Godigo Nogi Ugwaba Sabo Tęąbi Po Wabo Buku Dabe 49:11 - Godigo dwagi yai po buku11 Hasia te bidi dabe augwaligo tǫ me elaluai, tialima megi te gų page augwaligo tǫ tiwai elama, augwali tede sesemane sogo bidada peyu, bidada pabo dao. Gade chapit la |
Augwaligo te dwai kolesaga meba yabo po mia selama, tama augwa te po wai. “Dago yabo te dwai kolesaga me deli te homugo koneanio, tama te dago yainu ebo sę te bidi me deli gegeyu, koneainu ebaso, usu egobeo,” te po wai. Dago te bidi dabego haligade elalubo homu kolesaga te koneabo usu egobeo, te geme mu dualalubao.
Polobadu, te Apsalom bidibo ula elalu bidali sogo, agai te bobage masigi genuai me deli selama, tama te Kingo Odogo Bulude dodolali, te aga nogi sa mubo tiwai ilali. Tama agai te tama wai, “Te ena bidali pesage hasegelama bidabo wai meni baso, tama te Israel dabego ena homu kone palabo ogwa meni yani,” homu elama, te tama kolesaga yai. Tama tialima, Apsalom aga nogi digi te masigiba mawai elaluai. Tama megi me te we bidi dabego te masigi nogi weyu, te tama po obao, “Te Apsalomgo masigi da,” wabo dao.
Tama Genuai Bidigo te po wali, “Dage Farisi dabego te kap dabe me, pou dabe me te eda badu bulu badu meda elalubaso, te bugagia dua digi me te ąįde telabo dao. Tiali goli, dagego homude dwai sę yabo konealubao, gasa bidigo nai sulama, eno somainawe homu ebo bage dao. Tama te ebogo homu dwai dao ola mabo dao.
Nosali te Manase hani bidi me Jairgo te bulu Argop sese tama sali. Te tǫ augwaligo te Basan te wabao. Te tǫ dąį te bulu Gesur me Maka bulu si sesegeba te dąį igi palio. Tama aga digi aga nogi te bulu dabe poali. Tama tialima, te bidi dabego te po wabo dao, te bulu dabe te Jairgo bulu dabe dao wabo dao.)
Te homu kolesaga mu konea pai bidi dabego te augwa wali pabo sunumi bugagia sueibao, tiali goli te wabo pabo homu kolesaga tiwai ebo bidi dabe te hulide bilibo tiwai yaibao. Te mu da wali, tiali goli eno gasa nai me koneanio. E tiwai da. Te homu kolesaga konea pai bidi silagasobo gilama tiwai, te wabo pabo homu kolesaga ebo bidi me te tiwai gilama silagasu ebo dao.