Godigo Nogi Ugwaba Sabo Tęąbi Po Wabo Buku Dabe 51:14 - Godigo dwagi yai po buku14 God, nage te God nago ena ma sabo bidi dao, nago ena dali olo mabo sę tigidali dwagi yai eyu, tama nago ena ma elegio. Tama eno nago nogi ugwaba siyu, nagebolo tęąbi hauwa waibao, nago doloba pai kolesaga naga ebo dao. Gade chapit la |
Tiali goli, augwaligo homugo te po pusubo po odobe. Augwaligo agade sębę yali, tama augwaligo aga dali dwai po mu wali. Tama tibaso, Pol aga tama kolesaga yali, agai nogogo te aga gudali ugwade elaluali pobele bage tedala sąyani. Tama tiyu agai te dąį yali, agai nosali augwali ma homu egobeo olama, te sę yali. Tama agai augwalibolo po walali, “Tialima, nosali dage hagawai baso da, duga sę dao,” wali. “Eno sę menio. Tialima, megi eno dage taga peyu, eno te Israel hani isąwai bidi dabebolo Godigo po pusa mawaibao,” te po wai.
Tama nago dago dwai sę, me dwai kolesaga dabe te dago wąį nǫų dabego me ebo sulama, tama nago dabolo dwai dene sabo menama, tama te taun Jerusalem dolali. Tama te Jerusalem pąde elaluali bulu tǫ kantri we bidi tigidali, augwaligo te Jerusalemba me, te nago we bidi dabolo me, posobo po weyu, gisugu mabo po wali. Tiali goli, megi te dago homugo te nago wado po te Jerusalemba munu ma wagi homu yali, magi baso meni, te nago taun da, tama te naga bulu dude digi ugwadu elalubao. Te polobadu nago da tau sabo wiegi yai sę hauwa yali, tama dago homugo nago te tiwai ma emainu homu ebo dao.
Genuai Bidi, naga duba deligo naga te doloba pai kolesaga ebo God da, tiali goli te dena dwai kolesagago te hale genuai da tigidali Israelba sela asali. Tagala, da Judia tǫde bidibadi, ma Jerusalemde bidibadio, ma tigidali buluba te nago da tagala paliyu ela bilibo da, te dago nago po me sela sąbaso, nago da tagala palai dao. Tama megi te dwai halego da mesegelai dao.”
Tialima, eno bidi mego dwai kolesaga ebo subaso da, tama eno aga isaibao obaso da, teda nago agabolo pusao. Nago agabolo agai homu kolesaga, me agai ebo kolesaga hasegeleyu yao po wao. Tialima, nago agabolo wasiąma yali da, teda agai sęgę me tama elaluaibao, tama aga isaibao. Tiali goli, eno gedude da, teda nago dagede aga isaibao.
Tiali goli, Genuai Bidigo dage Israel ma selama, te sesemane sogo agai dage ugwaba igulama, ugwa ela holomainu ilaibao. Te dage gasa we bidi hani dabede munu ma hale me isąma, te dage sesemane sogo bugagia bidada peyu, bidada paibao.’ Te Seba tǫ kantri bagego te tobage po waibao,” Genuai Bidigo te po wai.
Tiali goli God, te nago te bidi ela mubo bidi dabe sela sąyu, tama te tibo po wabo bidi dabe me sela sąyu elama, tama augwali te dwai pesageba pelama, tama augwali hagawaibao. Te augwaligo bidabo sogo bodolu te me elalubadi, tama te augwali isaibao. Tiali goli, ena digi, teda eno konealubo homu nageba mu sesemane kęą paibao.
“Te mu tama nago te tiwai po dabolo mu tama obadi, tiali goli dago nago po sela sąyu, tama te dwai sę ebo genuai mu yai. Tama tiyu, nago da sesanobo po obao. Dago te dwai sę hauwa mu yali, tama te nago da tigidali mu doligi sogo da, te dolo igi dao. Tiali goli, te menio, nago te olo tau mabo wiegi yai kolesaga daba eyu, tama nago te dwasianu hani bidimainogo ilalio.
Te Devit king bidali sogo, te nasi ebo sogo me deli pedelama, tama te Israel dabe me, Juda me, te nai sǫą pelama, te nai sili bididubadi, te kibu be sela bidai. Tama tibaso, Devitgo Genuai Bidiba te tebo sę ebo page hanalu wali, tama Genuai Bidigo agaba te po wai, “Te sę ebo page te tama telalubao. King Solgo te Gibeon dabe ela muani, tama te dwai sę yali page te aga hanide elalubao,” wai.