Godigo Nogi Ugwaba Sabo Tęąbi Po Wabo Buku Dabe 51:1 - Godigo dwagi yai po buku1 God, nage hobede ebo page bidi, nago ena olo mabo sęgo ena tau sao. Nago olo mabo sę hauwa mu elaluai, tama eno homugo nago eno dwai kolesaga tigidali sela sąyao. Gade chapit la |
Me sogo deli be pio ebode Devit godege pilama, tama pio mu ebadi, aga te betde pila muani tagalama, hogodaluali. Te aga be te pedu daide te toma nabo pesage elaluai. Tama tialima, aga teba ugwaba holama, tama tede toma neyu bilali. Aga te aba tonono bilibadi, tama agai te we me deli gasa bede wę paudubo suali. Tama te we te gasa sawi yai we muo.
Te Isipde te wąį nǫų dabego te nago yali genuai sę dabe te bugagia me konesiąwai. Nago augwali hauwa sogo tau sali, te nago augwali wei mu ebo homu te augwaligo koneai. Tiali goli, augwa te homu tagalu, tama augwali te nosa elaluali tamu ąįba sabolali sogo, augwa te nage Tigidali Bomo Elalubo Godiba hagoma yai dao.
Tiali digi tagalao, eno te nage Genuai Bidiba gedu haluasa po waibao. God, te me sogo deli nago digi te sa muani sogo, nago te eno gedu haluasa po wali wei ponao. Nago tama tiaibao, te magi baso meni, nago te ena godolo mu elama, tama nago ena ma sabo po dąų walali, tama nago tibo po me wagobeo. Mu menio.
Genuai Bidi, nage te naga bulu pesage dagalude bidibao, te tedali gasagi yai mu dao, te bulu pesagede te nago genuai ula me bomo pągąnalubao. Tiali goli, te nago aiyaba tonoyu, te da suao. Magi baso nage hogodama, te nago genuai bomo daba waselisąma ebawe? Nago homu dene eyu, olo tau sabo wiegi yai kolesaga te dabolo me ola mabeo. Te nago da godolo homu me isiąyu ebo da, agawe?