Godigo Nogi Ugwaba Sabo Tęąbi Po Wabo Buku Dabe 46:8 - Godigo dwagi yai po buku

⁸ Ae, tegobao! Dagego te Genuai Bidigo yali sę suagasao. Te dagego haliga te agai te tǫde gasa tobage bomai sę hauwa ebaso, midigi saibao.

Godigo Nogi Ugwaba Sabo Tęąbi Po Wabo Buku Dabe 46:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 66:5

Dage aselama, te Godigo yali sę suiąo. Te genuai genuai sę dabe agai te we bidi dabe tomode yai dao.

Aisaia 24:1

Genuai Bidigo tǫ mu dolama, tama tǫ olo mu elaluaibao. Agai te tǫ agalama, tama tǫ bebegelama, tama te tǫ gasagi yai mu pedalaibao. Tama agai te we bidi dabe subigila wi tedela pomainu yaibao.

Aisaia 61:4

Te dage we bidi dabego te polobadu dolali taun ma nigiyu, tama dagego te kibu be hauwa dolai elaluali nai tigidali ma dodolaibao.

Ma Dobola Sali 12:30

Tama te sogo hulide naga, te tuni bidi aga dali, gavman sę ebo bidi dabe me, tama te Isip we bidi tigidali, augwali hodaloama, te wai dabe isai suai. Tama Isip tǫ tigidali habu badu tigidali we bidi genuai gela ola pali, magi basowe, tigidali be deli delide wai ogwa isasa pai.

Josua 11:20

Magi baso meni, Genuai Bidigo digi te hani dabe homu hodolubo sę ilama, te Israel hani dali hwįmainogo ilali. Agai homugo te Israel dabego augwali te homu dene eyu, olo tau sabo homu kolesaga wiegi yai yabo homu munu me egobeo. Menio. Te augwaligo tigidali ela silaibao. Augwaligo te Genuai Bidigo te Mosesbolo polobadu mani po wali palio.

Israel Hanigo Namba 23:23

Ma, te boi bidi dabego pobi weyu, me kebele aulama augwali elali da, tego augwali me dologobeo. Tama tialima, megi te gasa we bidigo te Jekopgo hani dabede te po waibao, ‘Te Godigo Israel bage augwali tau sainogo genuai sę dabe mu yali suao.’

Ma Dobola Sali 10:7

Tama te tuni bidi aga dali gavman sę ebo bidi dabe augwaligo te tuni bidi dali te po wai, “Odao. Nisu naga sogo dabolo te sęgę mabo bidi da tomode me bidaibawe? Te we bidi dabe naga te augwali te augwa God Genuai Bidibolo lotu wagi peyu pomainao. Nago te Isip tǫ dolali susiąma ebawe?”

Israel Hanigo Namba 14:9

Dagego te Genuai Bidi dali dwai homu elama, agai po sela sąyu elama, tobolu gagea pigimio, tama dage te ude bidibo we bidi dali wi igimio. Magi baso meni. Augwali te dago bulu hasa tiwai dao. Dago augwali aiyaba elalubo bomai sę me egobeo. Magi baso meni. Genuai Bidi da dali bidiyu, agai augwaligo augwa tonalubo tibo god dabe polo dolalio. Tialima, augwalide wi igimio,” te bidi sigo te po wai.

Bomai Po 20:1

Tama Mosesgo po wadolama weyu, te po wali, “Te dage te boi hwįgi pabo sogo, te dagego duga boi bidigo te karis me hos kibu elalubo suyu, me augwa ami bidi nambago dage edelai baso da, tagalao, dage wi me elamuo, augwalide. Magi baso menio. Genuai Bidi, dago God, agai dage Isip bulude selama, tama dage odasa asai dao. Aga digi dage dali bidaibao.

Godigo Nogi Ugwaba Sabo Tęąbi Po Wabo Buku Dabe 59:10

Te eno God agai ena wei eyu, godolo mu elama, tama aga aselama, ena tau sagasali. Godigo te agai eno boi bidi dabe te aiyaba elalubo te enabolo sumainu yaibao.

Godigo Nogi Ugwaba Sabo Tęąbi Po Wabo Buku Dabe 146:5

Te bidi me deligo te Jekopgo Godiba homu kęą pelama, te agai aga tau siyu, te God dali kęą pelama, te aga Genuai Bidi da homu eyu da, teda aga pemene emainao.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Aisaia 8:10

Duga homugo mena sę yabo homu yali po duga maiąo. Tiali goli, dagego te sę ebo usu egobeo. Dagego te po da, aga nai meni yaibao. Magi baso meni. God da dali bidibao.