Godigo Nogi Ugwaba Sabo Tęąbi Po Wabo Buku Dabe 45:8 - Godigo dwagi yai po buku

⁸ Te nago gudubo bobage ugwade te wiegi yai denami ebo haniani nai, te sanda tiwai mea, me kasia te denami elalubao. Augwaligo te kingo be te haniani au ilibo naigo te au ilali, augwa te elefan kelego nigali, tama augwa te nage wiegi yai homu pemene ilibo musik weyu ebo dao.

Godigo Nogi Ugwaba Sabo Tęąbi Po Wabo Buku Dabe 45:8 Referans Kwoze

Solomon 1:3

Nago tigi denami wiegi yai ebao. Eno nago nogi odolama, te ena wiegi yai pemene ebao, te eno denami ebo sandade wiegi yai pemene ebo tiwai yali. Te we dabe sibi augwaligo nage godolo mu ebo dao.

Dwagi Yai Gesi Po Jongo Asęani 19:39

Te bidi me, agai nogi Nikodemus, te bidi polobadu hasia Jisas bidibo digi hulide asali bidi, aga me asai. Agai te ni kaneme si taluama sesai, te dwagi yai denami ebo nai dao. Tama te nai dila pai nai mu dao, abelabo mone genuai mu dao.

Solomon 4:6

Nage te denami ebo wiegi yai nai dabego te bulu du me delide pągąnąlubo tiwai dao. Tama ena te bulu duba bidigi pelama bididubadi, te giliga dega sigulama, te bulu kedau ebo sogoba usu naibao.

Matyu 2:11

Tama augwali te be tomoba pelama, tama augwaligo te wai aga ida Maria dali suai. Tama augwali tobolu basi gulama, tama kidu sugunama, te waiba lotu po wai. Tama augwaligo augwa wa dabe dalama, tama augwaligo te waibolo wiegi yai nai meba olo mawai, te kapa nogi gol me, te wiegi yai denami ebo pauda nai me, te tigide wiegi yai denami ilibo nai, te tama nai te wai olo mawai.

Solomon 5:1

Eno we, nage eno hobolu du mu da, ena te ena giba asalio. Tama eno te wiegi yai denami ebo nai dabe sisinagasali. Eno te wiegi yai pusu yai nai hani tuali. Te eno ame pę me wain dali tuali. Dage si abagi wali wiegi yai mu da, dage si nai me ąį tuao, dage si mu pągąną pao.

Godigo Nogi Ugwaba Sabo Tęąbi Po Wabo Buku Dabe 16:11

Nago digi ena te bidibo ula te tų ola mawai. Nage ena dali pąde bidibaso, nago te eno dwagi yai homu mu ebo dao. Tama nago ena sesemane bidada pabo sogo tau sabo, eno dwagi yai homu mu ebo dao.

Hibru 12:2

Tama tiyu dago gedugo Jisasba naga tonono iyąo, aga te dago agade konealubo po dąų wabo kolesaga page bidi, tama nosali agai dago agade tią pabo kolesaga ebo mu usu naibao. Polobadu Jisas aga homugo te wiegi yai homu pemene yabo sę te nosali sabo homu elama, tama aga bomo elama bidali, tama aga dene bugagia tolama aga ni pedaide isai. Agai homugo te ni pedaide hale sabo te olo nai tiwai da, te homu yai. Tama megi da agai genuai nogi elalubaso, aga te God dulalubo sia saide te dolo nogo badude megi dulaluyu bidibo dao.

Dwagi Yai Gesi Po Jongo Asęani 14:2

Eno Ayago be tomode dąį habu togwali te bidibo madigi hauwa elalubo. Te tiwai elalugi menigi sogo da, te eno dagebolo te po wagi menio. Eno dage bidabo bulu dodoligi pobao.

Amos 3:15

Te eno te bidi dabe augwa te kedau sogo bidainu sę yani wiegi yai be dabe dolaibao, te augwa giliga posolo ebo side bidainu sę yani, te tobage sawi yai be me dolaibao. Te be dabe augwa te moni hasa elefan kelego au ilali, augwaligo te tigidali alulama, olo nai hogomu tiwai pedelaibao. Te tigidali genuai be dabe me mu dolaibao,” Genuai Bidigo te po wai dao.

Solomon 5:13

Te agai naboge badu tobolu nisi te wiegi yai, te gide wiegi yai denami yai plaua dabe elalubo tiwai yalio. Agai pedauwali te sawi yai plaua tiwai elaluali. Agai wabo po wiegi yai mu ebaso, te denami ebo wiegi yai sanda tiwai elalualio.

Solomon 5:5

Ena hodalu, sunumi dawainu yali. Eno nogo te sunumide daganani uga tola siyu, eda tola siyu ebo nai handelba nogo diąbadi, tama ena nogode elaluali te sandago te sunumide daganani nai handelde te sanda dagana sali.

Solomon 3:6

Magi naigo te wa pai bulude bidali tagalama, asaliwe? Augwaligo te denami wiegi yai ebo tobage plaua dabe ulubo sogo pedalubo hano tiwai nai pedelali. Te aga denami ebo te bisnis bidi dabego te mone sabo paudago denami ebo tiwai yali.

Solomon 1:13

Eno abagi, eno godolo mu ebao, pauda me deli wiegi yai denami ebo tiwai ebaso, te ena baude ugadu pila mubao.

Godigo Nogi Ugwaba Sabo Tęąbi Po Wabo Buku Dabe 150:4

Te tamborin eliyu, te tęąbi weyu, tama aga nogi ugwaba sao. Te gita eliyu, tama te ona eliyu, tama aga nogi ugwaba sao.

Te Israel me Juda Hani Sigo Tuni Bidigo Po Elalubo Buku Deli 22:39

Te king Ahapgo gasa sę dabe tigidali yali po, te tiwai nogi wabo bukude te po elalubo, Te Israel King Dabego Yali Sę Po Buku Dao. Te bukude te wiegi yai genuai be agai sęnama, te elefan hasa kelego au ilali po wali, te me agai te taun dabe obo masigi banis dąų walobo sę me yali po wai dao.

Godigo Nogi Ugwaba Sabo Tęąbi Po Wabo Buku Dabe 45:15

Augwali te wiegi yai haliga pemene elama, tama augwa te kingo wiegi yai genuai be tomoba palio.

Godigo Nogi Ugwaba Sabo Tęąbi Po Wabo Buku Dabe 11:7

Genuai Bidi aga dwagi yai dolo mu dao. Tama agai te dwagi yai kolesaga ebo we bidi godolo mu ebo dao. Bidi augwaligo agai po wali pabo bidigo aga gesabidi sueibao.