Godigo Nogi Ugwaba Sabo Tęąbi Po Wabo Buku Dabe 46:6 - Godigo dwagi yai po buku

⁶ Te haniani tǫ pedai kantri we bidi hani dabe augwali dwai midigi selama, tama hwįyu dali yai, tama te king dabe dali, te augwa we bidi dabe me, te augwali dolaibao. Godigo genuai po dągą mu obaso, tama tǫ te olo wę tiwai pedelaibao.

Godigo Nogi Ugwaba Sabo Tęąbi Po Wabo Buku Dabe 46:6 Referans Kwoze

Amos 9:5

God, Tigidali Bomo Elalubo Genuai Bidigo, agai nogogo te tǫ diąnubaso, te tǫ memenege yaibao. Tama tigidali tǫde bidalubo we bidi, augwali te haliga sęgę elama, gela waibao. Tigidali pedai badu tǫ te ugwaba samanu posogą palama, te ma degasa dulaibao, te wę asobogo te wę Nail ge bo delama, te nosali ma keka sabo tiwai yaibao.

Nahum 1:5

Tigidali bulu du te Genuai Bidigo gesabidide mumunu elama, te olo wę tiwai me pedelali. Te Genuai Bidi sabalubo sogo tǫ te mumunu yai, te tigidali we bidi me mumunu elama gęo page ebo dao, wali.

Maika 1:4

Tama te bulu du dabe te aga sągą dologode ąį tiwai pedelaibao, te ula ebo nai kandel te ula eyu, te aga ili te wę pedalubo tiwai yaibao. Te bulu du dabe te odogo malu tǫ pesageba te gea paliyu, te bulu dudu wę sąbo samanobo tiwai yaibao.

Joel 2:11

Genuai Bidigo te aga ami bidi dabeba i bomonama wali, te agai pedauwalide te dagalu kulukulu wabo tiwai yali. Te agai po wali pabo bomai ami hauwa elaluali. Idaya, tegobao! Te Genuai Bidigo bodolu side te dwai mu dao. Tialima, de aga te bugagia bidiyu, te aga me dologobe dawe?

Godigo Nogi Ugwaba Sabo Tęąbi Po Wabo Buku Dabe 18:13

Tama Genuai Bidigo te dagalude bomonama mu i weyu, te pǫ kulukulu wabo tiwai yali. Tama te bidi dabego te Ugwade Mu Bidibo Godigo i wabo odali.

Amos 9:13

Genuai Bidigo te Israel we bidi dali te tiwai po wali, “Me sogo deli pedalubo si da, teda te gide bulali nai dabe polo holama, te hauwa mu walaibao, te bidi dabego tigidali sela silabo usu egobeo. Te wain ni dabe polo mu holama, te nai umabo walaibao, tama te wain wę nigibo bidi dabego te silabo sę ebo usu egobeo. Tama te we bidi augwa pusu yai wain hauwa elalu, te bulu dude wę pągąnama, te aiyaba gealubo tiwai mu yaibao.

Amos 1:2

Te Amosgo e bukude wabo po page e tiwai dao, Genuai Bidi te Saion bulu dude bidiyu, te agai i hai genuagia mu udubao. Awe, aga tede te Jerusalem moni taunde bidiyu, sębę ebaso, te agai dogonigo hwą bomonama obao. Tama tibaso, te sipsipgo tuabo wiegi yai nosai dabe sasia pobao, me te Karmel bulu dude elalubo ni yabe dabe, tigidali wa pobao.

Jeremaia 25:30

“Jeremaia, nago eno nagebolo te mani po tigidali pusao. Nago te we bidi dabeba te tama po walao, ‘Genuai Bidi aga bulu dagalude digi bidama, tama aga we bidi dabeba genuai po dagą mu waibao. Awe, aga gasagi yai tedali bulude bidiyu, tama agai i wabogo dogoni te be kulukulu wabo tiwai yaibao. Agai te tigidali tǫde we bidi i bomonama weyu, te bidigo te wain wai agawaide i wabo tiwai yaibao.

