Godigo Nogi Ugwaba Sabo Tęąbi Po Wabo Buku Dabe 57:1 - Godigo dwagi yai po buku

¹ God, nago te homu dene eyu, tau sabo kolesaga enaba yao. Magi baso meni, nago ena tonalumainu eyu, ena nageba asobao. Ena nage dali bidibaso, te ena bugagia bidibao, te ba kakaruk wai dabe te aga idago bogo dologode bugagia geme dualalubo tiwai gilama ebao. Ena te tiwai tama bididu, te ena dolainu yali nai tigidali silibo sogoba usu nigi paibao.

Godigo Nogi Ugwaba Sabo Tęąbi Po Wabo Buku Dabe 57:1 Referans Kwoze

Godigo Nogi Ugwaba Sabo Tęąbi Po Wabo Buku Dabe 91:4

Te agai nage bugagia mesegalu, te kakarukgo aga wai dabe te bogogo mesega sabo tiwai yaibao. Nage te bugagia Genuai Bidigo bogo dologode dualaluaibao, tama agai nage tonalubao. Agai nage tonaluabo po te tibo po me wagobeo. Tama tiyu, nage Genuai Bidi dali bidiyu, te bidi aga te hwįbo sabelede duala sabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 36:7

God, nago te da godolo ebo kolesaga te siligobeo, tama te wiegi yai mu yai, dago wei homu mu ebao. Tama te we bidi dabe te nageba pelama, duala sabo da, te kakaruk wai dabe te aga idago bogo dologoba duala sabo tiwai gilama ebo dao.

Godigo Nogi Ugwaba Sabo Tęąbi Po Wabo Buku Dabe 61:4

Eno homugo te godolo mu eyu, ena te nago bede bididubadi, te ena isibo sogoba usu nabo homu ebao. Tama ena nage pąde bugagia bidiyu, te kakaruk wai te aga idago bogo dologode bugagia bidibo tiwai gilama yaibao.

Godigo Nogi Ugwaba Sabo Tęąbi Po Wabo Buku Dabe 63:7

Magi baso meni, nago ena sesemane sogo tau sali. Ena nage pąde bidali, te kakaruk wai te aga idago bogo dologode bidibo tiwai gilama eyu, tama eno te wiegi yai pemene ebo balia po wali.

Godigo Nogi Ugwaba Sabo Tęąbi Po Wabo Buku Dabe 9:10

God, te nageba asobo we bidi te nago augwali tudiba munu me mugobeo. Tama tibaso, te nage koneani bidi dabego da, te nageba konealubo homu dąų mu wabo dao.

Godigo Nogi Ugwaba Sabo Tęąbi Po Wabo Buku Dabe 91:1

Bidi te Ugwade Mu Bidibo Godiba pelama, te agai aga tonalumainu yali, aga te Tigidali Bomo Elalubo God pąde bidiyu, tama agai aga mesegalubo dao.

Kraisgo Geme Dualali Sę Pedelabo Po Jonbolo Ola Mani 21:4

Tama agai augwaligo gedude elalubo gedu ąį omainogo deli deli hola sąwaibao. Tama te we bidi dabe augwali ma isigobeo, tama augwali homu sęgę ma isiąma, tama augwali gela weyu dene eyu ma egobeo. Tama te polobadu elaluali kolesaga tigidali pela silai dao,” te po wai.

Rutgo Po Elalubo Buku 2:12

Nage te God, te da Israel hanigo Genuai Bidiba asalio, te agai nage bugagia tonalumainu yaibao. Agai te nago wiegi yai kolesaga tigidali ebo suali, tama eno homugo agai te wiegi yai kolesaga nagebolo wei ponemainu ebao, tama agai te kolesaga me mu nagebolo wei ponono pidubadi gemainu yaibao,” agai te po wai.

Aisaia 26:20

Eno we bidi dabe, dage duga be tomoba dabe pelama, duga be sunumi dabe palia siąo. Dage pęwądage sogo dualaluama, tama Genuai Bidigo sębę silibo side tagalao.

Godigo Nogi Ugwaba Sabo Tęąbi Po Wabo Buku Dabe 56:1

God, nago te olo tau sabo wiegi yai kolesaga enaba yao. Te bidi dabego ena pobeasa biliyu, tama ena dali hwįyu ebao. Te boi bidi dabego sesemane sogo dwai enaba ebao.

Godigo Nogi Ugwaba Sabo Tęąbi Po Wabo Buku Dabe 91:9

Nage te Godiba pelama, te dwai nai dabede geme duala sao, tama te Ugwadu Mu Bidibo Godigo te nage mu seselalubo bidi dao.

Godigo Nogi Ugwaba Sabo Tęąbi Po Wabo Buku Dabe 13:5

Tiali goli, ena da, eno te nago ena sesemane godolo ebo kolesagade eno homugo dąų walai dao. Tama eno wiegi yai homu pemene nageba ebao, magi baso meni, te nago ena tau saibao.

Godigo Nogi Ugwaba Sabo Tęąbi Po Wabo Buku Dabe 2:12

Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.

Kraisgo Geme Dualali Sę Pedelabo Po Jonbolo Ola Mani 7:14

Tama eno agabolo te po wei ponai, “Genuai bidi, naga digi nago koneai.” Tama agai enabolo te po wai, “Te we bidi dabe augwali te boi bidigo nogode genuai sęgę dali te dene dali sali we bidi dabe dao. Tama augwaligo te sęgę bugagia tolaluama, tama te sęgę tolalubo sogo silalio. Tama augwaligo augwa ugwa te kibu sipsip wai kanemego ąį telawai, tama augwaligo ugwa te tedela yai dao.

