Godigo Nogi Ugwaba Sabo Tęąbi Po Wabo Buku Dabe 39:7 - Godigo dwagi yai po buku

⁷ Tiali goli, Genuai Bidi, megi eno magi nai tonalubowe? Menio. Eno konealubo homu nageba dąų weyu, tama nago naga ena tau sabo tonalubao.

Godigo Nogi Ugwaba Sabo Tęąbi Po Wabo Buku Dabe 39:7 Referans Kwoze

Polgo Po Pas Rom Dabeba Asęani 15:13

God da, aga te dago homu agaba tialuama tama dwagi yai homu eyu te agai dabolo nosali yabo sę tonalubo kolesaga page bidi dao. Tama eno gedu haluasa po weyu tama wabo dao, “God, te Rom bulude bidibo we bidi augwaligo nageba te konealubo po dąų wali dao. Tama tebogo nago augwali wiegi yai homu pemene genuai elama, tama nagame yai homu te augwaliba pedalama tama pągąnalumainogo yao, te eno homugo dao. Tama nago Tedali Mobo Bidigo bomogo augwali tau siyu tama augwaligo te nago nosali yabo sę bugagia tonalubo kolesaga te geninama mu pedalomainao,” eno te tobage po te Godibolo hanalu wabo dao.

Godigo Nogi Ugwaba Sabo Tęąbi Po Wabo Buku Dabe 38:15

Tiali goli, Genuai Bidi, eno konealubo homu nageba dąų wali. Genuai Bidi, nage eno God da, te naga digi enaba te po wei ponomainu yaibao.

Godigo Nogi Ugwaba Sabo Tęąbi Po Wabo Buku Dabe 119:81

Nago ena ma sogowe weyu tonalu, te ena haliga sęgę mu ebao, tama eno bomo tigidali silibao. Tiali goli, eno nago pode konealubo homu dąų wai mu elalubo dao.

Godigo Nogi Ugwaba Sabo Tęąbi Po Wabo Buku Dabe 119:166

Genuai Bidio, te nago ena ma sogowe weyu, te nage eno tonaluyu, te nago po weyu, nago enabolo yao wali kolesaga eno ebao.

Tigidali Nai Gagalama Nigali Side 49:18

“Yawe, nago ena tau somainu eno nage tonalubo dao.”

Jopgo Po Asęani Elalubo Buku 13:15

Eno gasa nai me tonalubeo. Ma, tama Godigo ena elama, isiliyu da, teda aga homugo naga dao. Tama tiali goli, hasia eno agai gedu e tama ola mawaibao, eno dwai sę me ebeo.

Dwagi Yai Gesi Po Lukgo Asęani 2:25

Te sogo bidi me nogi Simeon Jerusalemde bidalio. Te aga doloba pai kolesaga eyu, te Godiba lotu wabo bidi bidai dao. Aga te Israel dabe tau sabo bidi asobo tonaludu gesege yai dao. Godigo Tedali Mobo Bidi aga dali bidibaso, tama Godigo Mobo Bidigo agabolo weyu, te aga polo isigobeo po wai dao.

Jopgo Po Asęani Elalubo Buku 14:2

Da te plauwa tiwai kigamu pedalama, pio ma sasia pabo tiwai dao. Tama me e tiwai dao. Giliga noma pedalobo tiwai, tama pǫgo giliga polo halua sabo tiwai dao.

Godigo Nogi Ugwaba Sabo Tęąbi Po Wabo Buku Dabe 49:11

Hasia te bidi dabe augwaligo tǫ me elaluai, tialima megi te gų page augwaligo tǫ tiwai elama, augwali tede sesemane sogo bidada peyu, bidada pabo dao.

Kolesaga Koneai Bidigo Pusali Po Elalubo Buku 2:21

Eno te tiwai homu ebao, te bidi mebago te sę bugagia yabo skul olama, te wiegi yai homu kolesaga koneani elalu, te augwa sę dene elama, te nai hauwa sali. Tama nosali augwali isibaso, te gasa bidi dabego te nai dabe olo saibao. Te kolesaga dwai mu ebao, tama te page meni yai mu elalubao.

Kolesaga Koneai Bidigo Pusali Po Elalubo Buku 4:8

Te yǫya pai bidi deli bidali. Aga wai me, aga ama me meni yai, tiali goli, sesemane sogo agai sę naga ela pidubadi geani, te aga dwasianu toma me nabeo. Agai doado bage hauwa elaluali, tialima te nai dabe aga usu meni homu yali. Agai te tiwai homu ebeo, “Magi baso ena odolali sę dene eyu, te eno pemene meni ebawe?” te homu ebeo. Te tobage bidigo kolesaga te hobedagia mu elalu, te aga page meni yai elalubao.