Godigo Nogi Ugwaba Sabo Tęąbi Po Wabo Buku Dabe 40:9 - Godigo dwagi yai po buku

⁹ Genuai Bidi, eno te nago bukude po pusubo sę te nago we bidi dabe sisinibo tomode wai dao. Eno te tama po wai, “Genuai Bidigo te da ma sabo dao.” Genuai Bidi, nago koneani, eno te po sesemane pusaibao. Eno pedauwali me pania sogobeo.

Godigo Nogi Ugwaba Sabo Tęąbi Po Wabo Buku Dabe 40:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 22:25

Te lotu wainu sisinibo genuai pesagede te eno nago nogi deli naga ugwaba saibao, te nago ebo sę tigidalide te tama tiaibao. Te polobadu eno yaibao po dąų wali ofa, te eno te nagede wi ebo we bidi gedude yaibao wali.

Godigo Nogi Ugwaba Sabo Tęąbi Po Wabo Buku Dabe 119:13

Nago bomo yai po tigidali dabolo pusa mabo po, eno te we bidi augwaliba te po nedama, tama te po augwa homude dąų omainogo tiaibao.

Godigo Nogi Ugwaba Sabo Tęąbi Po Wabo Buku Dabe 22:22

Nago tama tiwai ebaso da, teda eno te ena hani bidi dabebolo nago yali sę po pusaibao. Augwali te lotu weyu, deliba sisinibo side, tama eno nago nogi te augwali tomode ugwaba saibao.

Hibru 2:12

Te Jisasgo da “ama” wabo pode augwaligo polobadu e po bukude asęai dao, “God, eno nago nogi te eno ama dede augwalibolo pusaibao. Awe, te eno nago nogi ugwaba sabo tęąbi weyu, te genuai po miyu sisinibo madi tomode te po pusaibao.”

Godigo Nogi Ugwaba Sabo Tęąbi Po Wabo Buku Dabe 35:18

Te nago tama tibaso da, te eno nageba usu da wabo po te hauwa we bidi sisinibo tomode te po waibao. Mu tama, te eno nago nogi te genuai hani we bidi tomode ugwaba saibao.

Josua 22:22

“God te tigidali bomo elalubo! Agaduba deli naga te Genuai Bidi dao! Te dago magi baso te sę yali, te agai koneani. Tama dago homugo te dagego me konemainogo yaibao! Te dago Genuai Bidigo po sela sąnama, tama dago agai bomai po wali pisąwai baso da, teda dagego da te bidibo ula elalu bidimainu me gogolamu dao!

Dwagi Yai Gesi Po Jongo Asęani 21:17

Tama bidama gana, tama sela sogo agai Pitabolo te po ma hanalu wai, “Saimon, nage Jongo ogwa dao, ena da nago abagi dawe?” Tama agai Pita dali sela sogo “Ena da nago abagi dawe?” obaso, Pita aga homu sęgę yai. Tama Pita agai Jisasbolo te po wai, “Genuai Bidi, nago tigidali nai koneai dao. Tama nago koneai dao, nage eno abagi dao,” Pitago te po wai. Tama Jisasgo agabolo te po wai, “Nago enabolo homu muani we bidi augwali eno po nago augwalibolo ola mao.

Godigo Nogi Ugwaba Sabo Tęąbi Po Wabo Buku Dabe 139:2

Nago te eno ebo sę tigidali mu konea pali. Nage digibulu bidibao, tiali goli nago eno homu kolesaga tigidali konea pai dao.

Godigo Nogi Ugwaba Sabo Tęąbi Po Wabo Buku Dabe 37:31

Te Godigo bomai po aga homude elalu, tama agai God wali peyu, tama te bomai po me tagalogobeo.

Jeremaia 31:33

Tialima, eno te Israel we bidi dali dąų wainu ebo bomo yai po e tiwai elalubao. Te eno bomo yai po augwaligo homude munama, te augwaligo haligade te bomo yai po asębo tiwai yaibao. Te ena augwaligo God bidiyu, te augwali eno we bidi hani dabe bidalueibao.