Godigo Nogi Ugwaba Sabo Tęąbi Po Wabo Buku Dabe 48:8 - Godigo dwagi yai po buku

⁸ Te sę te polobadu Godigo yali po odolama, tama megi dago subo me agai te tiwai ma yai. Da te Genuai Bidigo taunde bidibao. Dago God, te Tigidali Bomo Elalubo God dao, tama agai te sę ebo dago suai. Godigo te aga taun dąų walama, tama te taun sesemane sogo elalua pomainu yai dao.

Godigo Nogi Ugwaba Sabo Tęąbi Po Wabo Buku Dabe 48:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 87:5

Te eno Jerusalemba te tama po waibao, ‘Te bulu te tigidali hani we bidigo bulu da.’ “Tama te Ugwadu Mu Bidibo God, aga digi te Jerusalem dodolama, tama bomai mu elaluaibao.

Matyu 16:18

Tama eno nagebolo te po obao, nage Pita dao, te nogi page te masigi dao, tama eno ena po wali pabo we bidi hani te masigi daide pedalaibao, te be me deli te genuai masigi daide sę ebo tiwai. Tama te we bidi hani augwali te dwai mobo bidi Satango we bidi ela muabo bomogo augwali me aiyaba elalugobeo.

Maika 4:1

Te me sogo si deli te nosali pedalubo side te bulu du, te Genuai Bidigo be elaluali madi, te daide mu elalu, te gasa bulu du tigidali aiyaba elalueibao wai. Tama we bidi hani hauwa teba sisinagasaibao.

Godigo Nogi Ugwaba Sabo Tęąbi Po Wabo Buku Dabe 46:5

God te taunde bidibao, tama tiyu, te taun munu me dologobeo. Te be posisąbadi, tama te Godigo aga tau saibao.

Aisaia 2:2

Te me sogo nosali, te Genuai Bidigo be dolalubo te bulu du, te genuai ugwanu ma dolaluyu, tama gasa bulu du dabe aiyaba elaluai elaluaibao. Tama tigidali we bidi hani teba sisinagasaibao.

Aisaia 38:19

Te bidibo ula elalubo bidi dabe, augwaligo naga nago nogi ugwaba siyu, te megi eno ebo tiwai yaibao. Te aya dabego te augwa wai dabeba te nago wiegi yai sę sesemane sogo ebo po waibao.”

Te Israel me Juda Hani Sigo Tuni Bidigo Po Elalubo Buku Deli 22:49

Te nosali, Ahasia, te Israel kingo, te Jehosafatgo sip dolali po te tiwai odama, tama agai Jehosafatba te tama po wali, “Te nago sip dabe ma tagala palabo homu ebaso da, teda eno boskru bidi dabe te nago boskru bidi dabe dali pomainu yaibao,” wali. Tialima, Jehosafatgo hagela homu yai dao.

Esekiel 27:26

Tama te wę habesege bomo elama togobo bidi dabego te ąį bomonama togobaso, te nage genuai tamu ąį tomoba tugi pali. Tiali goli, bomai wali pedaliyu, tama nage dolaibao.