Godigo Nogi Ugwaba Sabo Tęąbi Po Wabo Buku Dabe 55:18 - Godigo dwagi yai po buku

¹⁸ Te bidi hauwago ena dali hwįbao. Tiali goli, ena me dolobeo. Magi baso meni, Godigo ena tonaluyu, tama ena ma odasa asaibao.

Godigo Nogi Ugwaba Sabo Tęąbi Po Wabo Buku Dabe 55:18 Referans Kwoze

Godigo Nogi Ugwaba Sabo Tęąbi Po Wabo Buku Dabe 57:3

Aga te dagalude bidiyu, tama agai eno gedu haluasa po wabo odama, tama ena ma dobola saibao. Agai te ena dolainu ebo bidi dabe te aiyaba elalueibao. Godigo te sesemane sogo ena wei mu eyu, godolo elama, tama agai ena munu me tagalugobeo. Mu menio.

1 Jon 4:4

Dage eno wai dabe o, dage Godigo we bidi hani, tama dagego te tibo po ola mabo bidi aiyaba elaluai dao. Magi baso meni. Te Mobo dage tomode bidibo Mobo Bidi agai bomogo te tǫde bidi dali tomode bidibo mobogo bomo aiyaba elalubo dao.

Matyu 26:53

Nago eno bomo konebeo. Eno ena Ayabolo hanaluyu da, teda agai te ensel mobo bidi hani umabo mu tagala palama, tama augwali dulama, ena tau sagasaibao.

Godigo Nogi Ugwaba Sabo Tęąbi Po Wabo Buku Dabe 56:2

Tigidali sogo giligade te boi bidi dabego ena dali hwįai. Te bidi hauwago enaba boi bidi ebo dao.

Te Israel me Juda Hani Sigo Tuni Bidigo Po Elalubo Buku Si 6:16

Tialima, Elisago agabolo te po wali, “Wi egio, tagalao,” wali. “Tialima, mu tama, augwaligo umabo ami bidi bidibo, tiali goli dago me, te da tau sabo hani te genuai mu dao,” wali.

2 Samuel 22:1

Te Genuai Bidigo Devit te Solgo nogode, me te tigidali gasa boi bidi dabego nogode, te ma dobola sobaso, tialima Devitgo te balia gagalama weyu, te Genuai Bidiba balia wali.

2 Samuel 18:28

Tialima, Ahimas te pąba asiyu, tama aga te kingba i weyu, te tama po wai, “Da te bugagia bidibao.” Tama aga te kingba sabolama, tama te tobolu tǫba basigulama, tama aga te po wai, “King, nage eno genuai bidi da, dago te dena Genuai Bidi God nogi ugwaba sinao. Te augwaligo nage dali hwįnama, te nage sela sąwainu yali, tiali goli Genuai Bidigo augwali te dago nogoba munama, tama dago augwali aiyaba elalualio,” wali.

Godigo Nogi Ugwaba Sabo Tęąbi Po Wabo Buku Dabe 17:1

Genuai Bidi God, nago eno gedu haluasa i wabo po odao. Ena bugagia dolo bilai, tama eno te po sela aselama nagebolo obao. Eno tibo po olama, gedu haluasa po wabe, tama nago eno te gedu haluasa po wabo odao.

Te We Bidi Dabego Jerusalem Hagede Gela Wali 3:56

Eno e tama po olama, i wali, “O Genuai Bidi, nago eno gela wabo odao, nago olo pania sigio,” wali. Tama nago eno te i wabo po odai dao.