Godigo Nogi Ugwaba Sabo Tęąbi Po Wabo Buku Dabe 50:13 - Godigo dwagi yai po buku

¹³ Te eno omai bulmakau mi tubo homu ebawe? Eno te meme kaneme tubo homu yaiba, agawe? Menio.”

Godigo Nogi Ugwaba Sabo Tęąbi Po Wabo Buku Dabe 50:13 Referans Kwoze

Pris Sę Ebo Bomai Po 7:12

Te bidi me deligo Godiba buba hwi wabo homu eyu, agai te deli haliga pedelabo ofa yainu eyu da, agai te hasa dali te bret pedai dage agai yis meni yai plauago nigai, tego ofa yao. Agai te ni oliv wel dali taluali plauago nigai bretgo te ofa yao. Te agai te tama tiabo homu me ebaso da, aga te bisket dabe te oliv ni welgo pilai, tego ofa yao. Te meni baso da, agai te wiegi yai plaua dali, te ni oliv wel dali taluama, tama skon nigai, tego ofa ebaso usu dao.

Bomai Po 32:38

Dagego augwaliba sipsip ili me wain dabe ofa yai dao. Teda megi augwaligo dage tau somainao. Augwaligo dage dwai madi bidibo ma oda somainao.

Bomai Po 33:19

Te bidi hani augwali sigo gasa we bidi hani augwaligo bulu duba sisinagasomainogo i waibao. Tama augwaligo wiegi yai doloba pai ofa mu yaibao. Tama augwaligo te bisnis sę augwaligo te tamu ąįde sali nai dabede yaibao, me te kemi sanede sali naigo me. Tama augwaligo te bisnis sęde augwaligo mone hauwa mu saibao,” wali.

Godigo Nogi Ugwaba Sabo Tęąbi Po Wabo Buku Dabe 69:31

Tama Genuai Bidigo te kolesaga wei mu ebao. Agai te bulmakaugo ofa ebo te wei eyu, godolo me ebeo.

Godigo Nogi Ugwaba Sabo Tęąbi Po Wabo Buku Dabe 69:32

Te sęgę tolali we bidi dabe augwaligo te sulama, tama wiegi yai pemene yaibao. Tama te Godiba lotu wabo we bidi dabe, augwaligo te bomo ma saibao.

Dwagi Yai Gesi Po Jongo Asęani 4:24

God da, te mobo bidi dao. Tama bidigo agabolo lotu po weyu da, te bidigo aga mobo bidigo waibao, aga dolo ebo kolesagago me lotu po waibao,” Jisasgo te po wai.

Polgo Po Pas Rom Dabeba Asęani 12:1

Eno ama dede, eno homugo te Godigo da dali homu dene eyu tama haniani olo tau mani wiegi yai kolesaga genuai mu yali, eno te homu ebaso, eno e po megi dagebolo hanilibao. Bidigo hasa ela munama tama Godibolo olo mabo sę, te ebo sę nogi poai te ofa dao. Tama te tiwai gilama dagego duga tigi te Godibolo olo mabo ofa tiwai yao. Te tigi bidibo ula elalubadi tama dagego Godibolo menama, tama te God aga deliba naga mao, te dwai sę me isąwai nai ofa dao, tama dagego te Godigo godolo ebo kolesaga yaibao. Dagego tama tiyu, tama dage te tiwai God dologode bidiyu, tama duga lotu po mu te Godibolo waiyąo.