Godigo Nogi Ugwaba Sabo Tęąbi Po Wabo Buku Dabe 48:11 - Godigo dwagi yai po buku

¹¹ Tama tialima, te Saion bulu dude bidibo we bidi tigidaligo te augwa wiegi yai pemene yao. Nago te tigidali we bidigo ebo kolesaga te dolo dagalubo dao. Tama tibaso, eno homugo te Juda taun we bidi dabe augwa te wiegi yai pemene mu emainao.

Godigo Nogi Ugwaba Sabo Tęąbi Po Wabo Buku Dabe 48:11 Referans Kwoze

Godigo Nogi Ugwaba Sabo Tęąbi Po Wabo Buku Dabe 97:8

Te Saion we bidi tigidali, me te Juda taun we bidi dabe, augwa te bugai haliga elama, tama nago po tųde wiegi yai pemene yaibao.

Kraisgo Geme Dualali Sę Pedelabo Po Jonbolo Ola Mani 18:20

Nage te dagalu, nage dali te Godigo we bidi dali, tama dage te Godigo po pusigi pabo bidi dabe me, te Godigo nosali yabo sę po ola mabo bidi dali, dage tigidaligo te genuai hanude megi pedalobo sęde wiegi yai homu yao! Godigo aga dagalama, tama agabolo te dwai dene sabo wei ponai dao. Tama te kolesagade agai te hanu agai dwai kolesaga dage dali yali wei ponai dao!

Kraisgo Geme Dualali Sę Pedelabo Po Jonbolo Ola Mani 15:4

Tama Genuai Bidi, nagaduba deli digi naga nage te magi dwai sę me esiąyu wiegi yai doloba pai mu bidibo dao. Tama tibaso, niwai bidigo nage dali wi egobewe? Tama niwai bidigo nage nogi ugwaba sogobewe? Te tobage bidi menio. Tigidali bidi hani augwali aselama, nage pagede lotu po nage dali wagasaibao. Magi baso menio, nago doloba pai kolesaga te hania bulu ulaba pedalai dao,” augwaligo te tęąbi po wabo eno odali.

Dwagi Yai Gesi Po Lukgo Asęani 23:28

Tialima, Jisas begelama, te we dabe dali te po wai, “Dage Jerusalem we dabe, dage ena hagede gela wagio. Tiali goli, duga hagede gela weyu, duga wai bǫų hagede gela weyu yao.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Aisaia 37:22

Tama tialima, megi da, agai te Senakerip dali po elalubao, te Asiria king dao. Genuai Bidigo te tiwai po wali, ‘Senakerip, te Saion bulu dude bidibo we bidigo nageba gisugu mabo dwai mu eyu, tama te Jerusalem bagego nageba posobo dwai weyu, te nage begela dolobo dao.

Solomon 5:16

Agai ena dali naboge si dilibo sogo da, eno te pusu umagi mu yalio. Agai tigi pedai tigidali badu usu nama, te wiegi yai naga yali. Dage Jerusalem we dabe, eno bidi da te tama tiwai tobage bidi me dao.

Solomon 3:5

Te Jerusalem we dabe, dagego te wiegi yai bulu uni hasa dabede homu kone palama, te bomai po dąų wai baso da, teda dagego da sigo haliga hodoligio. Te sę dena side digi elalubao.

Solomon 2:7

Te Jerusalem we dabe, dagego te homu ebao, te wiegi yai bulu uni hasade homu eyu, te bomai po ena dali dąų walali homu elama, te dagego da sigo homu hodolo sę me elamuo. Te dena si sę digi dao.

Solomon 1:5

Dage Jerusalem we dabego, odao. Eno tigi husugu yali, tiali goli ena sawi yai pai mu da. Eno tigi husugu yali, te Kedar dabego wa pai bulude te sel ugwa be dabe husugu yai tiwai dao. Tiali goli, ena gasa sawi yai mu, te sawi yai name ugwa dabe te king Solomongo bede walalubo tiwai dao.

Godigo Nogi Ugwaba Sabo Tęąbi Po Wabo Buku Dabe 58:10

Te doloba pai bidi dabego te Godigo te dwai sę ebo bidi dabebolo te dwai dene mabo subo si, te augwali wiegi yai pemene yaibao. Te doloba pai bidi dabego sągą te dwai bidi dabego kanemego sągą wę telaibao.

Te Israel Tobolu Bidi Dabe 5:31

“Tialima, Genuai Bidi, dago homugo te tama tialigo te nago boi bidi dabe isimainogo yao. Tiali goli, nago abagi dabe da, te ula eyu, tama te giliga nanobo ula tiwai pedalumainu yao,” te Debora dali Barak sigo te tiwai tęąbi po tama wali. Tama te tǫ pedaide te boi munu me hwįsiąbadi, te kibu be bidi sese si 40 yia bidali.

Malakai 1:11

“Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.