Godigo Nogi Ugwaba Sabo Tęąbi Po Wabo Buku Dabe 39:6 - Godigo dwagi yai po buku

⁶ Tigidali bidi te ni noma te giligade elalubo tiwai ebao. Augwa te doado bage hauwa sabo sę dene ebadi, tiali goli, augwa te sę dene odolali hagayu yai. Te bidi dabego doado bage hauwa sisinani, tiali goli, augwali isibo si, dego sogowe, te augwaligo me konebeo.

Godigo Nogi Ugwaba Sabo Tęąbi Po Wabo Buku Dabe 39:6 Referans Kwoze

Kolesaga Koneai Bidigo Pusali Po Elalubo Buku 2:26

Te we bidi mebago te Godigo homu wali pobaso, tama agai augwali dali dwagi yai homu ebo dao. Agai augwaliba te wiegi yai homu kolesaga menama, te augwali pemene ilibo dao. Tiali goli, te tobage kolesaga isąwai bage, te dwai sę ebo bage yaibaso da, teda agai augwaliba te sę dene menama, te sali nai hauwa te sisinama, te Godigo dwagi yai homu ilibo we bidi augwaliba momainu ebo dao. Te sę dene eyu, doado bage hauwa sabo kolesaga me te page meni yai elalubao, te bidi udayu, te wali nogogo tola sainu ebo tiwai ebo dao.

Jems 4:14

Dagebolo magi nai te do pedalabo te dagego konebeo. Tama dagego bidibo ula te mena tiwai dawe? Te dagego bidibo ula e tiwai elalubao te kigamu pǫ holama, tama te giliga asobode te po polo hagabo tiwai, te da bidigo bidibo ula te tiwai osogo naga ebo dao.

1 Korin 7:31

Tama te tǫde doado bage sabo bisnis sę ebo bidi dabe, augwali te e tǫde doado bage dąų olalusiąbo bidi dabe tiwai bidao. Dago te tǫde elalubo nai dali kolesaga dali si tede naga dago homugo kone pelamuo. Dago koneani, te e megi elalubo tǫ silama tama hasegelama, tama te gasagi yai mu pedalaibao.

Kolesaga Koneai Bidigo Pusali Po Elalubo Buku 12:13

Te tigidali po siminagasu, eno te tiwai po obao, te da bidigo bidibo ulade polalubo sę te tiwai elalubao. Dago God naga dologode bidiyu, tama agai bomai po dabe wali pao.

Kolesaga Koneai Bidigo Pusali Po Elalubo Buku 5:14

Tiali goli nosali, aga mone sabo sę yali bisnis tulaluama, tama aga mone tigidali te hagawaibao. Tialima, agade te nai me deli elalusiąma, te aga isibo si, teda aga ogwago sabo nai meni yaibao.

1 Pita 5:7

Tama bidiyu, tama God agai dagede homu eyu, tama agai dage bugagia tonalubaso te dagego moni homu ebo sę tigidali aga nogoba muiąo.

Dwagi Yai Gesi Po Lukgo Asęani 12:29

Te dagego moni homu elama, te da tuabo mena nai dabe tueibawe, ma dago te mena ąį dabe tugowe, te homu ebo dao. Dagego te tama homu elama, te nai gegegimio.

Aisaia 55:2

Magi baso dagego te duga mone te dage tau sisąyabo nai dabede odolali silama, te dage nai sili bidaiwe? Magi baso dagego te tubo nai sabo sę dene elama, tama tede sabo monego magi baso te dwai olo nai naga abelebo dawe? Te eno poba bugagia olo muao, te eno wabo po tiwai gilama yao, te dagede eno mabo haniani nai mu pągąnalueibao. Awe, dagego homugo tede wiegi yai pemene mu yaibao.”

Kolesaga Koneai Bidigo Pusali Po Elalubo Buku 12:8

Kolesaga mu koneani bidigo te tama po walio, “Tigidali nai te olo nai tiwai naga elalu, tama aga page mu meni yai elalubao,” wali.

Kolesaga Koneai Bidigo Pusali Po Elalubo Buku 2:8

Eno te silva me gol hauwa elaluali, me te eno tonalubo tǫ kantri pedai king dabego me augwa wiegi yai dila pai nai dabe enaba mayu yali. Eno te we bidi meba sisinama, te augwaligo enaba wiegi yai homu pemene ilabo tęąbi po omainu yali. Te eno te me badu hani we hauwa selama, te ena homu pemene mu ilibo sę yai dao.

