Godigo Nogi Ugwaba Sabo Tęąbi Po Wabo Buku Dabe 50:6 - Godigo dwagi yai po buku

⁶ Te dagalugo digi te tama po obao, “God te doloba pai mu dao. Aga digi te po tų odobo bidi jas bidibao,” wabo.

Godigo Nogi Ugwaba Sabo Tęąbi Po Wabo Buku Dabe 50:6 Referans Kwoze

Godigo Nogi Ugwaba Sabo Tęąbi Po Wabo Buku Dabe 97:6

Te ugwadu elalubo dagalugo te agai doloba pai kolesaga po pusuyu, tama tigidali hani we bidigo agai te boma pai ula subo dao.

Godigo Nogi Ugwaba Sabo Tęąbi Po Wabo Buku Dabe 89:5

Genuai Bidi, te ensel dabego te nago ebo wiegi yai sę dabe balia po wabo dao, tama augwaligo te nago nogi ugwaba sabo dao. Me te dagalude konealubo homu dąų wai mobo bidi dabego te nageba balia po weyu, tama nago po wali mu pabo dao.

Godigo Nogi Ugwaba Sabo Tęąbi Po Wabo Buku Dabe 75:7

God agaduba deligo naga dago kolesaga dagalaibao. Agai te bidi me deli aiyaba elalu, tama te gasa bidi ugwaba sagoa sabo dao.

Kraisgo Geme Dualali Sę Pedelabo Po Jonbolo Ola Mani 19:2

Magi baso meni, te po tų ebode God agai te mu po naga wali peyu, doloba pai kolesaga te po tų ebode ebo dao. Te genuai penani we agai te tǫde we bidi agai te penani ebo kolesagago mu dolai dao. Tibaso, Godigo aga dali po tų elama, tama dwai dene wei agabolo ponai dao. Te we agai Godigo sę bidi dabe augwali ela mubaso, tama Godigo agai te dwai sę ebo wei ponoyu, te penani we aga dene mawai dao,” augwaligo te po wai.

Godigo Nogi Ugwaba Sabo Tęąbi Po Wabo Buku Dabe 9:16

Awe, te tama tebogo te God agai kolesaga te bidi dabeba te po tų ebo sogo ola mawai dao. Te dwai sę ebo bidi dabego te gasa bidi dolabo sę yali, tiali goli te naigo begelama, te augwa digi ma dolai.

Polgo Po Pas Rom Dabeba Asęani 2:5

Tiali goli nago naga homu mu palia selama, tama nago homu me begelebeo. Tialima tebo kolesagago te nago te dwai dene sabo sę ebo te pesage genuai holobao, te mone ge sabobo piduai tiwai. Te nosali te bodolu mani side te Godigo doloba pai po tų ebode te agai sębę hania haninama pedalaibao, tama nage te dwai dene te sogo saibao.

Tigidali Nai Gagalama Nigali Side 18:25

Nago te wiegi yai bidi dabe augwali te dwai bidi dabe augwali dali elainu ebo. Te wiegi yai egobeo. Nago tama tiwai me elamuo. Tiyu, te wiegi yai bidi dabe te dwai bidi dabe augwali dali dolabuo. Te dwai mu dao. Nage da, te tigidali tǫ pedaide po tų odobo bidi dao. Nago te doloba pai kolesaga wali pomainogo egobewe?” Abrahamgo te po hanalu wali.

2 Korin 5:10

Magi baso meni. Dago koneani, da tigidali te Kraisgo po tųde hania hanilama pedalaibao. Tama da megi e bidibo tigi dali bidiyu tama wiegi yai kolesaga ebaso, ma dago dwai kolesaga eyu me yali da, teda da tigidali deli deli te dena yali kolesagade usu nama tama dago te tiwai saibao.

Aisaia 33:22

Magi baso meni. Genuai Bidi aga digi dago tuni bidi bidama, tama po tų dabe dodolobo sę elama, tama aga digi da bomai po dabe menama, da tonaluaibao. Tama agai da bugagia tonaluyu, tama da dwai dene me sogobeo.