Godigo Nogi Ugwaba Sabo Tęąbi Po Wabo Buku Dabe 50:4 - Godigo dwagi yai po buku

⁴ Agai te dagalu me tǫ asomainu i olama, augwali sigo agai te aga we bidi dabego ebo kolesaga te bugagia dagalobo suagasamainu eyu, agai augwali si i obao.

Godigo Nogi Ugwaba Sabo Tęąbi Po Wabo Buku Dabe 50:4 Referans Kwoze

Aisaia 1:2

Dagalu, olo saganama, odao. Tǫ, nago me odao. Magi baso meni, Genuai Bidigo te po wai dao, “Te wai dabe eno tonaluama, genuai yali. Eno augwali bugagia negali. Tiali goli, augwali da, augwaligo eno po sela sąbo dao.

Bomai Po 32:1

“Dagalu dali, tǫ dali, dage sigo eno po odao. Eno wabo poba bugagia olo munama, odao.

Bomai Po 31:28

Tama tialima, te tobolu bidi dabe me te tigidali hanigo ofisa bidi dabe ena pąba sisinagasa po i wao. Eno te balia pogo po augwalibolo mawaio. Tama eno dagalu dali tǫ dali i olama, tama augwaligo eno te po dagebolo mabo sumainao.

Bomai Po 4:26

Odiąwe, megi eno te dagalu me tǫ si i obao, te augwaligo eno dage dali te wabo bomai po odomainu. Ma, dagego Godigo po sela sąyani da, teda dua dao. Godigo dage tigidali polo tama te tǫde sela sąwaibao. Tama dage te Jordan wę u badu elalubo te tǫde bobobage sogo bidigobeo, te dagego megi te sainu ebo te tǫde. Menio. Dage sese sia saibao.

Bomai Po 30:19

Tialima, te bugagia bidabo sunumi me, isabo sunumi me, si te elalubao. Te me sunumidu da, Godigo dage dali wiegi yai sę yaibao. Tama te me sunumidu da, dage dolabo sunumi sueibao. Tialima, megi da, dagego wali pabo sunumi sa muao. Tama eno dagalu dali tǫ dali si i olama, tama augwali sigo dagego mena sunumidu painogo sa muaniwe konemainao. Tiali goli, eno homugo dagego te bugagia bidabo sunumi wali piąo, te dage me duga wai puluba dage bidainogo tama tiao.

Godigo Nogi Ugwaba Sabo Tęąbi Po Wabo Buku Dabe 98:9

Magi baso meni, aga te tigidali bulu tǫ tonaluainu asobao. Tama aga te king bidu, tama tigidali we bidi te doloba pai kolesagade tonaluyu, te po tų ebo dolo naga yaibao.

Godigo Nogi Ugwaba Sabo Tęąbi Po Wabo Buku Dabe 96:13

Magi baso meni, Genuai Bidi te aselama, te tigidali tǫ tonaluagasaibao. Agai te tigidali tǫde we bidi te doloba pai kolesagade tonaluaibao. Tama agai augwali te mu pogo naga dagalaibao.

Godigo Nogi Ugwaba Sabo Tęąbi Po Wabo Buku Dabe 50:6

Te dagalugo digi te tama po obao, “God te doloba pai mu dao. Aga digi te po tų odobo bidi jas bidibao,” wabo.

Bomai Po 4:36

Agai dage dodola ola mawainogo, tama tialima, agai dagego agai po dagaludu wabo odomainu tagaliyu te yali dao. Tama te tǫde dagego agai genuai isi dabo sumainu te yali dao, tama agai te iside bidiyu, dage dali po te wali dao.

Jeremaia 2:9

Genuai Bidigo te tiwai po wai, “Dagego te tobage dwai kolesaga ebaso, tama ena Genuai Bidi eno te po obao, te eno dage po tų ma ilaibao. Te eno dagego wai dabe dali, duga wąį dabe me po tų eyu, te dagego nosali pedalubo hani dabe me po tų yaibao wali.