Godigo Nogi Ugwaba Sabo Tęąbi Po Wabo Buku Dabe 39:12 - Godigo dwagi yai po buku

¹² Genuai Bidi, nago eno gedu haluasa po odao. Nago te eno i waboba olo bugagia muao. Te eno nageba i wabo sogo, nago olo pania selamuo. Nago koneani, ena te dwasianu sogo nage dali te tǫde bidaibao. Ena te ena wąį nǫų dabe tobage tiwai dao, augwali me te pęwadage sogo naga te tǫde bidai dao.

Godigo Nogi Ugwaba Sabo Tęąbi Po Wabo Buku Dabe 39:12 Referans Kwoze

1 Pita 2:11

Eno abagi dede mu, eno dage tau somainogo bomo eyu e po dagebolo obao. Dage da e tǫba tamadi tama asai osogo bidibo we bidi dao. Tama tibaso, dago tigigo e tǫde ebo dwai dwai sę egimio. Te tobage dwai sę dabe augwaligo da aiyaba elaluai hagede da dali hwįbo dao.

Hibru 11:13

Tama te Abraham dali Sara dali, te Aisak me Jekop, te we bidi augwaligo konealubo po dąų olama Godide tią peyu bidaluama tama augwali isalio. Tama augwali e tǫde bidali sogo, te Godigo polobadu augwalibolo te nai mawaibao po wali, te wiegi yai nai augwaligo me sabeo. Menio. Augwali digibulu dolaluyu, tama augwaligo augwa homugo naga te Godigo augwalibolo maiabo nai sulama, wiegi yai homu pemene yai. Tama augwaligo te gasa we bidibolo te po haninama hania wai, “Da e tǫde bidibao te gasa bulu bidi tiwai bidibao. Da e tǫde dwasianu sogo naga bidagasai dao.”

Godigo Nogi Ugwaba Sabo Tęąbi Po Wabo Buku Dabe 119:19

Ena hauwa sogo e tǫde bidigobeo. Tama nago te bomo yai po ena dali dualigio.

Pris Sę Ebo Bomai Po 25:23

Genuai Bidigo te tiwai po ma wali, “Te gasa bidigo dagego tǫ abelai baso, agai sesemane sogo mu tonaludugio. Magi baso meni, te duga tǫ mu elalubeo. Te ena Genuai Bidigo tǫ elalubao, te eno dage Israel bidimainogo yali, te bidi dabego augwa tǫde te gasa tǫ kantri bidi dabe osogo bida wabo tiwai yai dao,” wali.

Tigidali Nai Gagalama Nigali Side 47:9

Jekopgo te po wai, “Eno kibu be te 130 elalubadi, te ena tigidali tǫ pedaiba bilali. Tiali goli, te kibu be dabe te bobage sogo sesabi elama bidisiąbadi, tama ena sęgę hauwa gegali. Te eno kibu be yali, te eno aya dabego yali kibu be te augwali bilali kibu beba usu nubeo,” wali.

1 Pita 1:17

Tama nogi yai bidi dali, nogi meni yai bidi dali God agai po tų ebo sogode dagalama egobeo. Te meni. God agai we bidi po tų eyu osola subo si, agai augwaligo yali sę naga osola subo dao. Tama tibaso, dagego agade dago Aya waligo da, teda dage e tǫde osogo bidibadi, agade wi eyu aga dologode bidao.

Godigo Nogi Ugwaba Sabo Tęąbi Po Wabo Buku Dabe 56:8

Nago ena te sęgę toliyu, tama ena te dwai dene me eyu, tama ena te gela udubo te nago koneai. Tialima, nago tede homu konealu elama, tama te naga bukude te nago asęai dao.

Tuni Bidi Dabego Po Elalubo Buku Deli 29:15

Te nago gedude da te bulu wau bilibo bidi tiwai ebao. Te dago dena wąį nǫų hani dabego yali sę tiwai gilama yalio. Te dago e tǫde dena bidibo ula dago dąų obaso usu egobeo. Da te plaua dabe pedalubo tiwai elama, te pęwadage sogo bidama, te isibo dao.

Te Israel me Juda Hani Sigo Tuni Bidigo Po Elalubo Buku Si 20:5

“Nage ma geasa pelama, te king Hesekia sugi pao, te king te eno hani we bidigo king bidi dao,” wali, “tama agabolo e tama po wao, ena God dao, aga wąį nǫų Devitgo Genuai Bidi, eno agai gedu haluasa po wali eno odalio, tama aga moni gela wabo sualio,” wali. “Tama tibaso, eno aga ma wiegi yai ma ilibao,” wali. “Tama duba te aga te eno lotu beba ma pelama, te ena dolo lotu po waibao,” wali.

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Godigo Nogi Ugwaba Sabo Tęąbi Po Wabo Buku Dabe 116:3

Isibogo te bonogo ena kębo tiwai yali. Eno te isibo bidi dabego pesageba homu kone ebode, tama tego ena wi mu ilama, tama ena gasa homu tedali mu yai dao.

Jopgo Po Asęani Elalubo Buku 16:20

Te eno abagi dedego ena godolo isąmaiyu, ena dolobo. Tiali goli, eno Godibolo gela geninama wabo dao.

2 Samuel 16:12

Genuai Bidigo te eno ebo dwai kolesaga koneama, tama Genuai Bidigo te homu eyu, te agai enaba te dwai po wali dabe hasegelama, tama aga te wiegi yai sę enaba yaibawe? Te dago sueibao,” wali.

2 Korin 5:6

Tama tego dago homu sesemane sogo dąų waliyu ebao. Dago tede bomo elalubao. Dago koneani, megi te dago tigi te dena bidibo be tiwai elalubao. Tama megi e sogo da ede me bididubadi, da Genuai Bidigo bulude aga dali me bidibeo.

Godigo Nogi Ugwaba Sabo Tęąbi Po Wabo Buku Dabe 102:1

Genuai Bidi, eno gedu haluasa po wabo odao. Eno nageba i wabo, te nago ena tau somainu ebao. Eno i wabo odao.

Godigo Nogi Ugwaba Sabo Tęąbi Po Wabo Buku Dabe 119:54

Ena eno bulu digibulu bidiyu, tama eno nago dwagi yai po koneama, te eno tęąbi po wabo dao.

Tigidali Nai Gagalama Nigali Side 21:34

Tama Abraham te Filistia dabego tǫde sesabi gana elama bidalio.

Jopgo Po Asęani Elalubo Buku 13:28

Da bidi dabe dobo da, te ni pago tulama, damua pabo tiwai dao. Tama te ugwa te asoba dabego tulama, popodolo pai tiwai dao,” Jopgo te po wali.

Godigo Nogi Ugwaba Sabo Tęąbi Po Wabo Buku Dabe 90:9

Nago wado ebogo te da tǫde bidibo bodolu pęwadage ilali. Mu tama, te dago bidibo sogo polo silali, te dago mobo deli sogo naga sabo tiwai ebo dao.