Godigo Nogi Ugwaba Sabo Tęąbi Po Wabo Buku Dabe 51:3 - Godigo dwagi yai po buku

³ Eno koneai, eno dwai sę yai. Tama ena yali sęgęde eno homugo konealubo tagalobeo.

Godigo Nogi Ugwaba Sabo Tęąbi Po Wabo Buku Dabe 51:3 Referans Kwoze

Aisaia 59:12

“Genuai Bidi, te dago dwai sęgę nago gedude hauwa mu elama, te sęgę dabego da po tų ilali. Tama dena digi dena yali te dwai sę tigidali bugagia koneai dao. Mu tama, dago dago dwai sę hauwa yali dao.

Bugagia Bidibo Kolesagade Po Asęai Buku 28:13

Te bidigo aga dwai sę yali geme dualabo homu ebo bidi da, teda aga bugagia me bidigobeo. Tiali goli, te bidigo aga dwai sę yali tigidali pusulama, tama te dwai sę dabe tudiba mubaso da, teda Godigo te olo mu tau sabo wiegi yai kolesagago aga bugagia tau saibao.

Godigo Nogi Ugwaba Sabo Tęąbi Po Wabo Buku Dabe 38:18

Eno dwai sę yali po nageba pusali, tama ena yali sęgęde ena homu dene yai.

Godigo Nogi Ugwaba Sabo Tęąbi Po Wabo Buku Dabe 32:5

Nosali eno sęgę te eno nageba pusali. Eno ena yali dwai kolesaga geme me dualubeo. Eno te homu yali, eno te bomai po bolali kolesagade sali sęgę tigidali eno te Genuai Bidiba pusabo homu yali. Eno hania pusula silibaso, tama nago eno yali dwai sę me, eno sęgę me, sela sąwai dao. Tama tiyu, nago ena tede nosali elegobeo wali.

Jeremaia 3:25

“God, Genuai Bidi, da me, dena wąį nǫų dabe dali, dago te nageba dwai sę yai, te da gesi ogwa bidide digi usu nama, megi sogoba usu nagasobao. Dago nago po wali me pisąwai. Tama tiyu, da dwai hale mu selama, te gesabidi tǫba mu mugulaibao,” wai.

Godigo Nogi Ugwaba Sabo Tęąbi Po Wabo Buku Dabe 40:12

Te sęgę hauwa enaba pedelali, tama te augwali eno nedebaso, usu egobeo. Te dwai kolesaga dabe eno yali, tego ena aiyaba elalualio, tama eno bugagia me tonono me ebeo. Te dwai kolesaga hauwa mu pedelama, tama te eno tobolude elalubo tobolu nisi namba te aiyaba elaluai. Eno homu kolesaga tigidali tuloluai, tama ena bomo meni yai dao.

Jopgo Po Asęani Elalubo Buku 33:27

Tama te bidigo gasa we bidi dali pusuyu, e tama waibao, ‘Eno dwai sę yai goli dao. Eno dwagi yai kolesaga me yai menio. Tama tibaso, Godigo eno tigide haniani sę mu igi dao. Tiali goli, agai ena hobede elama, agai te sę ebeo. Menio.

Nehemia 9:2

Te we bidi augwaligo te Israel hani isąwai hani bidi dali kisasa bilali kolesaga te tagalali. Tama augwali dolalu, te augwa sęgę me, te augwa wąį nǫų dabego sęgę me pusali.

Godigo Nogi Ugwaba Sabo Tęąbi Po Wabo Buku Dabe 41:5

Te eno boi bidi dabego enade dwai haliga eyu, tama augwa te po wai, “Te aga polo isibaso, te dago homu kone agade ebo tagalaibao.”

Aisaia 43:25

Tialima, ena Genuai Bidi, ena genuai nogiba digi homu kone palama, te eno dagego dwai sę ebo sęgę tigidali sela sąbo dao. Tama eno te dwai sę dabeba homu kone me palogobeo,” te po wali.