Godigo Nogi Ugwaba Sabo Tęąbi Po Wabo Buku Dabe 97:5

God te tigidali tǫgo Genuai Bidi dao. Aga asobaso, tama te bulu du dabe te wę tiwai pedelaibao.

Godigo Nogi Ugwaba Sabo Tęąbi Po Wabo Buku Dabe 68:33

Agai te dagalude bilibao, tama te dagalu polobadu digi elaluai. Odao. Godigo te be kulukulu wabogo i bomonama mu wabo dao.

Godigo Nogi Ugwaba Sabo Tęąbi Po Wabo Buku Dabe 68:8

Te sogo te tǫ gęǫ elama, tama tulubage genuai aiyaba tulali, magi baso meni, God, nage asalio. Mu tama, te da Israel dabego God nage asobaso, tama te Sainai bulu du gęǫ umabo mu yai dao.

Tuni Bidi Dabego Po Elalubo Buku Si 20:1

Nosali te Moap hani ebadi, me Amon hani ebadi, me te gasa bidi hani me augwali Amon hani tomode bidai hani, augwali Juda dabe dali boi hwįagasali.

Josua 2:24

Tama te bidi sigo Josuabolo te po wai, “Mu tamao, Genuai Bidigo te tǫ tigidali da nogoba mawaibao. Awe, te tǫ tolalubo tuni bidi aga we bidi tigidali dade te dwai wi mu ebo dao,” wali.

Josua 2:11

Dago te po odolama, tama da dagede wi mu ebao. Tama megi, da tigidali bomo menio. Magi baso meni, God, dagego Genuai Bidi, aga te dagalu de tǫ sigo God dao.

Josua 2:9

tama augwali sibolo te po wai, “Eno koneani, Genuai Bidigo e genuai tǫ te dage Israel dabego nogoba mawainogo ebao. Tama eno po dolo mu dage sibolo obao. Da tigidali dagede wi elama, tama da didibili dwai mu ebo.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Bomai Po 7:21

“Tama tialima, dage te bidi hanide wi elamo dao. Magi baso meni, God dago Genuai Bidi dage dali bidibao. Agai bomo genuai mu elalubao, tama tigidali bidi dabe augwali agade wi mu yao.

Te Israel me Juda Hani Sigo Tuni Bidigo Po Elalubo Buku Si 19:34

Eno tama tiwaibao, magi baso meni, eno ena genuai nogi tobade, tama me te polobadu eno sę bidi Devit dali po dąų wali po tobade tama tiwaibao.’” Aisaiago te Genuai Bidigo te tama wali po te king Hesekiabolo pusa mani.

Godigo Nogi Ugwaba Sabo Tęąbi Po Wabo Buku Dabe 125:1

Te Genuai Bidiba homu kęą pali we bidi dabe, augwali te Saion bulu du tiwai dao. Te bulu du mumunu me isiąma, tama aga page dąų mu elalubao.

Aisaia 31:5

Te ba dabe augwali ugwadu bola biliyu, augwa wai dabe bugagia tonalubo dao. Te tama tiali goli, ena Tigidali Bomo Elalubo Genuai Bidigo da, teda eno Jerusalem bugagia tonaluaibao. Te tigidali sogo ena augwali pagede bidiyu, tama eno augwali ma oda selama, tama eno aga bugagia tonaluaibao.” Te po wali.

Aisaia 33:20

Dagego Jerusalemba toniąo. Te da dago genuai hanu, te da tigidali genuai lotu po wabo sogo dabe sisinagasabo hanu dao. Te da te da bugagia bidiyu, toma tuyu ebo bulu dao. Aga te sel ugwa be te bidi dabego bono togolama, ni dabe gudasa, pisąma yabo sel be tiwai dolaluaibao.

Esekiel 48:35

Tialima, te taun sese bagua sali obo te bobobage dąį te 9,000 mita usu nama dao. Tigidali sogo augwaligo te taun nogi e tama nogi eyu yaibao, ‘Genuai Bidi ede bidibao,’ te nogi waibao,” Genuai Bidigo te po wai.