Godigo Nogi Ugwaba Sabo Tęąbi Po Wabo Buku Dabe 49:7 - Godigo dwagi yai po buku

⁷ Dago koneai, bidi mego aga masigigo aga digi aga ma abelama, ma dobola sabo menio. Tama agai Godibolo aga bidabo ula abeliyu, mone masigi Godibolo magobeo. Mu menio.

Godigo Nogi Ugwaba Sabo Tęąbi Po Wabo Buku Dabe 49:7 Referans Kwoze

Matyu 16:26

Bidigo e tǫde elalubo tigidali nai aga sai goli, tama te nai sobadi aga mu bidabo ula doloyu da, teda te tigidali sali naigo aga tau sabo usu egobeo. Te bidigo te bidibo ula ma abelainu te mena nai mobaso, te usu me egobeo. Te menio.

Matyu 25:9

Tiali goli te kolesaga yai wegi manigo po wei augwalibolo ponoyu, te po wai, ‘Te e wel ąįgo te da me te dage dali usu egowe, egobewe, te dago konebeo. Te duga stua beba pelama, duga tedali abelegi pao,’ wali.

Matyu 20:28

Te tiwai naga gilama te Godigo Bidi Mu aga te bidi mego tau somainogo me asobeo. Menio. Aga asali te augwali digi tau somainogo asali, tama agai bidibo ulago te we bidi hauwa mu ma abelemainogo asai dao,” Jisasgo te po wai.

1 Pita 1:18

Magi baso meni. Dagego wąįgo dagebolo polobadu ola mani bidabo kolesaga te usu isiąbo kolesaga dao. Tama dagego koneai, God agai dage te usu isiąbo kolesagade ma dobola siyu, agai te mobi elama damua pabo nai mego agai dage ma abela sabeo, te dila pai kapa si nogi gol dali silva dali si, te tobage gamonasiąbo naigo dage ma sabeo.

2 Timoti 2:6

Agai aga bidibo ulago digi te tagaliyu, te tigidali we bidi ma abelali. Te tama tiali kolesagade Godigo aga bodolu mani sogo da ola mani, te agai tigidali we bidi ma sabo homu ebo dao.

Esta 5:11

Augwali sabola silibode, tama augwaligo gedude Hamango aga digi aga nogi ugwaba sali. Agai augwalibolo weyu, agai mone hauwa badi, te doado bage hauwa elalubo da po wai, tama aga ogwa me hauwa elalubo po wali. Tama te tuni bidigo genuai nogi me genuai sę mu agabolo mayu, tama te tuni bidigo sę tonalubo gasa ofisa bidi dabe tigidali te aga dologode bidibo da, po walio.

Bugagia Bidibo Kolesagade Po Asęai Buku 18:11

Tiali goli, te mone hauwa elalubo bidi dabego te homu eyu, te augwa mone dabego te augwali bagulalu, tama augwali bugagia bidiyu, te bomai obo elalubo taun tiwai da homu ebo dao.

Jeremaia 9:22

Te isai bidi dabe tigi te tǫde wilalua paibao, te yowigo di tiwai elaluali, tama te gide wit dunu pali tiwai elalua paibao. Te augwali sisinabo bidi meni yaibao. Genuai Bidigo enabolo te po pusao wali.

Hosea 12:9

Tiali goli, ena God, te duga Genuai Bidi, eno te dagego tibo po koneai. Polobadu eno dage te Isipde selama, odasa asai. Tialima, eno dagego te wiegi yai be dabe tagalumainu elama, te dage ugwa bede ma piagameo wali, te polobadu eno dage dali te masigi kemi tǫde te moni nai daa tuabo sogode deliba gesabidi ununiyu yali tiwai gilama emainu ma yaibao,” po walio.

Dwagi Yai Gesi Po Makgo Asęani 8:37

Te bidigo mena mone mayu, te aga bidabo ula dobola siyu ma abelaibawe? Te menio.