Godigo Nogi Ugwaba Sabo Tęąbi Po Wabo Buku Dabe 37:6 - Godigo dwagi yai po buku

⁶ Tama tiyu, te agai nago wiegi yai kolesaga te hania pepeli diliba pedalumainu ilama, te giliga ula pedalubo tiwai yaibao. Tama agai te nago doloba pai kolesaga te bidi dabego gedude te pepeli diliba haniliyu, te nai tubode te giliga tomo yagasu ula ebo tiwai yaibao.

Godigo Nogi Ugwaba Sabo Tęąbi Po Wabo Buku Dabe 37:6 Referans Kwoze

Aisaia 54:17

Tiali goli, te hwįbo nai dabe me deligo nage me dologobeo. Te nage bomonama dolalu, te bidi dabego nageba haniani po kisilama wabo po te wei ponoyu, aiyaba elalueibao. Eno te kolesagade ena sę bidi dabe tigidali bugagia tonalu, te augwali doloba pai we bidi pedelaibao. Ena Genuai Bidi, eno te po wai dao.”

Jopgo Po Asęani Elalubo Buku 11:17

Tama nago bidibo kolesaga dali, bidibo page dali, tigidali mu hasegelaibao. Te dwagi yai mu pedalaibao. Te giligade nai tubo belo wabode nanebo tiwai mu yaibao. Tama te sęgę te hulide hulia sai tiwai elaluali da, te da te me hasegelama, kigamu be posobo tiwai mu yaibao.

Aisaia 58:8

“Te dagego eno godolo homu ebo kolesaga ebaso da, teda polo tama te eno dagede elalubo dwai sęgę sia somainu yaibao, te kigamude nanobo giliga ulago te hulia sai elaluali hola sabo tiwai yaibao. Te eno dage usu ma ilaibao. Te ena, doloba pai kolesaga ebo God, ena dage asobodu polasa paibao. Te ena dage tudibadu nosali me te eno genuai bomo ula dali asu, te dage bugagia tonalueibao.

Matyu 13:43

Tama te sogo te doloba pai we bidi augwali augwa Ayago we bidi tonalubo madide bidiyu, tama augwali tigide te giliga ula tiwai eyu bidaibao. Odo elalubo bidi dabego te po bugagia odiąo,” Jisasgo te po wai.

Aisaia 58:10

te dagego suali, te bidi dabe te doado bage me nai dabe sǫą pai elalubo subaso, te dagego augwali homu dene mu elama, te augwali sǫą pali nai mobaso da, teda eno dage wiegi yai bugagia ilaibao. Te eno dageba wiegi yai sogo pedalumainu elama, te bomo yai giliga ula tiwai eyu, te be hulialuali hola sabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 31:20

Nago te konealubo homu dąų wabo bidi dabe te nage pąba geme dualubo dao, tama te augwali elainu te po mia sali bidi dabe, augwali usu me egobeo. Nago te nageba homu kęą pabo bidi dabe geme bugagia dualama, tama te boi bidi dabego tibo po kisilibo po wabogo te augwali aiyaba me elalugobeo.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Malakai 3:18

Tama tiyu, te sogo te ena wali pabo doloba pai we bidiba eno ebo kolesaga ma suiyagameo, te eno dwai bidi dabeba ebo kolesaga, te augwaligo eno po sela sąbo dao, te bageba me eno ebo kolesaga suiyagameo,” wali.

Jeremaia 51:10

Genuai Bidigo te Babilon dolobaso, tama te kolesagade agai te da dali yali kolesaga te doloba pai kolesaga naga dao, te hania ola mani. Tegobao, da te Saionba pelama, te dena Genuai Bidi, Godigo yali sę tigidali hanilaibao,” augwaligo te po waibao.