Godigo Nogi Ugwaba Sabo Tęąbi Po Wabo Buku Dabe 50:16 - Godigo dwagi yai po buku

¹⁶ Tiali goli, Godigo te dwai sę ebo bidi dabeba te tama po wali, “Magi baso te dagego eno bomai po tigidali nogibo dawe? Tama magi baso te dagego eno dąų wali bomai pode te po mibo dawe?

Godigo Nogi Ugwaba Sabo Tęąbi Po Wabo Buku Dabe 50:16 Referans Kwoze

Aisaia 29:13

Genuai Bidigo te po wali, “Te we bidi hani dabe augwaligo eno nogi augwaligo pedauwalidu naga ugwaba sabo dao. Tiali goli, augwaligo homu dali, homu kolesaga si enade digibulu mu elalubao. Augwaligo enaba mu lotu po wabo menio. Augwaligo te bidigo digi muai bomai po, te po naga augwali ola mani po, augwaligo te po naga wali pabo dao.

Godigo Nogi Ugwaba Sabo Tęąbi Po Wabo Buku Dabe 25:14

Genuai Bidi God aga te aga dologode bidibo we bidi dabe augwaligo abagi mu dao, tama augwali dali te dąų wali bomai po kontrak te augwaliba ma ola mabo dao.

2 Pita 2:15

Tama augwaligo te doloba pai kolesaga wali pabo tų tudiba muyu, tama augwali hagawai. Augwaligo te polobadu bidai bidi Beorgo ogwa, Balam, tego yali kolesaga te tų wali pai. Agai te sęgę sabo sę elama, tama te sęde sabo masigi te agai godolo mu yai dao.

Hibru 8:9

Te megi e sogo te dąų wabo gesi po polobadu eno te augwa wąį dabe dali dodolama dąų wali po tiwai me ebeo. Menio. Polobadu te eno augwali te Isip tǫ taga somainogo te eno augwali nogo bugagia tulama soali sogo te eno augwali tau sabo po dąų wai. Tiali goli augwaligo eno augwalibolo mani dąų wali po te pode augwaligo augwa homugo kęą pisiąma tama te po wali me pabeo. Tama tibaso, augwali eno tudiba munama tagalali,’” Genuai Bidigo te po wai.

Dwagi Yai Gesi Po Jongo Asęani 4:24

God da, te mobo bidi dao. Tama bidigo agabolo lotu po weyu da, te bidigo aga mobo bidigo waibao, aga dolo ebo kolesagago me lotu po waibao,” Jisasgo te po wai.

Bugagia Bidibo Kolesagade Po Asęai Buku 26:7

Te wiegi yai homu elalusiąbo bidigo te wiegi yai po me deli wainogo ebaso da, teda aga usu me egobeo, te sągą dwai bidi te bilabo usu isąbo tiwai ebo dao.

1 Korin 9:27

Menio. Eno te ena tigiba mu eliyu tama aga ena homu wali pomainogo ebo dao. Magi baso meni. Eno te Godigo wiegi yai gesi po te gasa we bidi hauwabolo pusubo dao, te augwaligo te po bugagia wali pomainogo ebo dao. Tiali goli nosali ena digi te eno te po bugagia wali pisąyu tama ena tulaluidali weyu, tama eno bomonama te eno ebo kolesaga bugagia tonalubo dao.

Esekiel 18:27

Ma, te dwai sę yali bidi aga te yali dwai kolesaga tagalu, te doloba pai kolesaga ebaso da, teda aga me isigobeo. Menio. Te aga bugagia bidaibao.

Aisaia 48:22

Genuai Bidigo te tiwai po wali, “Te dwai kolesaga ebo we bidi dabe, te augwa bugagia wiegi yai bidabo sogo me gegegobeo,” te po wai dao.