Godigo Nogi Ugwaba Sabo Tęąbi Po Wabo Buku Dabe 45:1 - Godigo dwagi yai po buku

¹ Te wiegi yai po hauwa eno homude elalubao. Eno te tęąbi po asęnama, te kingba mawainu yali. Eno pedauwali da, te wiegi yai kuskus bidigo te po asębo hoda pen tiwai dao.

Godigo Nogi Ugwaba Sabo Tęąbi Po Wabo Buku Dabe 45:1 Referans Kwoze

Godigo Nogi Ugwaba Sabo Tęąbi Po Wabo Buku Dabe 49:3

Eno homu kolesagade wiegi yai kolesaga koneama,. tama eno dwagi yai po dagego konemainogo pusubao.

Jopgo Po Asęani Elalubo Buku 33:3

Tama eno te pusubo pogo nage e tama megi ola mawaibao. Ena Godigo gedude doloba pai bidi dao. Tama eno homude yali po dolo naga pusubo dao.”

2 Samuel 23:2

“Te Genuai Bidigo Mobo Bidigo eno pedauwalide te po pusali. Eno te dagebolo wabo po te agai enabolo pusa mani.

Bugagia Bidibo Kolesagade Po Asęai Buku 16:23

Te wiegi yai homu elalubo bidigo, agai te hasia bolo bugagia homu kone palama, tama nosali agai wiegi yai po waibao. Tama tebogo te bidi dabego agai po odabo godolo homu yaibao.

2 Pita 1:21

Magi basowe? Polobadu bidi me deli aga homugo digi te Godigo po pusubo profet dabego wabo po munu me pedalobeo. Menio. Godigo Mobo Bidi aga digi te bidi dabe homu hodolobaso, tama augwaligo te Godigo augwalibolo mani po pusai dao.

Aisaia 5:1

Eno ena abagi me delide balia po waibao. Te baliago aga wain gi po pusali. Te ugwadu bulu du dwasianu mede tǫ ili hauwa me elaluali. Tede eno abagigo wain gi tede yali.

Godigo Nogi Ugwaba Sabo Tęąbi Po Wabo Buku Dabe 69:1

God, ena tau sao. Wę te pedelama, te eno dogoniba usu igulalio.

Jopgo Po Asęani Elalubo Buku 34:4

Tama da dena digi dena wali po osola sumainao. Tama dago koneaibao, mena po dwagi yai doloba pai yaliwe waibao,” wali.

Efesus 5:32

E po tomode te genuai geme po digi po page tede elalubo. Tama ena digi eno homugo te Krais dali aga we bidi dali po page hanilibao.

Matyu 27:37

Te aga tobolude ugwadu augwaligo aga te po tų ilali po asęai. Augwaligo e tiwai po asęanio: ‘Te e bidi Jisas, te Juda dabego tuni bidi dao.’

Solomon 1:12

Eno king bidi aga betide pila muyu, tama agai eno au yali wiegi yai sanda denami odobao.

Godigo Nogi Ugwaba Sabo Tęąbi Po Wabo Buku Dabe 2:6

Tama te agai augwaliba te tama po obao, “Ena eno te bidi me deli nigilama, te king bidimainu yai, tama eno aga te Saionde munama bidimainu yali, te eno tedali gasagi yai wiegi yai bulu du dao,” agai te po obao.

Esra 7:6

Esrago te bomai po Godigo te Israelgo Genuai Bidigo polobadu te Mosesgo nogoba mani bomai po te bugagia koneai. Te sesemane sogo Godigo Esraba wiegi yai sę bugagia yali, tama te Esrago kingba te magi nai me deli maiabo po hanalu obaso da, teda te kingo aga mawai. Te kibu be te 7 yia te Artaserksis te king bidali sogo, tialima Esrago te Babilon tagalama, te Israel we bidi dabe meba dali te Jerusalemba palio. Te hani tomode te pris dabe me, Livai dabe me, te musik wabo bidi dabe me, te tempel be sunumide polobadu tonaluali bidi hani dabe me, te Godigo bede sę ebo bidi dabe, te tama hani bidi elaluai.

Matyu 25:34

Tama te tuni bidigo aga dolo nogo badu bidibo bidi dabebolo po weyu, te po waibao, ‘Dage da, te eno Ayago dage dali wiegi yai sę mu yai dao. Polobadu mu agai te tǫ nigali sogode agai we bidi tonalubo kolesaga sisi ilama, tama tede dage bidabo madi sisi ilali elalubo. Dage aselama, te bulu tomoba dage asiąo.

Matyu 12:35

Wiegi yai bidigo homude te wiegi yai po hauwa elalubo dao. Tama agai kolesaga wiegi yai pedalobo dao. Bidi dwaigo agai homude dwai homu kolesaga hauwa elalubo dao. Tama tiyu, agai dwai kolesaga pedalobo dao,’ wali.’

Godigo Nogi Ugwaba Sabo Tęąbi Po Wabo Buku Dabe 80:1

Te Israel dabe tonalubo bidi, nago te naga sipsip dabe da bilibo dodolobo dao. Te dago gela wabo odao. Nage te ensel dabe daide ugwadu king bidibo dao.

Godigo Nogi Ugwaba Sabo Tęąbi Po Wabo Buku Dabe 42:1

Uni hasa te węde nogene eyu, tama te tubo dwasianu węba udua pabo dao. Tama te tiwai naga, God, eno homu wei eyu, te nage pąde bidabo homu ebao.