Godigo Nogi Ugwaba Sabo Tęąbi Po Wabo Buku Dabe 42:6 - Godigo dwagi yai po buku

^6-7 Te boi bidi dabego ena te augwa buluba odasa asobaso, tama megi eno page bulu te digibulu mu elalubao. Tama tibaso, eno haliga sęgę mu ebao. Tama tiyu, God, eno homu kone nageba ebao. Nago te enaba te haniani genuai sęgę menama, tama augwaligo ena mesegelali, te moni soabo ąį tiwai dao. Tama te masigi yai madi soabo wę te aiyaba sabo duluyu, te węgo kulukulu umabo mu wabo dao. Te tiwai me te enaba pedelali sęgę dabego te eno homu kone tųą pali. Nago te biksi peda pomainu elama, tama pepeda pomainu yali, tama te nambisde tǫ mesegebo dao. Tama te tiwai naga nago enaba te muani sęgę tigidaligo te ena mesegelibo dao.

Godigo Nogi Ugwaba Sabo Tęąbi Po Wabo Buku Dabe 42:6 Referans Kwoze

Godigo Nogi Ugwaba Sabo Tęąbi Po Wabo Buku Dabe 61:2

Ena te ena bulu pesage digibulu bidibao, tama eno haliga te sęgę mu ebao. Tama tibaso, te eno nageba i weyu, te nago ena tau somainu ebo dao. Nago ena te geme dualabo pesage me deliba odasa pobaso da, teda te boi bidi dabego ena me dologobeo.

Jona 2:7

Genuai Bidio, ena kone palali, te ena isabo homu yai, tama nage eno homugo ma koneani. Tama eno gedu haluasa po wali, te po nago genuai tempel lotu beba pedelalio.”

Godigo Nogi Ugwaba Sabo Tęąbi Po Wabo Buku Dabe 43:4

Tama tialima, ena te God, nago alta sai teba paibao. Magi baso meni, nago ena wiegi yai haliga iliyu, te pemene ilibo dao. Nage eno God da, te eno gita selama, te musik weyu, tama nago nogi ugwaba sabo tęąbi po naga waibao.

Godigo Nogi Ugwaba Sabo Tęąbi Po Wabo Buku Dabe 22:1

Eno God, eno God, magi baso nago ena tagaluwe? Magi baso nago ena tau sisąma ebawe? Magi baso eno gela wabo nago odobewe?

2 Samuel 17:22

Devitgo te po wabo oda selama da, teda polo tama mu te aga hani selama, tama augwa te wę Jordan nogelama, u badu palio. Tama be posobode, tigidali pela silalio. Te me deli tede me bidibeo.

Matyu 27:46

Tama be pio ebo pąde Jisasgo i bomonama weyu, te po wai, “Eli, eli, lama sabaktaniwe?” Te po page e tiwai dao: “Eno God, eno God, magi baso nago ena tagaluwe?”

Matyu 26:39

Tama aga dwasianu gana obaba pelama, tama aga pabo gesabidiba degasa dulama, tama gedu haluasa po weyu, bomonama te po wai, “Eno Aya, te usu da wida, teda nago enade te elalubo kap dagala sąyao. Tiali goli nago eno homu kolesaga wali me pelamuo. Menio. Nago naga homu kolesaga naga wali pao,” wali.

Godigo Nogi Ugwaba Sabo Tęąbi Po Wabo Buku Dabe 133:3

Te deli haliga ebo kolesaga te hulide genuai wę segeni te Hermon bulu duba, me te Saion bulu du dabeba tulalubo tiwai ebao. Te bulude Genuai Bidigo te bidi dabe bugagia mu te deli haliga elama, bidimainu ebo dao. Agai augwaliba te bugagia mu bidada peyu, bidada pabo ula augwaliba mawaiba.

2 Samuel 17:27

Tama Devit te Mahanaimba sabaligi pabo sogo, te bidi selago agaba gesabidi deliba unulagasali. Te augwa nogi te tama. Sobi, te Nahasgo ogwa. Sobi te Raba hanu bidi, te Amon bulu tǫ pedai bidi dao. Tama Makir, te Amielgo ogwa dao. Makir aga te Lodebar hanu bidi da. Tama Barsilai, te Rogelim hani bidi, te Gileat bulu tǫ pedai bidi dao.

Godigo Nogi Ugwaba Sabo Tęąbi Po Wabo Buku Dabe 43:5

Magi baso ena haliga sęgę sesemane sogo elalubawe? Magi baso eno haliga dwai midigi sobawe? Eno konealubo homu Godiba dąų weyu, tama te agai ena tau sabo tonalueibao. Aga te eno God da, tama ena tau sabo dao. Tama tiyu, eno aga nogi ugwaba ma saibao.