Kolesaga Koneai Bidigo Pusali Po Elalubo Buku 1:14

Eno te tǫde pedalubo nai tigidali sula silali, te mu tama, te nai dabego page mu me elalusiąwai, te bidi me deli udayu, te wali nogogo tola sainu ebo tiwai ebo dao.

Bugagia Bidibo Kolesagade Po Asęai Buku 13:22

Te wiegi yai bidi isibo sogo, te aga hani ogwa dabego te agai doado bage hauwa saibao. Tiali goli, te dwai bidigo sisinibo sę yali mone yai baso da, teda nosali te doloba pai bidi dabego te agai sisinani nai dabe sabo dao.

Godigo Nogi Ugwaba Sabo Tęąbi Po Wabo Buku Dabe 127:2

Da te kigamu digi mu hodaluama, tama sę dene ela pidubadi, te be hulia saboba usu nani, te mone me nai dabe sabo sę eyu tebao. Tiali goli, teyu, te da odolali sę dene yabuo. Magi baso meni, Godigo te aga wei ebo we bidi dabeba te toma nabo sogo mabo dao.

1 Pita 1:24

Tama Godigo pode te bukude asęani po me deli e dao, “Te tigidali we bidi osogo naga bidibo dao, te noswai tiwai. Tama augwaligo genuai nogi me te osogo naga elalubo dao, te noswai aga duduli tiwai. Te noswai holama, sasia peyu, aga duduli me tegasa dulaibao.

Jems 5:3

Tama dagego te wiegi yai kapa nogi gol te golgo nigali nai dali, te kapa nogi silva si te wiegi yai nai dabede nai yogo ebo homu eyu, te nai dabe olo munaluyu, te yaba yai. Tama te nai si yaba ebo gilama te dagego dwai sę ebo te hania pedaliyu, tama te naigo dagego tigi te sia ulubo tiwai yaibao. Dagego megi bidiyu, te walu me te mone ge hauwa sisinibao. Tiali goli te Genuai Bidi aga ma asobo sogo pąde dao. Tama tibaso, megi da te nai deliba sisinabo sogo menio.

Bugagia Bidibo Kolesagade Po Asęai Buku 27:24

magi baso meni, te nago mone te sesemane me elalugobeo, tama te kingo hani me te sesemane sesabi elama, me bidigobeo.

Bugagia Bidibo Kolesagade Po Asęai Buku 23:5

Te nago mone hauwa sobadi goli, te tagala, te polo tama sia saibao. Te mone te ba bogo tiwai elama, tama te ba kemodage tiwai ugwaba bola holobo dao. (8)

Jopgo Po Asęani Elalubo Buku 7:7

Jop agai po genina ma weyu, e tama wali, “God, nago koneani, eno e tǫde bidabo sogo te pęwadage mu da, te eno gunidu mobo selama, buluba polo ma soabo tiwai mu dao. Tama tibaso, dwagi yai sogo ena tigiba ma asogobeo.

Jopgo Po Asęani Elalubo Buku 7:16

Ena hagela polo yali. E tǫde bidibo da, ena hagela mu ebo. God, nago enabolo sęge ma menamo, ena sula tagalama, olo bidimainao. Magi baso meni, ena bidibo sogo pęwadage mu yali,” wali.

Jopgo Po Asęani Elalubo Buku 14:1

Te Jopgo po ma olama, te po wai, “Da we bidi e tǫde pęwadage sogo bidibo dao. Tama idago ame nanidu gagalasa, haniani dwai kolesaga dade pedalobo dao.

Godigo Nogi Ugwaba Sabo Tęąbi Po Wabo Buku Dabe 89:48

De mu te sesemane bidada pidu, bidada pelama, tama te me isigobe dawe? De te bomo elama bididu, te aga gų pageba me pogobewe? Te mena bidi deli me tegobeo, mu menio.

Godigo Nogi Ugwaba Sabo Tęąbi Po Wabo Buku Dabe 144:4

Da te pedauwalide mobo deli sogo naga te pedalubo tiwai ebao. Da te pęwadage sogo naga bidibao, te giligade noma pedelama, tama te polo hagabo tiwai ebao.

Kolesaga Koneai Bidigo Pusali Po Elalubo Buku 11:10

Te dago gesi bidi bidibo te sesabi elama, bobage sogo mu bidigobeo. Menio. Te olo nai tiwai elalubao. Tialima, dageba te nai dabego sęgę mobaso, te dagego homu hauwa igio. Tama dagego te duga tigiba dene mabo kolesaga wali pelamo dao.

Dwagi Yai Gesi Po Lukgo Asęani 12:26

Te dagego te tama tiwai dwasianu sęnu me yabo usu isąbaso da, teda magi baso dagego te gasa me me naide moni homu ebawe?