Biblia Todo Logo
Bib sou entènèt

- Piblisite -




Godigo Nogi Ugwaba Sabo Tęąbi Po Wabo Buku Dabe 47:2 - Godigo dwagi yai po buku

2 Dago te Genuai Bidide wi yao, aga te Ugwade Mu Bidibo God dao. Aga te tigidali tǫde we bidi tonalubo polalubo king dao.

Gade chapit la Kopi




Godigo Nogi Ugwaba Sabo Tęąbi Po Wabo Buku Dabe 47:2
18 Referans Kwoze  

Ena Genuai Bidi, eno te po wali, te tibo po wabo bidi dolaibao wali. Te tobage bidigo te wiegi yai omai kibu te banisde elalu, te enaba mawaiba po dąų wali, tiali goli agai te dwai kibugo ofa ilali. Te kolesaga dolo me ebeo, magi baso meni, ena genuai king dao, te tigidali hani bidi enade wi elama, te ena dologoba pelama bidibo dao. Tama tibaso, te wiegi yai nai naga enaba te ofa eyu mao,” Genuai Bidigo te po wai.


Tigidali we bidigo aga te polalubo king te genuai nogi elalubo homu koneaibao. Tama augwa aga genuai nogi ugwaba somainu yaibao. Aga te tedali wiegi yai mu dao.


Magi baso meni, Genuai Bidi aga te bomai God dao. Aga te bomai king, tama te tigidali tibo god daide aga ugwadu daide bidibao.


God te king bidiyu, tama tigidali tǫ pedai tonalubao. Dago te aga nogi ugwaba sabo tęąbi po wao.


Te Israelgo God te aga wiegi yai tedali bede bidibao, tama dago te Godide wi yao. Agai te aga we bidi dabeba te genuai bomo mobao. Te God nogi ugwaba sao.


“Tama tialima, dage te bidi hanide wi elamo dao. Magi baso meni, God dago Genuai Bidi dage dali bidibao. Agai bomo genuai mu elalubao, tama tigidali bidi dabe augwali agade wi mu yao.


God, nago naga te nago da te boi hwįbode ma selama, tama da bugagia bidibo dao. Nago dago gedu haluasa po wabo odao. Te nago da ma sainu yali sę te sę mu yai. Te dade te digibulu mu te tigidali tǫ habude bidibo bage dabe, tama te augwa pesageba sabolainu, te tamu ąį nogeali, augwaligo konealubo homu nageba dąų mu wabo dao.


Eno e tiwai gedu haluasa po wali, “God, Genuai Bidi, nage te dagalu tonalubo bomai bidi da, tama da Israel dabe nage dologoba pelama bidibao. Nago te dąų wali bomai po te kontrak me deli da dali yali elalubao, tama dago nage godolo mu elama, tama nago po bugagia mu wali pobaso da, teda nago te dąų walali bomai po kontrak te me tagalisiąma, tama nago da godolo mu ebo dao.


Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.


Tama te we bidi augwaligo nago bomo yai sę ebo po weyu, te bidigo isiąbo sę naga dao, tama eno nago genuai sę yali po pusaibao.


Agai te hagoma ebo king dabe te aiyaba elalueibao. Agai te tǫde king dabe te wi mu ilibo dao.


“Te dagego Godigo tigidali po e bukude elalubo te po dabe sese bugagia wali pelama, tama dagego Genuai Bidi dago Godigo nogi bugagia ugwaba sela musiąwani da, te tama tiaibao.


Swiv nou:

Piblisite


Piblisite