Godigo Nogi Ugwaba Sabo Tęąbi Po Wabo Buku Dabe 42:9 - Godigo dwagi yai po buku

⁹ God da, te ena seselalubo bidi mu dao, tama eno agaba te tama po obao, “Magi baso nago enaba homu kone ebo tagalubawe? Magi baso nago ena te boi bidi dabego elalumainu eyu, tama ena te haliga sęgę emainu ebawe?”

Godigo Nogi Ugwaba Sabo Tęąbi Po Wabo Buku Dabe 42:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 38:6

Eno haligade te genuai sęgę mu elama, tama ena dolobao. Te tigidali side ena homu dene eyu, tama gela naga wabo dao.

Godigo Nogi Ugwaba Sabo Tęąbi Po Wabo Buku Dabe 43:2

Magi baso meni, nage naga, nage eno God da. Ena nageba aselama, tama te dwai bidi dabede geme duala sali. Tialima, magi baso nago ena homu ebo gegeda palubawe? Magi baso te boi bidi dabego ena aiyaba elaluama, tama ena haliga sęgę dwai mu iduaibawe?

Godigo Nogi Ugwaba Sabo Tęąbi Po Wabo Buku Dabe 18:2

Genuai Bidi agai ena tau sabo da. Aga te eno bomai obo tiwai da. Genuai Bidigo ena tonalubaso, tama te boi bidi dabego ena me dologobeo. Genuai Bidi te hwįbo sabele tiwai elama, tama ena geme seselalubo. Agai te ena ma selama, tama ena tonaluabo bomo elalubo dao.

Aisaia 40:27

Dage Israel, dage te Jekopgo hani dabe, magi baso dagego po hauwa dogia pobawe, “Dago Genuai Bidigo te dago sęgę subeo,” po wai. “Te dwai sę ebo sogogo da gegali, tiali goli agai da tau sabo homu ebeo,” po wabo dao.

Godigo Nogi Ugwaba Sabo Tęąbi Po Wabo Buku Dabe 62:2

Agai deligo te ena tonalu, tama ena tau siyu ebao. Tama aga deli naga eno bomai obo elalubao. Tama tiyu, te hwįbo side ena me hagagobeo. Mu menio.

Godigo Nogi Ugwaba Sabo Tęąbi Po Wabo Buku Dabe 28:1

Genuai Bidi, nage da te ena seselalubo bidi dao, tama eno nageba i obao. Eno gela wabo odao. Te nago eno gedu haluasa po wabo wei ponisiąyu da, teda ena te isai we bidi dabe tiwai elama, tama te isali bidi dabego pesageba paibao.

Aisaia 49:15

Tiali goli, Genuai Bidigo augwaligo po wei ponoyu, te tiwai po wali, “Te idago aga digi ame nai wai homu kone ebo tagalama, te agai aga te ame mani wai homu dene ebo meni da, agawe? Te ida me deligo tama me tiabo homu yali goli, eno dage homu kone palobo me tagalogobeo. Mu menio.

Kolesaga Koneai Bidigo Pusali Po Elalubo Buku 4:1

Te tobage dolo isąwai kolesagade eno homu kone ma palali, te tǫde we bidi augwaligo ebo kolesaga da. Te dwai sę ebo bidi dabego te we bidi hauwa aiyaba elalubaso, tama te we bidi augwali dwai mu gela wali. Tiali goli, augwali tau sabo bidi meni yai. Magi baso meni, te dwai sę ebo bidi dabego bomo hauwa elalubao.

Godigo Nogi Ugwaba Sabo Tęąbi Po Wabo Buku Dabe 88:9

Ena dene tolu, tama eno gedu dolama, tama eno bugagia suabo usu isąwai. Tama tigidali sogo eno gedu haluasa po nageba weyu, te nago ena tau somainu yali.

Godigo Nogi Ugwaba Sabo Tęąbi Po Wabo Buku Dabe 78:35

Te megi da, augwaligo homugo ma koneama, God te augwa tonalubo bidi dao homu yai. Te Ugwadu Mu Bidibo Godigo agai te augwali tau sabo bidi dao.

Godigo Nogi Ugwaba Sabo Tęąbi Po Wabo Buku Dabe 77:9

Te Godigo homu kone gegeda paliyu, tama te olo tau sabo wiegi yai kolesaga dabolo me egobe homu eba, agawe? Te agai wado ebogo te olo tau sabo wiegi yai kolesaga te palia sali homu ebawe?”

Godigo Nogi Ugwaba Sabo Tęąbi Po Wabo Buku Dabe 55:3

Te boi bidi dabego ena dolabo po bomo mu yai. Te dwai bidi dabego ena aiyaba mu elalu yali. Tama tiyu, eno haliga te dwai sęgę mu yai. Augwaligo te sęgę hauwa enaba muyu, te wado po dali weyu yai, tama augwaligo enaba boi bidi mu ebao.

Godigo Nogi Ugwaba Sabo Tęąbi Po Wabo Buku Dabe 13:1

Genuai Bidi, nisu naga sogo nago te enade homu kone ebo tagalubawe? Te bidada pabo sesemane sogo usu nama, agawe? Nisu naga sogo mu nago ena sula tagalobawe?

Godigo Nogi Ugwaba Sabo Tęąbi Po Wabo Buku Dabe 92:3

Eno te wiegi yai musik te gitade weyu, te nage nogi ugwaba saibao.