Godigo Nogi Ugwaba Sabo Tęąbi Po Wabo Buku Dabe 48:13 - Godigo dwagi yai po buku

¹³ Dagego te Saion bagulali obode bugagia homu kone palao, tama agai te bomai be dabe bugagia suiąo. Tama tiyu, dagego te nosali pedalubo hani dabeba te po pusagameo.

Godigo Nogi Ugwaba Sabo Tęąbi Po Wabo Buku Dabe 48:13 Referans Kwoze

Godigo Nogi Ugwaba Sabo Tęąbi Po Wabo Buku Dabe 71:18

Megi da, ena monu dabe elama, te ena tobolu nisi ayadeba yalio, tiali digi God, nago ena me tagagio. Nage ena dali bidiyu, tama eno nago genuai bomode po te nosali pedalubo we bidi dabe pusaibao.

Godigo Nogi Ugwaba Sabo Tęąbi Po Wabo Buku Dabe 122:7

Te Jerusalem obo tomode bidibo we bidi dabe augwa te bugagia dugulalu, te hwįbo menia somainao. Tama king dali, te tobolu bidi dabe me, te bugagia dugulalumainao,” wao.

Bomai Po 11:19

Tama dagego te bomai po duga wai dabebolo me ola maiąo. Tama dagego te bomai po tigidali miąo. Te dage duga bulude bidibo sogo, me digibulu bidiyu, me te sę ebo sogo, me olo toma tubo sogo, te bomai pode po miąo.

Amos 9:11

Genuai Bidigo te tama po wai, “Nosali te me sogo si pedalubaso, teda eno te Devitgo hanide king me deli hodolaibao. Megi da, te hanigo tǫ kantri te be me deli degasa pelama, dolai tiwai elalubao. Tialima, nosali eno te be ma sęnama da, teda eno te be daga dabe me dodola silama, te be polobadu elaluali tiwai ma pedelaibao.

Joel 1:3

Dagego duga wai dabebolo te sę yali po waiąo. Augwaligo te augwa wai dabeba te po omainao, tama te wai dabego te nosali pedalubo haniba omainao.

Aisaia 58:12

Tama te dolali taun dabe dagego ma nigaibao. Dagego te be dabe te polobadu sę yai elaluali pesagede ma sę yaibao. Tama dage nogi augwaligo te tiwai waibao, ‘Te taun obo dabe ma dodolobo hani dabe’, me ‘Te augwali te sunumi dabe me be dabe bugagia ma dodolobo hani dabe dao,’ waibao,” wali.

Aisaia 33:20

Dagego Jerusalemba toniąo. Te da dago genuai hanu, te da tigidali genuai lotu po wabo sogo dabe sisinagasabo hanu dao. Te da te da bugagia bidiyu, toma tuyu ebo bulu dao. Aga te sel ugwa be te bidi dabego bono togolama, ni dabe gudasa, pisąma yabo sel be tiwai dolaluaibao.

Esekiel 21:25

“Israel king, nago eno po sela sąyu, dwai kolesaga mu ebo bidi da. Te eno nago ebo dwai sę tigidali wei ponabo sogo megi pedelalio.