Godigo Nogi Ugwaba Sabo Tęąbi Po Wabo Buku Dabe 50:1 - Godigo dwagi yai po buku

¹ Te Tigidali Bomo Elalubo God, aga te dago Genuai Bidi da, megi da agai po weyu, tama te giliga pedaluboba, me te giliga dega siguluboba usu nama, te tigidali we bidiba i obao. Agai te tigidali bulu tǫ we bidiba i wabo dao.

Godigo Nogi Ugwaba Sabo Tęąbi Po Wabo Buku Dabe 50:1 Referans Kwoze

Godigo Nogi Ugwaba Sabo Tęąbi Po Wabo Buku Dabe 113:3

Te giliga pedalubo badu, me giliga dega sigulubo badu, teba usu nigi peyu, da tigidali we bidigo te Genuai Bidi nogi ugwa sao.

Matyu 25:32

Tama tigidali tǫde bidibo we bidi hani augwali aga gesabidiba sisinaibao. Tama agai augwali dobolama, tama hani si bugulama muaibao, tama te sipsip me meme tonalubo bidigo te sipsip hani tedaliba muyu, te meme hani tedaliba mubo gilama tiwai yaibao.

Josua 22:22

“God te tigidali bomo elalubo! Agaduba deli naga te Genuai Bidi dao! Te dago magi baso te sę yali, te agai koneani. Tama dago homugo te dagego me konemainogo yaibao! Te dago Genuai Bidigo po sela sąnama, tama dago agai bomai po wali pisąwai baso da, teda dagego da te bidibo ula elalu bidimainu me gogolamu dao!

Amos 3:8

Te bomai hasa laiongo i bomonama wabo odobo si da, te bidi aga wi homu ebo meni da, agawe? Awe, aga wi yaibao. Te God Genuai Bidigo po bidi me deliba pusubaso, te bidigo te po pusubo meni da, agawe? Menio. Agai pusaibao. Te Amosgo wali po dao.

Aisaia 1:2

Dagalu, olo saganama, odao. Tǫ, nago me odao. Magi baso meni, Genuai Bidigo te po wai dao, “Te wai dabe eno tonaluama, genuai yali. Eno augwali bugagia negali. Tiali goli, augwali da, augwaligo eno po sela sąbo dao.

Nehemia 9:6

Nagaduba deli naga nage Genuai Bidi da. Nago te dagalu me, hǫ dabe me, tǫ me, tamu ąį, te tigidali elalubo nai augwali nigai. Tama nago te tigidali naiba te bidabo ula mabo dao. Tama te tigidali dagalude bidibo ensel mobo bidi dabego nageba kidu sugunama, lotu po wabo dao.

Malakai 1:11

“Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.

Jeremaia 10:6

Genuai Bidi, te nage tiwai gasa me menio. Nago genuai bomo, me genuai nogi elalubao. Te nago naga bomo waseliyu, te tobage sę dabe ebo dao.

Aisaia 54:5

Magi baso meni. Ena, nage nigali God, ena te nago bidi tiwai bidaibao. Eno nogi da, te Tigidali Bomo Elalubo Genuai Bidi dao. Ena, te Israelgo God, ena te Wiegi Yai Doloba Pai Kolesaga Mu Ebo God da, te ena nage tudi badu posolalu tau sabo bidi, eno naga eno te tigidali tǫ habu tonalubo God dao.”

Aisaia 37:20

Te Genuai Bidi, dena God, eno homugo te megi nago da tau somainu homu eyu, tama da te king Senakeripgo nogode ma dobola sao homu yai. Tama te tigidali tǫde we bidi hanigo te tiwai bugagia koneyu, nage naga nage te Genuai Bidi da waibao,” po wai.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Godigo Nogi Ugwaba Sabo Tęąbi Po Wabo Buku Dabe 83:1

God, nago pedauwali me pania sigio. Nage odolali me dualalugio. God, nage odolali me bidigio.

Godigo Nogi Ugwaba Sabo Tęąbi Po Wabo Buku Dabe 73:1

Godigo te Israel dabeba wiegi yai mu yai. Godigo te wiegi yai haliga elalubo we bidi dabeba te wiegi yai sę mu ebo dao.

Nehemia 9:32

“Dago God, nago genuai nogi me genuai bomo elalubao. Da tigidali te nago bomo dologode bidibao. Tigidali sogo nago te naga dąų walali bomai po wali pelama, tama nago dabolo te olo mu tau sabo wiegi yai kolesaga ebao. Megi da te genuai sęgę tolai, tama tiyu dago homugo nago da homu koneama tau sao. Polobadu te Asiria king dabego te dago kingba, me tobolu bidi dabeba, me pris, me profet dabeba dwai sę eyu, te dago wąį nǫų dabeba me te tiwai yai. Tama te sęgę dade elalua asidubadi, te megi e sogoba usu nagasobao.

Tuni Bidi Dabego Po Elalubo Buku Si 29:30

Tama king me tobolu bidi dabe augwaligo te Livai dabebolo te Devit de profet Asap sigo asęani tęąbi te Godigo nogi ugwaba sabo tęąbi po wao wali. Tialima te Livai dabe augwali wiegi yai homu hauwa mu iyu, te tęąbi po dabe tama wali. Tama nosali augwali bogoli sugunama, Godiba lotu po wali.

