Godigo Nogi Ugwaba Sabo Tęąbi Po Wabo Buku Dabe 46:3 - Godigo dwagi yai po buku

³ Tama genuai tamu ąį te bomonama, kulukulu weyu, tama pepeda pelama, tama te dini pedaliyu, tama genuai tamu ąį bǫį samanu, tama te bulu du dabe degelaibao. Te tobage genuai sę pedaligi sogo da, teda da wi munu me igi meni.

Godigo Nogi Ugwaba Sabo Tęąbi Po Wabo Buku Dabe 46:3 Referans Kwoze

Jeremaia 5:22

Magi baso dage enade wi elama, midigi ebo meniwe? Eno te nambis wę sane muani, te tamu ąįgo dąį tiwai nigilali, tama te nambis ąį sane te sesemane te obo tiwai elalubao. Te genuai si pedalu, te bomonama bugusu obadi, agai te dąį ilali me bogi soagobeo.

Nahum 1:5

Tigidali bulu du te Genuai Bidigo gesabidide mumunu elama, te olo wę tiwai me pedelali. Te Genuai Bidi sabalubo sogo tǫ te mumunu yai, te tigidali we bidi me mumunu elama gęo page ebo dao, wali.

Maika 1:4

Tama te bulu du dabe te aga sągą dologode ąį tiwai pedelaibao, te ula ebo nai kandel te ula eyu, te aga ili te wę pedalubo tiwai yaibao. Te bulu du dabe te odogo malu tǫ pesageba te gea paliyu, te bulu dudu wę sąbo samanobo tiwai yaibao.

Kraisgo Geme Dualali Sę Pedelabo Po Jonbolo Ola Mani 16:20

Tama te tigidali dwasianu tamu ąį tomode elaluali ailan bulu dabe te augwali wi pela silai, tama te haniani tǫde elalubo bulu du tigidali augwali tedela pali.

Matyu 7:25

Tama tulubage tuluyu, tama wę bomo yai asiyu, tama bomo yai wali pedaliyu, tama te nai dabego te be degelainogo yai dao. Tiali goli te be aga degebeo. Magi basowe, te be dąų mu walali te tǫ tomode genuai genuai masigiba dąų mu wai dao.

Aisaia 5:3

Tama tibaso, eno abagigo te po wali, “Dage Juda we bidi, me Jerusalem hanu we bidi, dagego enabolo walao. Te dego tiabo sę yaliwe? Enawe? Ma, eno wain gigo dawe?

Godigo Nogi Ugwaba Sabo Tęąbi Po Wabo Buku Dabe 18:4

Te pąde ena isainu yai, tama te bonogo ena bomonama kęnani tiwai yali. Te dwai sę ebo bidi dabego enaba bomonama hwįani, tama augwali te genuai tamu ąį sigo ena mesegelibo tiwai yali.

Jopgo Po Asęani Elalubo Buku 38:11

Tama eno tamu ąįbolo e tama po walai dao, ‘Nago genuai wę asobo dąį e tama dąį yagasao,’ po wai dao. ‘Habu seleyu, munu me e dąį me bolamo,’ po wai dao.”

Kraisgo Geme Dualali Sę Pedelabo Po Jonbolo Ola Mani 17:15

Tama te ensel mobo bidigo enabolo te po wali, “Nago te genuai ąį dabe, te ąį daide ugwadu te penani we dulalubo suali. Tama te ąįde po digi po begelama wali te po page e dao: te ąį wali da, te haniani genuai tǫde bidibo we bidi me, te tigidali hani we bidi me, tama te tigidali haniani tigi yai me, te tigidali haniani po wabo bidi hani me, augwali te genuai ąį dabe elalubo tiwai dao.

Jeremaia 4:24

Te eno suali, te bulu du dabe gęǫ page mu elama, te augwa tobolu ugwa peyu, eda asu yalio.

Te Israel me Juda Hani Sigo Tuni Bidigo Po Elalubo Buku Deli 19:11

Tialima, Genuai Bidigo agabolo te po wali, “Nage te buluba eda teda solama, te eno gesabidide bulu duba doligi soao. Magi baso meni, ena te bulu du pąba aselama paibao,” wali. Tialima, bomai wali me deli asama, te Genuai Bidigo bomode, te waligo te bulu du dabe masigi me pepeda sąwai. Tiali goli, Genuai Bidi aga digi te walide me bidisiąwai. Tialima, wali silama, te tǫ mali pedelali, tiali goli Genuai Bidi te mali ebo tomode me bidibeo.

Aisaia 54:10

Te bulu du dabe pedasa pelama, degaibao, tiali te eno nagede homu godolo ebo te sesemane sogo elalueibao. Te da si bugagia dugulalu, te eno bugagia bidabo sogo maiabo po weyu, te dąų walali bomo yai po te eno me bologobeo. Ena Genuai Bidi, te eno nagede homu dene mu eyu, te nage godolo homu mu yai, eno te sę dabe yaibao te po nageba wai dao,” wali.