Godigo Nogi Ugwaba Sabo Tęąbi Po Wabo Buku Dabe 47:4 - Godigo dwagi yai po buku

⁴ Godigo digi te tǫ me deli dąį ilama, tama dabolo mawai dao. Da te Jekopgo hani da, Godigo da godolo mu eyu, tama dago te dena tǫde wiegi yai pemene ebo dao.

Godigo Nogi Ugwaba Sabo Tęąbi Po Wabo Buku Dabe 47:4 Referans Kwoze

1 Pita 1:4

Aga bidibo digi dage maiabo nai agai dagala munama, megi bugagia tonalubo dao. Tama agai dagebolo maiabo nai te gamonabo nai dao, te dwai sęgo dolisiąbo nai dao, te nai munu me mobia pogobeo.

Amos 6:8

God, Tigidali Bomo Elalubo Genuai Bidi, Tigidali Nai Tonalubo Bidi, agai te tiwai bomai po dąų wali, “Eno te Israel dabego gagea peyu, te hagoma ebo kolesaga ebo, te eno hagela homu ebao. Te eno augwaligo genuai boma pai be dabe eno haliga sębę yaibao. Tama tialima, eno te augwaligo polalubo taun dali, te tomode elalubo tigidali nai te augwa boi bidi dabego nogoba mawaibao,” te po wai dao.

Amos 8:7

E po odao. Genuai Bidi, te Israelgo aga nogi ugwaba sabo God, agai nogo guni sisu muyu, te tiwai bomai po dąų wai, “Eno dage Israel dabego dwai kolesaga ebode homu kone me gegeda palogobeo.

Hosea 14:4

Genuai Bidigo te po wai, “Tialima, ena te tagalali we bidi dabe eno ma dobola saibao. Te eno haligago augwali godolo mu eyu, te eno augwaliba wado yabo homu begelama, munu me egobeo.

Efesus 1:18

Te eno homugo agai wiegi yai ula yai pogo dage homude ula momainogo yaibao. God agai dage i wali, te dagego agai te da mu ma sabo sogo tonalumainogo agai dage i wai dao. Tama Godigo Mobo Bidi agai dagego homude te wiegi yai ula yai po ola mayu, tama dagego te da mu ma sabo sogo tonalubo sę page gisiga koneyu, tama wiegi yai homu ebadi dagego te sogo asobo tonaluaibao. Tama God agai aga we bidi dali wiegi yai kolesaga nosali yaibao po weyu, te po dąų wai dao. Tama tibaso, dagego te kolesaga page wiegi yai mu dao konemainogo, eno God hanaludu gebo dao, agai te dagebolo te dage dali nosali yabo kolesaga page gisiga ola mao.

Matyu 25:34

Tama te tuni bidigo aga dolo nogo badu bidibo bidi dabebolo po weyu, te po waibao, ‘Dage da, te eno Ayago dage dali wiegi yai sę mu yai dao. Polobadu mu agai te tǫ nigali sogode agai we bidi tonalubo kolesaga sisi ilama, tama tede dage bidabo madi sisi ilali elalubo. Dage aselama, te bulu tomoba dage asiąo.

Malakai 1:2

Genuai Bidigo te tama po wali, “Te eno dage godolo mu eduali, tama megi me ebo dao,” wali. Tiali goli, te Israel dabe augwaligo e tama po wei ponani, “Nago da godolo ebo mena tama yaliwe?” Tialima Genuai Bidigo te po augwaliba wei ponani, “Odiąo. Polobadu Iso me Jekop te ama nami si dao. Te eno Jekop dali, dage te agai wąį nǫų dabe dali godolo homu yai dao.

Esekiel 20:6

Tama te sogo eno dila pai bomai po augwali dali dąų olama, te augwali eno Isipde selama, te eno augwaliba maiabo te dąį ilali tǫba odasa asali. Te tǫ te polalubo sawi yai tǫ mu elaluali, te gasa badu tǫ pedai tigidali aiyaba elaluali. Te tǫgo ili hauwa elalu, te nai wiegi yai mu holai dao.

Jeremaia 3:19

Genuai Bidigo po ma weyu, te po walio, “Israel, polobadu eno homugo nage ena wai puluba mu bidiyu, eno dage dali te ayago ebo kolesaga elama, tama eno nage wiegi yai tǫ mu me deli mawaibao, te gasa tigidali hani we bidigo tǫ aiyaba mu elaluali. Eno te homu yali. Tama me eno te homu yali, nago enaba Aya nogi yaiba homu yali. Tama nago ena sesemane sogo wali asiyu, tama nago ena munu me tagalogobeo, te homu yali.

Aisaia 60:15

“Jerusalem, nage ololama, olo elalu, te nago sunumi dabede bidi iba oba soyu me isąwai. Nage te we tiwai bidiyu, te aga bidigo aga godolo isąma, tagalobaso, aga wi pali. Tiali goli, te eno nage te gasa sawi wiegi yai pedalumainu ilama, te nage polalu, polalubo mu pedalubaso, te we bidi dabego nageba wiegi yai homu pemene mu yaibao. Tama nage te tiwai naga sesemane sogo bidada pidu, bidada paibao.

Godigo Nogi Ugwaba Sabo Tęąbi Po Wabo Buku Dabe 16:3

Augwaligo konealubo homu Godiba naga dąų wali we bidi, augwali e tǫde bididubadi, augwali te tedali gasagi yai we bidi hani dao. Eno dwagi yai homu mu elama, augwali dali bidaio homu ebo dao.

Bomai Po 11:12

God dago Genuai Bidigo te tǫ tigidali polua me kibu bede bugagia tonalubo dao, sesemane sogo,” wali.

Bomai Po 33:3

Godigo aga we bidi godolo mu ebao, tama agai augwali bugagia mu tonalubo dao. Tama tialima, dago agaba kidu sugunama, agaba tobolu basiliyu yao. Tama dago agai bomai po wali pinao.

Godigo Nogi Ugwaba Sabo Tęąbi Po Wabo Buku Dabe 136:22

Agai te tǫ te Israel dabeba mawai, te aga sę bidi dabeba mawai dao. Agai te bidada pabo sogo sesemane te da wei mu ebo dao.