo bomo yai po ola mawai. Tiali goli, Jisas Krais agai genuai olo tau sabo sę dali mu po dali si magasai.

Jopgo Po Asęani Elalubo Buku 31:31

Eno sę bidi dabego e tama wabo dao, ‘Agai tigidali bidi nai mawai dao. Bidi me nai meni yai bidai menio,’ augwaligo te po wabo dao.

Godigo Nogi Ugwaba Sabo Tęąbi Po Wabo Buku Dabe 138:8

Genuai Bidi, eno koneani, te nago enabolo po dąų walali gilama te tigidali sę yaibao. Tama nago ena te sesemane bidada pabo sogo godolo mu ebo dao. Eno homugo nago te hodolali sę tigidali silimainu homu ebao.

Aisaia 26:12

Genuai Bidi, nago da tomode wiegi yai homu nagamea pai ebo sogo pedalomainu ilibo dao. Nago dago tigidali sę dabe dodolama, tama wiegi yai pedalumainu ilibo dao.