Godigo Nogi Ugwaba Sabo Tęąbi Po Wabo Buku Dabe 50:11 - Godigo dwagi yai po buku

¹¹ Te tigidali ba, me te busi hasa dabe me, te kala nosa bulude bilibo ba sibi me, te tigidali eno muai nai naga dao,” Godigo te po wai.

Godigo Nogi Ugwaba Sabo Tęąbi Po Wabo Buku Dabe 50:11 Referans Kwoze

Matyu 6:26

Dagego te ba dabe suao, te dagalude bola pobao. Augwaligo nai bulusiąma, tama te nai sisinama te nai mubo beba me mubo meni goli, augwali nai te Godigo mabo dao. Tama tiyu, God agai gedude te ba dabe augwali genuai nai meni yai goli, agai augwali bugagia tonalubo dao. Tama dage da, dage agai gedude genuai dao. Tama tibaso, agai dage me bugagia tonaluaibao.

Dwagi Yai Gesi Po Lukgo Asęani 12:24

Te ba dabe suao. Augwaligo nai me bulama, nogogo sabe dao. Augwa tubo nai muabo be me meni dao. Tialima, Godigo augwali gesebo dao. Ba dabe da sęgę menio. Dage bidi da, sęgę ebaso, Godigo tubo nai mawaibao.

Aisaia 56:9

Te Israel polalubo bidi dabego te we bidi dabe bugagia me tonalusiąbaso, te Genuai Bidigo te po wai, “Asiąo, dage boi bidi dabe. Dage te uni hasa dabe te bulu du buside bidalubo asiąo,” wai. “Dage aselama, te Israel polalubo bidi dabe dolagasao. Te polalubo bidi dabego te tǫ kantri dwai sęgo elalagasainu ebo po te we bidi dabeba wabo sę elalubao. Tiali goli, augwa sę bugagia me ebeo. Menio. Augwali te gedu widai bage tiwai te taun tauade te boi bidi asobo tonalubo tiwai bidali. Tama augwali te pedauwali pania sai yowi tiwai te nai wi sabo bidi asobode gągą wabo usu isąwai bidali. Te augwa tobolude dwasianu kolesaga me elalubeo.

Godigo Nogi Ugwaba Sabo Tęąbi Po Wabo Buku Dabe 147:9

Agai te tigidali kibu hasa dabeba nai mobao, tama te gesi tamadi dilibo ba tagadi dabego i wabo sogo, te agai augwaliba nai mabo dao.

Godigo Nogi Ugwaba Sabo Tęąbi Po Wabo Buku Dabe 104:12

Ba dabe augwaligo pibo be te ąį sesegede elalubo nide be sę yai, tama augwali ni nologode dulaluyu, augwa po wabo dao.

Jopgo Po Asęani Elalubo Buku 38:41

Tama te sisi yai kotkot ba dabe tuabo nai menia sobaso, tama nai gege bilibadi yaide, tama augwa wai dabe ena Godiba nai sainu hanalubadi, tama dego mu augwali nai mabo dawe?” te po wali.