Godigo Nogi Ugwaba Sabo Tęąbi Po Wabo Buku Dabe 50:21 - Godigo dwagi yai po buku

²¹ Dagego te tiwai yali, tama eno po deli me wabeo. Tama dagego te ena te dage tiwai tobage da homu yai. Tiali goli, mu menio. Megi eno dageba wado po olama, tama dage te pepeli diliba sela munama, te po tų ilaibao,” wali.

Godigo Nogi Ugwaba Sabo Tęąbi Po Wabo Buku Dabe 50:21 Referans Kwoze

Aisaia 57:11

“Dage dede mu wi elama, te dagego ena ili po ola mayu, te ena tudiba munama, te ena homu kone mu gegeda palobawe? Te bobobage sogo eno dageba wado po wabe, tama tiyu dagego enaba wi ebeo.

Bugagia Bidibo Kolesagade Po Asęai Buku 29:1

Te bidi me deli augwaligo hauwa sogo dodolali, tiali goli te aga hagoma ebo sę te umabo pedaludubaso da, teda polo tama mu te aga dolama, tama augwaligo aga tau sabo sunumi menia saibao.

Godigo Nogi Ugwaba Sabo Tęąbi Po Wabo Buku Dabe 90:8

Nago dago dwai kolesaga tigidali subo da. Tama dago geme dualama ebo sęgę tigidali, te nago pepeli diliba hanilama, munama, tama nago sualio.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Aisaia 42:14

Genuai Bidigo te tama po wai, “Te bobobage sogode eno pedauwali pania selama, te ena dua digi bidali. Eno ena haliga sębę te palia selama, te eno magi deli me ebeo. Tiali goli, megi eno te gela bomonama weyu, te wego wai ame nainu dene ebo sogo gela wabo tiwai obao. Ena te homu hę weyu, te homu hę wabo bomo elama, kekebo dao.

Kolesaga Koneai Bidigo Pusali Po Elalubo Buku 12:14

Godigo dago ebo kolesaga tigidalide da po tų ilaibao, te wiegi yai kolesaga dabe me, dwai kolesaga dabe me, te geme dualama ebo kolesaga dabede me, da po tų ilaibao.

Godigo Nogi Ugwaba Sabo Tęąbi Po Wabo Buku Dabe 50:3

Dago God aga megi da te asobao. Tama pedauwali me pania sabeo. Mu menio. Te tigidali nai dabo sia bogoli te aga asobodu polasa paibao, tama genuai wali me, tulubagego me, aga bagulama, elalubo dao.

Amos 8:7

E po odao. Genuai Bidi, te Israelgo aga nogi ugwaba sabo God, agai nogo guni sisu muyu, te tiwai bomai po dąų wai, “Eno dage Israel dabego dwai kolesaga ebode homu kone me gegeda palogobeo.

Godigo Nogi Ugwaba Sabo Tęąbi Po Wabo Buku Dabe 73:11

Te dwai sę ebo bidi dabego te tiwai po wabo, “Godigo te dago ebo sę te mena tama me konegobeo,” wai. “Te Ugwade Mu Bidibo Godigo te dago ebo kolesaga te gegelama hanilama sunumi me elalubeo,” wabo dao.

Kraisgo Geme Dualali Sę Pedelabo Po Jonbolo Ola Mani 3:19

Te eno bidi meba wei eyu da, te eno augwali dali wado po weyu, te augwaligo kolesaga eno dodolobo dao. Tama tibaso, nago bomo elama, tama homu hodolama, nago yali dwai kolesagade ge neyu, tama nage homu begelao.

Aisaia 26:10

Tiali goli, nago dwai we bidi hobede igi sogo da, teda augwaligo te nago doloba pai kolesaga konea sigi menio. Augwali doloba pai we bidigo te tǫde bidibo me tagala, augwaligo te dwai kolesaga me ebo sę yaibao. Tama augwaligo nago genuai nogi koneyu, me augwaligo nago bomo me koneyu, me augwali nage dologode me elalugi menio.

2 Pita 3:9

Tama tede konesiąwai bidi mebago homu te Genuai Bidi agai te po dąų wali sęde te sę dua dua eyu polo egobeo. Tiali goli te menio. Agai dage bugagia tonaluyu bidibo dao. Agai homugo te we bidi me deli hagaidali te tonaluaibao. Agai homugo tigidali we bidi augwa homu begeleyu te dwai kolesaga ebo tagalamainogo, te aga tonalubo dao.

Israel Hanigo Namba 23:19

God da, aga te tǫde bidi mu menio. Godigo da bidigo yali gilama ili po me wabo menio. Agai homu da bidigo yali gilama me hasegelebo menio. Mu menio. Te agai magi sę me yainogo eyu, po dąų wali da, teda agai tama ebo dao. Agai te po wabogo naga te sę tama pedalobo dao.

Ma Dobola Sali 3:14

Tama Godigo te po wali, “Ena Digi Ena Tama Bidibo Dao. Nago te Israel we bidi dali te po wao, ‘Ena Digi Bidibo, te Godigo nogi dao. Tama agai ena tagala palobaso, tama ena dage bidiboba asai.’

Godigo Nogi Ugwaba Sabo Tęąbi Po Wabo Buku Dabe 50:8

Eno te dagego yali ofade te eno dageba wado po weyu me wabeo. Menio. Te sesemane sogo dagego te ofa te siaba tigidali ulubo te eno suai dao.

Jopgo Po Asęani Elalubo Buku 34:33

Nago te po wai goli, Jop, nago Godigo ebo kolesaga wei isąbaso da, teda nago homugo naga godolo ebo sę agai emaina homu igio. Tiali goli, naga digi dagala sulama, mena kolesaga nagede dwagi yai da homu ebo kolesaga dagala sao. Te eno sę meni. Ma, nago dwagi yai kolesaga me elaluba wida, teda te homu kolesaga dabolo megi pusao,” wali.

Jeremaia 2:23

Tiyu, mena tama nage te eno gedude meda me pedali sabe da homu elama, nago te god Bal dabeba lotu wabe homu egowe? Waa? Israel, nago te bulu tǫ odogo pesagede nago te dwai sę yali homu kone ma palao. Nage te tigidaliba peyu, biliyu, te tibo god gegali, te so kibu kamelgo te tigidaliba pelama, udada peyu, te omai kibu kamel gegebo tiwai yalio.