Aisaia 50:10

Dage te Genuai Bidi dologoba pelama, te agai sę bidigo po wali pabo hani dabe, dage wi me igimio. Te dage hulide biliyu, te dage ula meni yai, te dage konealubo homu Godiba dąų wao, te Genuai Bidigo dage tonalu, agai dage tau saibao.

Godigo Nogi Ugwaba Sabo Tęąbi Po Wabo Buku Dabe 142:1

Eno te Genuai Bidiba bomonama i weyu, te agai ena tau somainu ebao. Eno agaba te hanalubo sę bomonama weyu, te agai homu dene eyu, ena tau somainu ebao.

Dwagi Yai Gesi Po Jongo Asęani 16:20

Eno mu po dage dali obao, dage genuai gela weyu, tama homu dene eyu, gela mu waibao. Tiali goli, enade konesiąwai we bidi augwali da dwagi yai homu yaibao. Tama dagego homu sęgę yaibao. Tiali goli dagego homu sęgę yali ma begelama, dwagi yai homu mu yaibao.

Matyu 24:22

Tama Godigo te genuai sęgę elalubo sogo togogi menigi da, teda te tigidali we bidi mu doligi dao. Tiali goli God aga te sa muani we bidi augwalide homu konealua. Tama tiyu, augwali tobade agai te sogo togwaibao” wali.

Godigo Nogi Ugwaba Sabo Tęąbi Po Wabo Buku Dabe 125:1

Te Genuai Bidiba homu kęą pali we bidi dabe, augwali te Saion bulu du tiwai dao. Te bulu du mumunu me isiąma, tama aga page dąų mu elalubao.

Godigo Nogi Ugwaba Sabo Tęąbi Po Wabo Buku Dabe 59:1

Eno God, nago ena te boi bidi dabego nogode ma dobola sao. Nago ena bugagia seselalubaso, te augwaligo ena me dolisiąwaibao.

Godigo Nogi Ugwaba Sabo Tęąbi Po Wabo Buku Dabe 58:1

Dage te tobolu bidi dabe, dagego te doloba pai po te po tųde wabo da, agawe? Te dagego tigidali bidigo po bugagia dagalubo da homu eba, agawe?

Aisaia 10:25

Megi da, eno dage Asiria dabego dage dolomainu sula tagalobao. Magi baso meni. Eno sębę dage dali me ebaso. Tama tamadi tama ena ma begelama, Asiria dabe dolaibao.

1 Samuel 24:3

Augwali pelama, te genuai ola be me deli te sunumi sese bulu dude elaluai, tama te sipsip meba obo pąde elaluali. Tama Sol aga te di tabo homu ebaso, tama aga te ola be tomoba pali. Tiali goli, Devit dali, te aga bidi dabe dali, augwali te ola be tomode mu dulalu bidaludai.

1 Samuel 22:1

Devitgo te taun Get tagalama, tama aga wi pelama, te taun Adulam pąba pelama, tama te genuai bulu du ola be me delide bididuali. Te aga ama dede dali te aga hani bagego aga te bulude bidibo po odobaso, teda augwali pelama, aga dali bidigi pai.

Dwagi Yai Gesi Po Lukgo Asęani 13:34

Aua, dage Jerusalem bage dao. God agai po ola mabo bidi dabe dageba tagala palali. Tialima, dagego augwali ela muani, te masigi dabe sąyu, eleyu yali. Tama hauwa sogo eno homugo eno dage deliba sisinai hagede, pagia somainu, te ba kakaruk kimi aga gou dabe bogo dologode munama, bogogo bea sabo ąǫ tiwai. Tiali goli dagego hagelabo wali.

1 Samuel 24:8

Tialima, Devit te Sol pali tudi badu nosali aga te ola bedu buluba dia solama, tama Devitgo agaba i weyu, te tiwai po wali, “King Sol, eno genuai bidi dao!” Solgo te i wabo odama begelali, tama Devit kidu sugunama, tama tobolu tǫba pogulali, te Solba genuai nogi mayu tiali.

Bomai Po 9:26

Tama eno gedu haluasa po weyu, te po wali, ‘God, Genuai Bidi, nago naga we bidi doligio,’ te po wali. ‘Naga digi nago te we bidi augwali nago genuai bomogo Isip bulude oda selama, odasa asai dao.

1 Samuel 24:4

Tialima, te Devitgo aga bidi dabego agabolo weyu, te po wali, “Te dao. Megi te nago wiegi yai sogo dao. Genuai Bidigo nagebolo waliyu, te agai te boi bidi nage mawaibao po wai, tama nago mena sę agade yainogo da, teda nago te sę yao. Megi da, te sę ebo sogo dao. Ae, nage pao.” Tialima, Devit te dua dua peyu, te Sol pąba pelama, tama te Solgo bobage ugwa aiyadu dwasianu pedainu togwa sali, tiali goli Solgo me konebeo.

1 Samuel 26:9

Tiali goli, Devitgo agabolo te po wali, “Tagalao, nago aga me dolamuo. Magi baso meni, Genuai Bidigo Sol te sa mubaso king pedelali, tama bidi me deligo te Sol dolobaso da, teda Genuai Bidigo te tebo bidiba dwai dene ilaibao.”

Godigo Nogi Ugwaba Sabo Tęąbi Po Wabo Buku Dabe 75:1

God, dago usu da olama, tama nago nogi sesemane ugwaba sabo dao. Tama dago nago genuai nogide po hanilama pusuyu, tama augwaliba te nago haniani wiegi yai sę ebo po pusubo dao.