Godigo Nogi Ugwaba Sabo Tęąbi Po Wabo Buku Dabe 37:5 - Godigo dwagi yai po buku

⁵ Nago te naga bidibo ula te Genuai Bidi nogoba muao. Te konealubo homu agaba dąų weyu, te agai nage tau saibao.

Godigo Nogi Ugwaba Sabo Tęąbi Po Wabo Buku Dabe 37:5 Referans Kwoze

Bugagia Bidibo Kolesagade Po Asęai Buku 16:3

Te tigidali sę nago yainu homu eyu da, te nago Genuai Bidi nogoba te sę muao. Tama agai te sę dabe wiegi yai pedalumainu ilaibao.

1 Pita 5:7

Tama bidiyu, tama God agai dagede homu eyu, tama agai dage bugagia tonalubaso te dagego moni homu ebo sę tigidali aga nogoba muiąo.

Matyu 6:25

“Tama tibaso, eno e po dagebolo obao, dagego duga bidibo ula tigi tau mabo naide homu hauwa eyu, te po wagimio, ‘Da magi nai tugowe?’ ma ‘Da magi wę tueibawe?’ Tama dagego duga tigi tau siyu gudabo ugwade homu hauwa elama te po olamuo, ‘Da magi ugwa gudugowe?’ Te bidabo ula elalubogo te tubo nai aiyaba elalubo dao. Me te tigi elalubogo te gudabo ugwa aiyaba elalubo dao.

Godigo Nogi Ugwaba Sabo Tęąbi Po Wabo Buku Dabe 55:22

Tigidali sęgę nago tolobao, te nago Genuai Bidiba mao. Te agai tolama, tama te agai nage dąų walaibao. Te agai te magi nai me deligo te doloba pai bidi dabe dolomainu me iligobeo.

Jems 4:15

Tama tibaso, dagego nosali yabo sęde homu eyu, te po wao, “Genuai Bidi agai ‘Ao, usu da’ homu eyu da, te da bidibo ula dali bidiyu, tama dago te masigi sabo sę me te gasa sę me te nosali yaibao.”

Godigo Nogi Ugwaba Sabo Tęąbi Po Wabo Buku Dabe 22:8

Augwaligo te po weyu, “Nago konealubo homu te Godiba mubo da,” wabo. “Magi baso agai nage ma sabewe? Te Godigo nage wei homu eyu da, te magi baso agai nage tau sabewe?” Augwaligo te tobage po wabo dao.

Jopgo Po Asęani Elalubo Buku 22:28

Tama nago sę me yainu homu dąų wali sę dabe da, te da Godigo nago te sę emainu sula tagalama, dwagi yai pedalomainu sula tagalaibao. Tama Godigo nage bidibo page bugagia mu ilaibao.

Te We Bidi Dabego Jerusalem Hagede Gela Wali 3:37

Te Genuai Bidigo usu da hasia wasiąyu da, teda bidigo magi sę pedalumainu ebo usugobeo.

Dwagi Yai Gesi Po Lukgo Asęani 12:22

Jisasgo aga wali bilibo bage dabebolo te po wali, “Tama tibaso, eno dagebolo te tama po obao, dagego te po begelama pusali pode te homu hauwa elama, te tigi tau sabo nai tulama bidabo te naiba homu dogia pigio, ‘Te mena nai tugowe?’ Te dagego tigi tau sabo sęde homu hauwa dogia pelama, te po wagio, ‘Te dago mena ugwa dabe gudugowe?’ te homu me dogia pigio.

Kolesaga Koneai Bidigo Pusali Po Elalubo Buku 9:1

Eno te nai dabede bugagia homu kone palama, tama te tiwai eno koneanio, Godigo digi te doloba pai bidi dabeba pedelabo nai dabe dąį ilali, te wiegi yai homu kolesaga elalubo bidi dabeba me tama tialio. Agai te nai dabe godolo yabo sogo dąį iliyu, te nai dabe godolo isiąbo sogo dąį iliyu yali. Te magi nai nosali pedelabo te dago konegobeo. Ma, dwagi yai sę pedelaibawe, ma dwai sę daba pedelaibawe, te da bidigo konebeo.

Tigidali Nai Gagalama Nigali Side 24:12

Agai tama tiwai gedu haluasa po wali, “Yaweo, eno genuai bidi Abrahamgo God, nago eno sę megi wiegi yai ilao,” wai. “Nago te eno genuai bidi dali megi dwagi yai tau sabo sę emainogo eyu, tama ena tau mao.

1 Samuel 12:4

Tialima, te bidi dabego po wei ponoyu, te tiwai po wai, “Mu menio. Nago da ili po ola mayu, te nai me deli anoma eyu, ma dwai sę te dabolo me ebeo. Tama te bidi me deli nage homu bega somainu ebo po me wabeo,” wali.