Tuni Bidi Dabego Po Elalubo Buku Deli 25:6

Hemango te hani ogwa dabego te haniani gita dabe badi te plet pou bras badi elali, te Genuai Bidigo bede te Godiba lotu wabo sogo tialio. Tama augwa ayago augwali tonaluali. Tama king Devitgo Asap me Jedutun me Heman te bidi sela tonaluai dao.

Tuni Bidi Dabego Po Elalubo Buku Deli 25:2

Te Asapgo hani ogwa dabede, augwaligo te Sakur, me Josep, me Netania, me Asarela, te tama dąį ilali. Asap aga digi augwali tonaluali, tama te Godigo po te kingo augwalibolo pusao po wabo sogo te po augwaligo pusai dao.

Tuni Bidi Dabego Po Elalubo Buku Deli 16:37

Devitgo Asap aga deli hani dabeba dali te sę mayu, te Genuai Bidigo Dąų Wali Bomai Po Muani Halobage pagede bidao wali, te deli deli side lotu wabo tonalumainu yali. Augwa te sę sesemane sogo tonalumainu yai dao.

Tuni Bidi Dabego Po Elalubo Buku Deli 15:17

Tialima te tobolu bidi dabego te bidi Heman dąį ilali, te Joelgo ogwa, me aga hani bidi te Asap, te Berekiago ogwa. Tama me augwaligo te Etan dąį ilali, te Kusaiago ogwa te Merari hani bidi. Te bidi dabego te tęąbi eyu te brasgo nigai plet pou elibo sę eyu yalio. Te tobolu bidi dabego te bidi sela tau sabo gasa bidi dabe me dąį ilali. Te Livai dabego te gita elebo sę elaluai. Te augwali mebago te gasa tobage gita me elali, te aga dogoni ugwaba ebo da. Te bidi dabe nogi da e tama, Sekaraia, me Jasiel, me Semiramot, me Jehiel, me Uni, me Eliap, me Masea, me Benaia da. Te mebago te gasa tobage gita me elali, te dogoni aiyaba dulalio. Te bidi dabe nogi e tiwai da, Matitia, me Elifelehu, me Miknea, me Obetidom, me Jeiel, me Asaia. Obetidom me Jeiel te bidi si te Godigo be sunumi tonalubo bidi hani dabede te sę ebo bidi me si dao.

Te Israel me Juda Hani Sigo Tuni Bidigo Po Elalubo Buku Deli 18:21

Tama Elaija te we bidi dabe augwali pąba doligi pelama, te tama tiwai po walio, “Dage homu si elalubo we bidi dabe da, mena sogo dagego homu deli naga elalueibawe? Genuai Bidi aga te God mu yaibaso da, teda dagego aga deliba naga lotu waiyąo. Bal te God mu yaibaso da, teda dagego aga deliba naga lotu wabo usu dao,” wali. Tialima, te we bidi augwaligo po me deli wei me ponobeo. Mu menio.

Tigidali Nai Gagalama Nigali Side 17:1

Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.

Tuni Bidi Dabego Po Elalubo Buku Deli 6:24

tama Asir te Tahatgo aya, Tahat te Urielgo aya da, Uriel te Usiago aya, tama Usia te Saulgo aya dao.

Godigo Nogi Ugwaba Sabo Tęąbi Po Wabo Buku Dabe 74:1

God, magi baso nago da tudiba mubawe? Te nago wado po sesemane te naga we bidi daba ududa, agawe?

Godigo Nogi Ugwaba Sabo Tęąbi Po Wabo Buku Dabe 75:1

God, dago usu da olama, tama nago nogi sesemane ugwaba sabo dao. Tama dago nago genuai nogide po hanilama pusuyu, tama augwaliba te nago haniani wiegi yai sę ebo po pusubo dao.

Godigo Nogi Ugwaba Sabo Tęąbi Po Wabo Buku Dabe 76:1

Te Juda dabego God bugagia koneai. Tama te Israel dabego agai genuai nogi ugwaba salio.

Godigo Nogi Ugwaba Sabo Tęąbi Po Wabo Buku Dabe 77:1

Eno Godiba i bomo elama obao. Eno homugo te agai eno gedu haluasa po wabo odomainu ebao.

Godigo Nogi Ugwaba Sabo Tęąbi Po Wabo Buku Dabe 78:1

Eno hani bage dabe, dagego eno po bugagia odao. Dagego eno wainogo ebo poba olo bugagia muao.

Godigo Nogi Ugwaba Sabo Tęąbi Po Wabo Buku Dabe 79:1

God, te gasa hani dabe dago tǫba asalio, tama augwaligo te naga we bidi dabe da dali hwįani ebao. Augwaligo te nago tedali wiegi yai be dwai ilama, tama meda mu pedelali. Tama augwaligo te Jerusalem dwai mu ilama, dolalio.

Godigo Nogi Ugwaba Sabo Tęąbi Po Wabo Buku Dabe 80:1

Te Israel dabe tonalubo bidi, nago te naga sipsip dabe da bilibo dodolobo dao. Te dago gela wabo odao. Nage te ensel dabe daide ugwadu king bidibo dao.

Godigo Nogi Ugwaba Sabo Tęąbi Po Wabo Buku Dabe 81:1

Te wiegi yai pemene elama, te Godiba i wao, te da tau seselalubo bidi dao. Te Jekopgo God nogi ugwaba sabo tęąbi po wao.

Godigo Nogi Ugwaba Sabo Tęąbi Po Wabo Buku Dabe 82:1

God te dagalude genuai kaunsel miting po mibo polalubo bidi bidibao. Te tobolu bidi dabe sisinama, tama God agai homude elalubo po pusubo dao.