Godigo Nogi Ugwaba Sabo Tęąbi Po Wabo Buku Dabe 49:13 - Godigo dwagi yai po buku

¹³ Te sę ebo te bidi dabe augwa digi tǫde tigidali nai homugo dąų wabo bidide pedelebo dao. Tiwai bidi dabego dwagi yai homu kolesaga menio. Te bidi dabe augwaligo e tǫde tigidali nai dali osogo dwagi yai elama, tama augwali isibo dao.

Godigo Nogi Ugwaba Sabo Tęąbi Po Wabo Buku Dabe 49:13 Referans Kwoze

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

1 Korin 3:19

Magi baso meni, te e tǫde koneani kolesaga te Godigo gedude te wabo pabo bidigo kolesaga tiwai ebao. Tede te Godigo po bukude te e tama tiwai po wai: “God agai tilama tama augwaligo kolesaga koneanigo te augwa digi tibo haniani kolesaga koneai bidi dabe sali, te bidigo ba munama te kebi sabo tiwai gilama ebo dao.”

Jeremaia 44:17

Dago te dena yaibao olama, po dąų wali sę tigidali yaibao. Dago te wiegi yai denami ebo ofa te god weba idu geaibao, augwa te tama nogi yali, Te Dagalude Kwin We dao wali. Te dago agaba te wain ofa gelidu geaibao. Polobadu dena digi me, dago wąį me, king dabego me, te tobolu bidigo me, dago te tobage ofa Te Dagalu Kwin Weba yali. Dago te ofa te Juda taunde, me Jerusalem sunumi dabede yalio. Te dago tama tiali sogo, te dago nai hauwa elalu, te da bugagia bidiyu, te dwai me deli dabolo me pedalubeo,” te po wali.

Kolesaga Koneai Bidigo Pusali Po Elalubo Buku 3:19

Magi baso meni, da bidi silibo te hasa dabe tiwai si ebao. Te hasa dabe isaibao, te da bidi me isaibao. Bidi me, hasa me, te mobo kekebo da, te tama tebo te si dali sigo bidibo ula elalubao. Tibaso, te bidigo bidibo ulago te hasago bidibo ula aiyaba me elalugobeo. Menio. Augwali sigo bidibo ula te olo nai tiwai si tiwai dao.